Aˇ dahˬ 10:7 - Akha

⁷ Kuˇshaˆ-euˬ zaˬ deuˬ uˆ deuˬ-aˬ, Seˬbaˇ tsawˇ jeuˬ, Haˬbiˇlaˬ tsawˇ jeuˬ, Saˬbaˬtah tsawˇ jeuˬ, Laˬmaˬ tsawˇ jeuˬ, Saˬteˬkaˬ tsawˇ jeuˬ, heu deuˬ pyeuꞈ-eu meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ pyeuꞈ-eu meh.

Aˇ dahˬ 10:7 ပူးပေါင်းရင်းမြစ်များ

Aˇ dahˬ 10:8

Kuˇshaˆ-aˬ, Niˇyawˇdaˆ lehˇ myahˇ-euˬ aˬ li tiˬ li jawˇ-eu meh. Aˬ li kʼoeˇ li-aˬ, aˬ cawˬ-euˬ miˇ kʼahˬ-ahˇ deuˆ gʼaˬ-awˇ, miˇ tsaˬ kʼoeˇ taˆ tsawˇ myahˇ doˆ dui dui-euˬ tsawˇ haˬ yaw beh gʼaˬ pyeuꞈ-eu meh.

Aˇ dahˬ 2:11

Lawˇ baˬ yaw beh gawˆ-aˬ, Piˇshahˬ lawˇ baˬ pyeuꞈ-awˇ, Haˬbiˇlaˬ miˇ kʼahˬ caw caw-ehˇ yoeˇ ka gʼeh-euˬ meh.

1 Sahˬpaˬ 10:1

Sawˇlaˬmoˬ tsawˇ myahˇ doˆ-eu gaˇ kawˆ Sheˬba sahˬ paˬ ma ya gaˬ ngeh, naꞈ dui dui-eu dawˬ deuˬ naˇ haˬ-awˇ tsawˇ gahˇ teh haw-eu gʼaˇ duˬ, Yeˬluˇsaˬlehˬ meuˬ-ahˇ le-euˬ meh.

1 Laˬsaˬbaˬ 1:9

Kuˇshaˆ-euˬ zaˬ deuˬ uˆ deuˬ-aˬ, Seˬbaˇ, Haˬbiˇlaˬ, Saˬbaˬ, Saˬbaˬtah, Laˬmaˬ, Saˬteˬkaˬ heu deuˬ meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ meh.

Yawˇbaˆ 1:15

Kʼoeˇ ngeh, Saˬbyaˬ tsawˇ jeuˬ tsawˇ haˬ deuˬ ja pyuˬ ni oe doˆ-awˇ, jeˬ zaˬ dawˬ tawˆ luꞈ teh geuꞈ gʼeh-euˬ meh. Nawˬ-euˬ zaˬ kʼaˆ dawˬ tawˆ luꞈ aˬ yawꞈ maꞈ neh bi sehꞈ jiˇ-awˇ, gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Iˇsaˬyaˇ 21:13

Heu-aˬ, Aˬleˬbyaˇ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Aˬleˬbyaˇ bawˇ tsahˬ-ahˇ sehˬ gʼawˆ gʼawˆ-awˇ yaꞈ-eu, Deˬdaˬ tsawˇ haˬ baw gaꞈ deuˬ-oˇ,

Iˇsaˬyaˇ 43:3

Ngaˇ-aˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, nawˬ-ahˇ ka kʼoꞈ nehˬ le-euˬ gʼaˬ ngaˇ ma. Nawˬ-euˬ dah zaˇ Iˇjiˇtuˆ-ahˇ ngaˇ bi shaˬ ma. Suˬdaˬ hawˇ-eu Seˬbaˇ miˇ kʼahˬ neh nawˬ-ahˇ paˇ kʼoꞈ ma.

Yeˬsaˬgeˬlaˇ 27:15

Loˇdiˇ meuˬ-ahˇ jawˇ-eu tsawˇ haˬ deuˬ nawˬ nehˬ-ehˇ jeˬ gaꞈ taꞈ-euˬ meh. Laˆ shaˆ lawˇ deh-ahˇ jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ ya ma juiˇ hawˇ-eu aˇ poeˬ kʼaˆ-awˇ ziꞈ dui dui-eu saˆ laˆ tiˬ jeˬ ahˬ laˇ-awˇ, nawˬ-euˬ myawˬ gahˬ zeuˇ geuꞈ laˇ-euˬ meh.

Yeˬsaˬgeˬlaˇ 27:20

Deˬdaˬ meuˬ-ahˇ jawˇ-eu tsawˇ haˬ deuˬ-aˬ, dziˬ gʼa saˬ paˇ yuˇ leꞈ-awˇ, nawˬ-euˬ myawˬ gahˬ paˇ geuꞈ le-eu meh.

Yeˬsaˬgeˬlaˇ 27:22

Sheˬba baw gaꞈ deuˬ hawˇ-eu Laˬmaˬ baw gaꞈ deuˬ-aˬ, aˇ poeˬ kʼaˆ-eu kʼaˬ lo sehˇ deuˬ, shuiˇ deuˬ hawˇ-eu muiˬ dui dui-eu yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ paˇ geuꞈ le-eu meh.