Aˇ dahˬ 10:4 - Akha

⁴ Yaˬbaˬ-euˬ zaˬ deuˬ uˆ deuˬ-aˬ, Iˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˇ tsawˇ jeuˬ, heu deuˬ pyeuꞈ-eu meh.

Aˇ dahˬ 10:4 ပူးပေါင်းရင်းမြစ်များ

Aˇ dahˬ 10:5

Aˬ yawꞈ maꞈ-aˬ, iˬ ma laˆ shaˆ lawˇ taw jawˇ-eu tsawˇ jeuˬ deuˬ hawˇ-eu, iˇ jaw lahˇ deuˬ laꞈ kʼoeˇ jawˇ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Heu-aˬ, tsawˇ jeuˬ beu gaˇ-awˇ, miˇ kʼahˬ maˬ taꞈ-eu Yaˬpahˇ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ maꞈ yawˬ ha tsawˇ jeuˬ-euˬ dawˬ yawˬ ha baw-eu meh.

1 Laˬsaˬbaˬ 1:7

Yaˬbaˬ-euˬ zaˬ deuˬ uˆ deuˬ-aˬ, Eˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˬ tsawˇ jeuˬ deuˬ meh.

Iˇsaˬyaˇ 23:1

Heu-aˬ, Duˇlu meuˬ-ahˇ taꞈ leˇ-eu Miˬyehˇ-euˬ dawˬ meh. Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ-awˬ. Duˇlu meuˬ luˬ-iˇ seˇ-iˇ jiˇ-awˇ, nymˇ hawˇ-eu saˇ baoˬ naˬ duˬ maˬ paˇ jaˆ meh. Guˇbaˬluˇ miˇ kʼahˬ-ahˇ neh, gaˇ kawˆ heu gaˬ keuˆ laˇ-euˬ meh.

Iˇsaˬyaˇ 23:12

Siˇdoˬ meuˬ-oˇ, nawˇ laˬ kʼaˬ cehˇ-eu aˇ yamˬ jiˇ le-awˇ, nawˬ-euˬ tsawˇ haˬ deuˬ-ahˇ aˬ cawˬ kʼehˬ tehꞈ-a. Guˇbaˬluˇ iˇ jaw lahˇ-ahˇ cehˆ-iˇ kʼawꞈ, cehˆ dzeuˇ kʼaˇ maˬ za-a.

Yeˬsaˬgeˬlaˇ 27:12

“Saˬbeˬ miˇ kʼahˬ nehˬ-ehˇ nawˇ jeˬ gaꞈ taꞈ-awˇ, aˇ poeˬ kʼaˆ-eu nawˬ-euˬ myawˬ gʼawˬ mya jeˬ yuˇ gʼeh-awˇ, pyuˇ, shmˇ, shmˇ ba, za siˬ heu deuˬ nawˇ paˇ geuꞈ-euˬ meh.

Yeˬsaˬgeˬlaˇ 27:25

Huiˬ dui dui-eu saˇ baoˬ deuˬ aˇ muˇ muˇ muˇ-ehˇ, nawˬ-euˬ myawˬ gahˬ deuˬ tawˬ doˆ gʼeh-eu meh. “Nawˇ-aˬ, myawˬ tawˬ dui dui luꞈ-eu, laˆ shaˆ saˇ baoˬ-ahˇ duˇ-eu meh.

Yeˬsaˬgeˬlaˇ 27:6

Baˬshaˬ-euˬ tsuiꞈ kʼaˆ aˇ bawˇ neh, saˇ baoˬ heu-eu daˇ laˆ jahˇ-awˇ, Guˇbaˬluˇ-euˬ miˬ shuˬ yuˇ-awˇ, ya ma juiˇ taꞈ-ahˇ-eu laꞈ kʼoeˇ, saˇ baoˬ guiˇ ga kʼawˬ taˬ-euˬ meh.

Yeˬsaˬgeˬlaˇ 27:7

Iˇjiˇtuˆ-euˬ saˬ paˇ paˇ shawˇ, aˇ boꞈ aˇ yehˆ yehˆ-awˇ guꞈ-euˬ, nawˬ-euˬ saˇ baoˬ saˬ paˇ kʼoeˇ-ahˇ, gaˇ mahˇ jawˇ-awˇ haw siˬ nya meh. Nawˬ-euˬ saˇ baoˬ joe shmˇ-euˬ-aˬ, Guˇbaˬluˇ-ahˇ neh yuˇ leꞈ-euˬ, neˇ nyoeˇ nyoeˇ-eu saˬ paˇ neh meh.

Daˬyeˬlaˇ 11:30

Loˇmaˆ tsawˇ haˬ deuˬ saˇ baoˬ dziˬ-awˇ oe-awˇ, aˬ yawꞈ-ahˇ ciˬ daˬ le-eu miˇ neh, aˬ yawꞈ guˆ dui dui-iˇ tehꞈ-a. “Kʼoeˇ naˇ, aˬ yawꞈ nui ma pehˇ dui dui-eu laꞈ kʼoeˇ jeˬ nah paw gʼoꞈ kʼoꞈ laˇ-awˇ, Miˬyehˇ-euˬ tsawˇ haˬ deuˬ-euˬ uˬ duˬ tahˬ-eu zahˇ sahˇ kʼoꞈ-ahˇ laˆ cawˆ-eu lehˇ leh jeh tehꞈ-a. Uˬ duˬ tahˬ-eu zahˇ sahˇ kʼoꞈ kʼoeˇ hmˬ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ gʼaˬ baꞈ baꞈ tehꞈ-a.

Bawˇtsahˬ 24:24

Guˇbaˬluˇ paw neh aˬ cawˬ guiˇ deuˆ ahˇ laꞈ tehꞈ-a. 1 Aˬshuˇliˆ miˇ kʼahˬ hawˇ-eu Eˬbaˬ miˇ kʼahˬ-ahˇ aˬ yawꞈ maꞈ deuˆ gʼaˬ tehꞈ-a. Ehˇ kʼawꞈ, aˬ yawꞈ maꞈ gʼeh mˬ maˬ maˬ byaˆ zaˇ ziˇ ya luˬ ya seˇ-iˇ tehꞈ-a.”