Aˇ dahˬ 1:31 - Akha

³¹ Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Aˇ dahˬ 1:31 ပူးပေါင်းရင်းမြစ်များ

Aˇ dahˬ 1:13

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, smˬ nah tiˬ nah dzeuˇ-iˇ-euˬ meh.

Aˇ dahˬ 1:19

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, oeˬ nah tiˬ nah dzeuˇ-iˇ-euˬ meh.

Aˇ dahˬ 1:23

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, ngaˬ nah tiˬ nah dzeuˇ-iˇ-euˬ meh.

Aˇ dahˬ 1:5

Yaw shehꞈ-ahˇ “Nah gʼahˇ”, yaw zahˇ-ahˇ “Uˬ ciꞈ” lehˇ, aˬ yawꞈ myahˇ nehˬ-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, yaw beh nah dzeuˇ-iˇ-euˬ meh.

Aˇ dahˬ 1:8

Kaˬ lawˆ kʼoeˇ hmˬ-ahˇ, “Mˬ” lehˇ Miˬyehˇ myahˇ nehˬ-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, nyiˬ nah tiˬ nah dzeuˇ-iˇ-euˬ meh.

Aˇ dahˬ 2:2

Kʼaˇ mˇ kʼaˇ shaˇ paˬ-ehˇ gʼeh-eu jeˬ mˇ gʼaˬ shaˇ gʼaˬ jiˇ-euˬ miˇ neh, shiꞈ nah tiˬ nah keuˆ laˇ ngeh, Miˬyehˇ gʼaˬ naˬ naˬ-euˬ meh.

Aˇ dahˬ 2:3

Shiꞈ nah kʼoeˇ nah-ahˇ aˬ yawꞈ guiˬ lahˬ biꞈ-awˇ, aˇ nah nui deuˬ-ahˇ maˬ duˇ-eu aˇ nah tiˬ nah bi pyeuꞈ laˇ-euˬ meh. Aˬ jeˬ miˇ neh ehˇ naˇ, aˇ nah kʼoeˇ nah keuˆ laˇ ngeh, mˬ beh miˇ beh aˬ yawꞈ beh gʼaˬ jiˇ-awˇ, gaˇ maˬ mˇ ni gʼaˬ naˬ naˬ-euˬ meh.

Yawˇbaˆ 38:7

Kʼoeˇ ngeh nah uˬ bya bya laˇ ngeh, aˬ guiˇ deuˬ tiˬ kawˆ loꞈ-ehˇ caˇ dawˬ caˇ-awˇ, mˬ taˆ gʼaˬ kʼehˇ deuˬ laˬ kʼaˬ cehˇ-awˇ guˇ-euˬ meh.

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Jaceuq 104:28

Aˬ yawꞈ maꞈ-ahˇ nawˇ bi dzaˬ bi dawˇ-eu miˇ neh, aˬ yawꞈ maꞈ ya dzaˬ ya dawˇ dehˆ-eu meh. Aˬ yawꞈ maꞈ-ahˇ nawˇ dzaˬ dzaˬ dawˇ dawˇ biꞈ-eu miˇ neh, aˬ yawꞈ maꞈ nui kʼahˇ shiˇ duˬ jaˆ-eu meh.

Jaceuq 104:31

Sahˬpaˬ Miˬyehˇ-euˬ yaw shehꞈ kʼahˬ sehˇ, mˬ maˬ maˬ byaˆ zaˇ ziˇ gmˬ luꞈ-uˇ. Aˬ yawꞈ neh mˇ taˬ-euˬ gaˇ deuˬ-ahˇ, aˬ yawꞈ laˬ kʼaˬ cehˇ nui kʼahˇ shiˇ luꞈ-uˇ.

Jaceuq 119:68

Nawˇ aˇ naˆ ni muiˬ-awˇ, aˇ naˆ ni gʼawˬ shaˬ gaˬ nya-eu nga. Nawˬ-euˬ zahˇ dawˬ kʼoꞈ dawˬ ngaˬ-ahˇ mehˬ nehˬ laꞈ.

Doˆ-iˇ 20:11

Aˇ yamˬ koꞈ nah laꞈ kʼoeˇ, miˇ tsaˬ maˬ ehˇ, mˬ maˬ ehˇ, iˬ ma laˆ shaˆ maˬ ehˇ, heu deuˬ dawˬ tawˆ luꞈ laꞈ kʼoeˇ kʼaˇ jawˇ kʼaˇ jaˆ-eu yawˬ jeˬ na luꞈ maˬ ehˇ, ngaˇ beh-euˬ ma. Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ-aˬ, jawˇ nah pyeuꞈ-eu aˇ nah kʼoeˇ nah-ahˇ dawˬ ngehˬ gʼeh nehˬ-awˇ, muiˬ-eu shawˇ-eu aˇ nah bi pyeuꞈ laˇ-euˬ ma.

Doˆ-iˇ 31:17

Aˇ nah kʼoeˇ nah-aˬ, ngaˇ hawˇ-eu Iˇsaˬleˬlaˆ tsawˇ haˬ-euˬ yaw kaˬ-ahˇ, mˬ maˬ maˬ byaˆ zaˇ ziˇ saˇ kiˇ pyeuꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, koꞈ nah laꞈ kʼoeˇ mˬ beh miˇ beh beh-awˇ, shiꞈ nah aˬ yawꞈ nah-ahˇ gaˇ maˬ mˇ ni naˬ-euˬ ma.”

Dawqdaq 16:4

Yawˬ jeˬ na luꞈ Sahˬpaˬ Miˬyehˇ neh noeˬ tmˬ duˬ beh ahˇ taˬ-awˇ, yaw haiˬ deuˬ-euˬ noeˬ tmˬ duˬ-aˬ, luˬ-iˇ seˇ-iˇ-eu jeˬ meh.

Dawˬ tsoˆ 3:11

Yawˬ jeˬ na luꞈ gʼaˇ duˬ aˬ yawꞈ neh yamˬ law toꞈ tsaˬ taˬ-euˬ meh. Mehˬ hu paw pyeuꞈ laˇ-eu gaˇ kawˆ siˬ mawꞈ mawˇ mawꞈ-eu nui ma, tsawˇ haˬ zaˬ-ahˇ aˬ yawꞈ biꞈ taˬ-euˬ meh. Ehˇ kʼawꞈ, aˬ yawꞈ neh mˇ-euˬ gaˇ-ahˇ aˇ dahˬ beh gaˇ neh aˇ saˬ saˬ gaˇ keuˆ ni maˬ bi siˬ duˬ-a.

Ngoeˇ dawˬ 3:38

Muiˬ muiˬ doeˇ doeˇ kʼaˇ pyeuꞈ laˇ-euˬ, yawꞈ-euˬ dawˬ-ahˇ doˆ le-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

1 Tiˆmoˇseˬ 4:4

Miˬyehˇ neh kʼaˇ beh taˬ-euˬ yawˬ jeˬ na luꞈ, yaw muiˬ jeˬ pyeuꞈ-eu meh. Biˬ dzeh-eu jeˬ maˬ ahˇ-a. Yawˬ jeˬ na luꞈ-ahˇ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ nya dawˇ nya-eu meh.

1 Tiˆmoˇseˬ 4:5

Aˬ jeˬ miˇ neh ehˇ naˇ, Miˬyehˇ-euˬ dawˬ kawˬ hawˇ-eu Miˬyehˇ-ahˇ guiˬ lahˬ shaˇ-eu jeˬ-aˬ, yawˬ jeˬ na luꞈ-ahˇ Miˬyehˇ ha geuꞈ nya-eu jeˬ bi pyeuꞈ laˇ-eu meh.