Aˇ dahˬ 1:28 - Akha

²⁸ Kʼoeˇ naˇ, heu loꞈ-ehˇ dawˬ ngehˬ gʼeh-awˇ guiˬ lahˬ biꞈ nehˬ-euˬ meh. “Jeuˬ le o le-awˬ. Naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ-awˇ, miˇ tsaˬ-ahˇ uˆ lahˇ luꞈ-uˇ. Ngaˬ shaˬ ngaˬ deˇ, ho zaˬ nga jiˇ hawˇ-eu, bawˇ tsahˬ jeˬ zaˬ deuˬ-ahˇ haw-eu pyaˆ-eu gʼaˇ duˬ, ngaˇ naw maꞈ-ahˇ gaˇ biꞈ-eu ma.

Aˇ dahˬ 1:28 ပူးပေါင်းရင်းမြစ်များ

Aˇ dahˬ 1:22

Kʼoeˇ deuˬ-ahˇ ya mawˇ ngeh, aˬ yawꞈ nui kʼahˇ shiˇ-euˬ meh. “Iˇ cuꞈ laꞈ kʼoeˇ kʼaˇ uˇ-eu boeˬ boeˬ luˆ luˆ dawˬ tawˆ luꞈ myaˬ laˇ behˇ laˇ-awˇ, iˬ ma laˆ shaˆ laꞈ kʼoeˇ byah laˇ-awˬ. Aˇ jiˇ deuˬ kʼawꞈ myaˬ laˇ behˇ laˇ-awˬ” lehˇ, aˬ yawꞈ dawˬ ngehˬ gʼeh nehˬ-euˬ meh.

Aˇ dahˬ 17:16

Ngaˇ aˬ yawꞈ-ahˇ guiˬ lahˬ biꞈ-awˇ, nawˬ-euˬ gʼaˇ duˬ aˬ li tiˬ li bi ciˬ ma. Aˬ yawꞈ-ahˇ ngaˇ dawˬ ngehˬ gʼeh nehˬ-awˇ, tsawˇ jeuˬ dawˬ tawˆ luꞈ-euˬ aˬ ma ma dzahˇ bi pyeuꞈ laˇ ma. Aˬ yawꞈ-euˬ zaˬ deuˬ uˆ deuˬ laꞈ kʼoeˇ sahˬpaˬ deuˬ kʼawꞈ doˆ laˇ tehꞈ-a.”

Aˇ dahˬ 17:20

Iˇshaˬmeˬlaˇ gʼaˇ duˬ kʼawꞈ nawˇ ngaˬ-ahˇ shaˇ-eu ngaˇ ya gaˬ gʼaˬ-euˬ miˇ neh, aˬ yawꞈ-euˬ zaˬ deuˬ uˆ deuˬ-ahˇ ngaˇ bi jeuˬ bi o le ma. Aˬ yawꞈ-ahˇ sahˬpaˬ zaˬ yo tseˇ nyiꞈ gʼaˬ-euˬ aˬ da yaw dzahˇ bi pyeuꞈ laˇ-awˇ, aˬ yawꞈ-euˬ zaˬ deuˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 24:60

Aˬ yawꞈ maꞈ Leˬbehˇkaꞈ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Zaˬ miˬ dmˇ ma-oˇ, nawˇ-aˬ, maˬ gui jiˇ coeˇ-eu tsawˇ haˬ deuˬ-euˬ aˬ ma ma dzahˇ pyeuꞈ laˇ luꞈ-uˇ. Nawˬ-euˬ zaˬ nawˬ-euˬ uˆ deuˬ-aˬ, aˬ yawꞈ maꞈ-ahˇ muiˇ-eu tsawˇ haˬ deuˬ-euˬ meuˬ deuˬ-ahˇ deuˆ gʼaˬ luꞈ-uˇ.”

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 33:5

Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

Aˇ dahˬ 49:25

Nawˬ da-euˬ Miˬyehˇ nawˬ-ahˇ caw ba tehꞈ-a. Nawˬ-ahˇ guiˬ lahˬ yaw dzahˇ biꞈ-eu yaw sahˇ Baoˬ huiˬ-eu Miˬyehˇ-aˬ, Mˬ kʼoeˇ taˆ neh yoeˇ le-euˬ uˬ yehˇ iˇ cuꞈ hawˇ-eu Miˇ tsaˬ dawˬ dah neh doˆ laˇ-euˬ iˇ cuꞈ biꞈ nehˬ laꞈ tehꞈ-a. Zaˬ oeˬ sahˇ-awˇ jeˬ zaˬ behˇ ni, aˬ yawꞈ guiˬ lahˬ biꞈ laꞈ tehꞈ-a.

Aˇ dahˬ 5:2

Kʼaˬ dzeˇ zaˬ hawˇ-eu zaˬ miˬ zaˬ-ahˇ aˬ yawꞈ beh gʼaˬ ngeh, aˬ yawꞈ nyaꞈ-ahˇ guiˬ lahˬ biꞈ nehˬ-awˇ, “Tsawˇ haˬ zaˬ” lehˇ myahˇ nehˬ-euˬ meh.

Aˇ dahˬ 6:1

Tsawˇ haˬ zaˬ deuˬ miˇ tsaˬ kʼoeˇ taˆ jawˇ byah jiˇ-awˇ, zaˬ miˬ aˬ buˇ zaˬ guˬ deuˬ kʼawꞈ jawˇ myaˬ laˇ-euˬ meh.

Aˇ dahˬ 8:17

Jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼawꞈ paˇ myaˬ paˇ behˇ laˇ-awˇ, miˇ tsaˬ kʼoeˇ taˆ byah-iˇ nya ni, laꞈ nyiˇ paw pyehˬ doˆ gʼeh-awˬ.”

Aˇ dahˬ 9:1

Noˇaˬ hawˇ-eu aˬ yawꞈ-euˬ aˬ li deuˬ-ahˇ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ-euˬ meh. “Miˇ tsaˬ kʼoeˇ taˆ naw maꞈ-euˬ zaˬ deuˬ dehꞈ byah jawˇ byah jiˇ ngeh keuˆ ni jeuˬ le o le-awˬ.

Aˇ dahˬ 9:7

Naw maꞈ zaˬ myaˬ laˇ-awˇ, naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ tehꞈ-a” lehˇ ehˇ nehˬ-euˬ meh.

1 Laˬsaˬbaˬ 26:5

koꞈ gʼaˬ tiˬ gʼaˬ Aˬmeˬlaˆ, shiꞈ gʼaˬ tiˬ gʼaˬ Iˇsaˬkaˬ, yehꞈ gʼaˬ tiˬ gʼaˬ pyeuꞈ-eu zaˬ saˬ gʼaˬ Pyuˇlaˬdehˇ meh.

1 Laˬsaˬbaˬ 4:10

Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

Yawˇbaˆ 39:11

Aˬ yawꞈ-euˬ huiˬ-eu gʼaˬ-ahˇ gʼoe-awˇ nawˬ-euˬ gʼaˇ duˬ myawˬ kʼaˆ bi mˇ-eu lehˇ noeˬ tmˬ nya te loˇ.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Jaceuq 115:16

Mˬ-aˬ, Sahˬpaˬ Miˬyehˇ-euˬ tehꞈ-ehˇ pyeuꞈ kʼawꞈ, tsawˇ haˬ zaˬ-ahˇ miˇ tsaˬ tahˬ kʼawˇ biꞈ taˬ-euˬ meh.

Jaceuq 69:34

Mˬ hawˇ-eu miˇ tsaˬ tahˬ kʼawˇ-oˇ, Miˬyehˇ-ahˇ ja ceuˬ-awˬ. Iˬ ma laˆ shaˆ hawˇ-eu kʼoeˇ gaˇ kʼaˇ uˇ-eu jeˬ dawˬ tawˆ luꞈ aˬ yawꞈ-ahˇ ja ceuˬ-awˬ.

Jaceuq 8:6

Nawˬ-euˬkuiˇzaˇlaꞈzaˇkʼoeˇtaˆ, tsawˇhaˬzaˬneh bi uˆlahˇ-awˇ, nawˬneh kʼaˇbeh-euˬ jeˬdawˬtawˆ, yawꞈ-euˬlaꞈoˆbi jaˆ-euˬmeh.

Jaceuq 8:7

Yawˇ maˬehˇ, mawˇneˇmaˬehˇ, deh ga bawˇtsahˬjeˬzaˬmaˬehˇ,

Iˇsaˬyaˇ 45:18

Sahˬpaˬ Miˬyehˇ mˬ-ahˇ beh-euˬ meh. Aˬ yawꞈ-aˬ, Miˬyehˇ meh. Miˇ tsaˬ tahˬ kʼawˇ aˬ yawꞈ tehˆ-awˇ, ziꞈ dah ni laˆ ziꞈ taˬ-euˬ meh. Miˇ tsaˬ-ahˇ yawꞈ ngehꞈ-ehˇ beh taˬ-euˬ maˬ ngeuˇ-ehˇ, tsawˇ haˬ bi jawˇ-eu gʼaˇ duˬ beh-euˬ meh. Aˬ yawꞈ heu loꞈ-ehˇ ehˇ nehˬ-eu meh. “Ngaˇ Sahˬpaˬ Miˬyehˇ ma. Miˬ yehˇ nui gʼaˬ maˬ jawˇ.”

Uˬ duˬ 26:9

Naw maꞈ-ahˇ ngaˇ guiˬ lahˬ biꞈ-awˇ, naw maꞈ-euˬ zaˬ deuˬ bi jeuˬ bi o le ma. Naw maꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ ziꞈ ma.

1 Tiˆmoˇseˬ 4:3

Sheuˬ dahˬ dzaˬ taꞈ-eu maˬ tsaˬ-a lehˇ mehˬ-eu uˬ taꞈ, dzaˬ dzaˬ dawˇ dawˇ tiˬ paˆ na deuˬ-ahˇ maˬ dzaˬ kʼmˬ-a lehˇ aˬ yawꞈ maꞈ mehˬ-eu meh. Ehˇ kʼawꞈ, dzaˬ dzaˬ dawˇ dawˇ kʼoeˇ deuˬ-aˬ, yaw tsaˬ yaw dawˇ jeˬ-ahˇ siˬ nya laˇ-euˬ tsawˇ haˬ deuˬ Miˬyehˇ-euˬ guiˬ lahˬ-ahˇ ja ceuˬ gʼaˬ-awˇ bi dzaˬ-eu gʼaˇ duˬ Miˬyehˇ neh beh taˬ-euˬ meh.