Aˇ dahˬ 1:22 - Akha

²² Kʼoeˇ deuˬ-ahˇ ya mawˇ ngeh, aˬ yawꞈ nui kʼahˇ shiˇ-euˬ meh. “Iˇ cuꞈ laꞈ kʼoeˇ kʼaˇ uˇ-eu boeˬ boeˬ luˆ luˆ dawˬ tawˆ luꞈ myaˬ laˇ behˇ laˇ-awˇ, iˬ ma laˆ shaˆ laꞈ kʼoeˇ byah laˇ-awˬ. Aˇ jiˇ deuˬ kʼawꞈ myaˬ laˇ behˇ laˇ-awˬ” lehˇ, aˬ yawꞈ dawˬ ngehˬ gʼeh nehˬ-euˬ meh.

Aˇ dahˬ 1:22 ပူးပေါင်းရင်းမြစ်များ

Aˇ dahˬ 1:21

Iˬ ma laˆ shaˆ laꞈ kʼoeˇ uˇ-eu gʼawˇ mawˇ huiˬ dui dui-eu aˇ mawˇ deuˬ-ahˇ maˬ ehˇ, iˇ cuꞈ laꞈ kʼoeˇ uˇ-eu yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ maˬ ehˇ, aˇ jiˇ kʼaˇ ngeuˇ-eu dawˬ tawˆ luꞈ-ahˇ maˬ ehˇ, Miˬyehˇ beh-euˬ meh.

Aˇ dahˬ 1:23

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, ngaˬ nah tiˬ nah dzeuˇ-iˇ-euˬ meh.

Aˇ dahˬ 1:28

Kʼoeˇ naˇ, heu loꞈ-ehˇ dawˬ ngehˬ gʼeh-awˇ guiˬ lahˬ biꞈ nehˬ-euˬ meh. “Jeuˬ le o le-awˬ. Naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ-awˇ, miˇ tsaˬ-ahˇ uˆ lahˇ luꞈ-uˇ. Ngaˬ shaˬ ngaˬ deˇ, ho zaˬ nga jiˇ hawˇ-eu, bawˇ tsahˬ jeˬ zaˬ deuˬ-ahˇ haw-eu pyaˆ-eu gʼaˇ duˬ, ngaˇ naw maꞈ-ahˇ gaˇ biꞈ-eu ma.

Aˇ dahˬ 30:27

Laˬbaˬ ehˇ-eu, “Ngaˇ heu loꞈ-ehˇ ehˇ mawꞈ-eu ma. Nawˇ baˬ da neh Sahˬpaˬ Miˬyehˇ ngaˬ-ahˇ guiˬ lahˬ biꞈ laꞈ-euˬ gaˇ kawˆ-ahˇ, ngaˇ ja maw maw haw-awˇ ya siˬ-euˬ ma.

Aˇ dahˬ 30:30

Ngaˇ maˬ laˇ keuˆ mi naˆ-ehˇ nawˬ-euˬ jeˬ zaˬ ui cuiˆ tehꞈ-ehˇ jawˇ-euˬ kʼawꞈ, nymˬ-mˇ myaˬ dui dui laˇ taˬ-euˬ meh. Ngaˇ kʼaˇ iˇ kʼaˇ laˇ, kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-eu meh. Nymˬ-mˇ poˆ jawˇ-aˬ, ngaˇ kʼawꞈ nymˇ dahˬ dahˬ doˆ-iˇ-awˇ, yawˬ ha-euˬ miˬ sawˇ zaˬ deuˬ-ahˇ mˇ cu-eu aˇ yamˬ tsaˬ laˇ-euˬ meh.”

Aˇ dahˬ 35:11

Kʼoeˇ naˇ, Yaˬkoˆ-ahˇ Miˬyehˇ ehˇ nehˬ-eu, “Ngaˇ-aˬ, Baoˬ huiˬ-eu Miˬyehˇ pyeuꞈ-eu ma. Nawˬ-euˬ zaˬ deuˬ jeuˬ le o le luꞈ-uˇ. Nawˬ-euˬ o neh tsawˇ jeuˬ gʼawˬ mya jeuˬ doˆ laˇ-awˇ, nawˇ-aˬ, miˇ kʼahˬ-ahˇ uˆ lahˇ-eu sahˬ paˬ deuˬ-euˬ aˬ da yaw dzahˇ ya pyeuꞈ laˇ tehꞈ-a.

Aˇ dahˬ 8:17

Jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼawꞈ paˇ myaˬ paˇ behˇ laˇ-awˇ, miˇ tsaˬ kʼoeˇ taˆ byah-iˇ nya ni, laꞈ nyiˇ paw pyehˬ doˆ gʼeh-awˬ.”

Aˇ dahˬ 9:1

Noˇaˬ hawˇ-eu aˬ yawꞈ-euˬ aˬ li deuˬ-ahˇ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ-euˬ meh. “Miˇ tsaˬ kʼoeˇ taˆ naw maꞈ-euˬ zaˬ deuˬ dehꞈ byah jawˇ byah jiˇ ngeh keuˆ ni jeuˬ le o le-awˬ.

Yawˇbaˆ 40:15

Gʼawˇ mawˇ huiˬ dui dui-eu nehꞈ za-ahˇ haw sheˇ. Nawˬ-ahˇ beh-euˬ loꞈ-ehˇ nehꞈ za-ahˇ kʼawꞈ ngaˇ beh-euˬ ma. Mawˇ neˇ loꞈ-ehˇ yaˇ moꞈ tehꞈ-ehˇ aˬ yawꞈ dzaˬ-euˬ meh.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Jaceuq 107:31

Sahˬpaˬ Miˬyehˇ-euˬ maˬ tsehˆ leˇ nya-eu gʼoeˇ-eu gaˬ-eu jeˬ hawˇ-eu, aˬ yawꞈ maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ-euˬ guiˬ lahˬ baˬ da neh, aˬ yawꞈ-euˬ guiˬ lahˬ-ahˇ aˬ yawꞈ maꞈ ja ceuˬ-eu tsaˬ meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Jaceuq 128:3

Nawˬ-euˬ miˬ zaˬ-aˬ, nawˬ-euˬ nymˇ-ahˇ dehꞈ-eu aˇ siˬ sahˇ-eu aˬ gaꞈ baw duˆ-ahˇ duˇ-awˇ, Nawˬ-euˬ aˬ li deuˬ-aˬ, nawˬ-euˬ hawˬ jeh tiˬ jawˬ dehꞈ-eu saˬ loˬ kahˬ zaˬ-ahˇ duˇ tehꞈ-a.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Uˬ duˬ 26:9

Naw maꞈ-ahˇ ngaˇ guiˬ lahˬ biꞈ-awˇ, naw maꞈ-euˬ zaˬ deuˬ bi jeuˬ bi o le ma. Naw maꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ ziꞈ ma.