Aˇ dahˬ 1:21 - Akha

²¹ Iˬ ma laˆ shaˆ laꞈ kʼoeˇ uˇ-eu gʼawˇ mawˇ huiˬ dui dui-eu aˇ mawˇ deuˬ-ahˇ maˬ ehˇ, iˇ cuꞈ laꞈ kʼoeˇ uˇ-eu yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ maˬ ehˇ, aˇ jiˇ kʼaˇ ngeuˇ-eu dawˬ tawˆ luꞈ-ahˇ maˬ ehˇ, Miˬyehˇ beh-euˬ meh.

Aˇ dahˬ 1:21 ပူးပေါင်းရင်းမြစ်များ

Aˇ dahˬ 1:18

Nah hawˇ-eu miˇ-ahˇ bi uˆ lahˇ-eu gʼaˇ duˬ maˬ ehˇ, yaw shehꞈ hawˇ-eu yaw zahˇ-ahˇ bi biˇ paˆ-eu gʼaˇ duˬ maˬ ehˇ, yaw shehꞈ kʼoeˇ deuˬ-ahˇ mˬ kʼoeˇ taˆ Miˬyehˇ bi jaˆ-euˬ meh. Kʼoeˇ gaˇ aˬ yawꞈ ya mawˇ ngeh, nui kʼahˇ shiˇ-euˬ meh.

Aˇ dahˬ 1:20

Kʼoeˇ naˇ, “Iˇ cuꞈ laꞈ kʼoeˇ kʼaˇ dehꞈ kʼaˇ jawˇ nya-eu jeˬ iˇ cuꞈ laꞈ kʼoeˇ byah laˇ-awˇ, yaw goˇ-ahˇ zaw-eu aˇ jiˇ deuˬ jaˬ lehˇ laꞈ kʼoeˇ byah laˇ-awˬ” lehˇ, Miˬyehˇ dawˬ biꞈ-euˬ meh.

Aˇ dahˬ 1:22

Kʼoeˇ deuˬ-ahˇ ya mawˇ ngeh, aˬ yawꞈ nui kʼahˇ shiˇ-euˬ meh. “Iˇ cuꞈ laꞈ kʼoeˇ kʼaˇ uˇ-eu boeˬ boeˬ luˆ luˆ dawˬ tawˆ luꞈ myaˬ laˇ behˇ laˇ-awˇ, iˬ ma laˆ shaˆ laꞈ kʼoeˇ byah laˇ-awˬ. Aˇ jiˇ deuˬ kʼawꞈ myaˬ laˇ behˇ laˇ-awˬ” lehˇ, aˬ yawꞈ dawˬ ngehˬ gʼeh nehˬ-euˬ meh.

Aˇ dahˬ 1:25

Kʼoeˇ loꞈ-ehˇ, jeˬ zaˬ kʼaˇ ngeuˇ-eu dawˬ tawˆ luꞈ-ahˇ aˬ yawꞈ beh gʼaˬ jiˇ-euˬ meh. Kʼoeˇ gaˇ ya mawˇ ngeh, aˬ yawꞈ nui kʼahˇ shiˇ-euˬ meh.

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Aˇ dahˬ 2:19

Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, jeˬ zaˬ hawˇ-eu aˇ jiˇ dawˬ tawˆ luꞈ-euˬ mawˇ kawˇ tehˆ-euˬ meh. Kʼoeˇ naˇ, tsawˇ haˬ zaˬ neh bi haw-awˇ aˇ myahˇ bi myahˇ nehˬ-eu lehˇ, jeˬ zaˬ hawˇ-eu aˇ jiˇ kʼoeˇ deuˬ-ahˇ, tsawˇ haˬ zaˬ kʼoeˇ gʼaˬ jawˇ gaˇ yuˇ gʼeh nehˬ-euˬ meh. Kʼoeˇ miˇ neh, jeˬ zaˬ hawˇ-eu aˇ jiˇ dawˬ tawˆ luꞈ, yawˬ ha-euˬ aˇ myahˇ yawˬ ha baw laˇ-euˬ meh.

Aˇ dahˬ 6:20

Aˇ jiˇ dawˬ tawˆ luꞈ maˬ ehˇ, jeˬ zaˬ dawˬ tawˆ luꞈ maˬ ehˇ, miˇ tsaˬ-ahˇ joe joe-ehˇ kʼaˇ cah-eu jeˬ dawˬ tawˆ luꞈ maˬ ehˇ, aˇ jeuˬ maˬ ya meh-iˇ ni, tiˬ jeˬ-euˬ aˬ poeˇ aˬ ma tiˬ gu nyehꞈ uˇ gʼeh-awˬ.

Aˇ dahˬ 7:14

Jeˬ zaˬ yaw yah deuˬ hawˇ-eu bawˇ tsahˬ jeˬ zaˬ yaw huiˬ yaw nyiˇ dawˬ tawˆ luꞈ maˬ ehˇ, aˇ jiˇ dawˬ tawˆ luꞈ maˬ ehˇ, aˬ yawꞈ maꞈ nehˬ-ehˇ uˇ leˇ-euˬ meh.

Aˇ dahˬ 8:17

Jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼawꞈ paˇ myaˬ paˇ behˇ laˇ-awˇ, miˇ tsaˬ kʼoeˇ taˆ byah-iˇ nya ni, laꞈ nyiˇ paw pyehˬ doˆ gʼeh-awˬ.”

Aˇ dahˬ 8:19

Jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼawꞈ, yawˬ ha-euˬ aˇ jeuˬ yawˬ ha aˇ muˇ muˇ muˇ-ehˇ, saˇ baoˬ laꞈ nyiˇ doˆ-iˇ-euˬ meh.

Aˇ dahˬ 9:2

Jeˬ zaˬ hawˇ-eu ho zaˬ nga jiˇ dawˬ tawˆ luꞈ maˬ ehˇ, ngaˬ shaˬ ngaˬ deˇ dawˬ tawˆ luꞈ maˬ ehˇ, naw maꞈ-ahˇ ya guˆ-awˇ, kʼoeˇ deuˬ dawˬ tawˆ luꞈ naw maꞈ uˆ lahˇ-eu baoˬ uˬ moˆ ya jawˇ tehꞈ-a.

Aˇ dahˬ 9:7

Naw maꞈ zaˬ myaˬ laˇ-awˇ, naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ tehꞈ-a” lehˇ ehˇ nehˬ-euˬ meh.

Yawˇbaˆ 12:7

“Jeˬ zaˬ hawˇ-eu aˇ jiˇ deuˬ kʼawꞈ naw maꞈ-ahˇ mehˬ nehˬ tsoˆ nehˬ-eu gʼawˬ mya jeˬ jaˆ meh.

Yawˇbaˆ 26:5

Shiˇ dzeuˇ-euˬ tsawˇ haˬ deuˬ-euˬ yaw sahˇ deuˬ, miˇ tsaˬ dawˬ dah jaˆ-eu iˇ cuꞈ laꞈ kʼoeˇ yaw dzuˬ dzuˬ luꞈ meh.

Yawˇbaˆ 7:12

“Ngaˇ-aˬ, iˬ ma laˆ shaˆ byaˆ yahˬ yahˬ ma pyeuꞈ-eu miˇ neh, nawˇ ngaˬ-ahˇ bi ka lahˇ te loˇ.

Jaceuq 148:7

Miˇ tsaˬ kʼoeˇ taˆ kʼaˇ jawˇ-eu deuˬ Sahˬpaˬ Miˬyehˇ-ahˇ ja ceuˬ-awˬ. Laˆ shaˆ byaˆ yahˬ hawˇ-eu naꞈ-eu iˬ ma laˆ shaˆ maˬ ehˇ,

Doˆ-iˇ 1:7

Ehˇ kʼawꞈ, aˬ yawꞈ maꞈ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ behˇ laˇ-awˇ, myaˬ dui dui laˇ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ byah-euˬ meh.

Doˆ-iˇ 8:3

Niˬlaˇ lawˇ baˬ laꞈ kʼoeˇ kʼaˬ paˬ myaˬ dui dui laˇ-eu miˇ neh, kʼaˬ paˬ kʼoeˇ deuˬ nawˬ-euˬ nymˇ-ahˇ keuˆ niˆ laˇ keuˆ-awˇ, nawˇ yuꞈ-eu kuˆ lawˆ laꞈ kʼoeˇ maˬ ehˇ, nawˬ-euˬ yuꞈ zaˇ kʼoeˇ taˆ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˇ kʼahˬ zaˬ deuˬ-euˬ nymˇ laꞈ kʼoeˇ maˬ ehˇ, nawˬ-euˬ miˬ dzaˬ tsawˬ bu-ahˇ maˬ ehˇ, nawˬ-euˬ guiˬ ba oeˬ lahˬ deuˬ hawˇ-eu kʼmˬ maˬ oeˬ tsaꞈ deuˬ laꞈ kʼoeˇ maˬ ehˇ, jawˇ byah jiˇ tehꞈ-a.

Yeˬsaˬgeˬlaˇ 32:2

“Tsawˇ haˬ zaˬ-oˇ, Iˇjiˇtuˆ sahˬ paˬ-ahˇ shaˇ noeˬ dui dui paˬ-ehˇ gʼeh-eu dawˬ heu deuˬ ehˇ nehˬ-awˬ. “Aˇ laˬ jaˬ shiˇ-ahˇ duˇ ma lehˇ, nawˇ yawˬ haˇ yawˬ ha noeˬ-eu kʼawꞈ, laˆ shaˆ laꞈ kʼoeˇ uˇ-eu laˆ shaˆ byaˆ yahˬ loˆ ni tehꞈ meh. Aˬ kuiˇ neh iˇ neˇ laˆ neˇ-awˇ, lawˇ baˬ-ahˇ nawˇ laˆ jawꞈ-eu meh.

Yawˇnaˆ 1:17

Yawˇnaˆ-ahˇ iˇ cuꞈ-ahˇ biˬ puꞈ-eu nehˬ-ehˇ ngaˬ shaˬ shaˬ ma tiˬ mawˇ-ahˇ Sahˬpaˬ Miˬyehˇ dawˬ biꞈ-awˇ Yawˇnaˆ-ahˇ bi myoꞈ ahˇ-euˬ meh. Yawˇnaˆ-aˬ, smˬ nah smˬ miˇ kʼeuˆ ni ngaˬ shaˬ shaˬ ma kʼoeˇ mawˇ-euˬ uˬ maˆ laꞈ kʼoeˇ jawˇ-euˬ meh.

Yawˇnaˆ 2:10

Kʼoeˇ naˇ, Yawˇnaˆ-ahˇ lawˇ deh-ahˇ meh dzeh doˆ-eu gʼaˇ duˬ ngaˬ shaˬ kʼoeˇ mawˇ-ahˇ Sahˬpaˬ Miˬyehˇ dawˬ biꞈ-awˇ, ngaˬ shaˬ kʼoeˇ mawˇ Yawˇnaˆ-ahˇ meh dzeh doˆ-euˬ meh.

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.