Aˇ dahˬ 1:20 - Akha

²⁰ Kʼoeˇ naˇ, “Iˇ cuꞈ laꞈ kʼoeˇ kʼaˇ dehꞈ kʼaˇ jawˇ nya-eu jeˬ iˇ cuꞈ laꞈ kʼoeˇ byah laˇ-awˇ, yaw goˇ-ahˇ zaw-eu aˇ jiˇ deuˬ jaˬ lehˇ laꞈ kʼoeˇ byah laˇ-awˬ” lehˇ, Miˬyehˇ dawˬ biꞈ-euˬ meh.

Aˇ dahˬ 1:20 ပူးပေါင်းရင်းမြစ်များ

Aˇ dahˬ 1:14

Kʼoeˇ naˇ, “Uˬ ciꞈ nah gʼahˇ biˇ paˆ-eu gʼaˇ duˬ maˬ ehˇ, aˇ nah aˇ yamˬ, aˇ kʼoꞈ aˇ la hawˇ-eu, lawˇ-eu shehˇ-eu aˇ yamˬ aˇ law toꞈ nya-eu gʼaˇ duˬ maˬ ehˇ, mˬ kʼoeˇ taˆ yaw shehꞈ jaˆ le-awˬ.

Aˇ dahˬ 1:19

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, oeˬ nah tiˬ nah dzeuˇ-iˇ-euˬ meh.

Aˇ dahˬ 1:21

Iˬ ma laˆ shaˆ laꞈ kʼoeˇ uˇ-eu gʼawˇ mawˇ huiˬ dui dui-eu aˇ mawˇ deuˬ-ahˇ maˬ ehˇ, iˇ cuꞈ laꞈ kʼoeˇ uˇ-eu yaw dehꞈ kʼaˇ dehꞈ-eu jeˬ dawˬ tawˆ luꞈ-ahˇ maˬ ehˇ, aˇ jiˇ kʼaˇ ngeuˇ-eu dawˬ tawˆ luꞈ-ahˇ maˬ ehˇ, Miˬyehˇ beh-euˬ meh.

Aˇ dahˬ 1:22

Kʼoeˇ deuˬ-ahˇ ya mawˇ ngeh, aˬ yawꞈ nui kʼahˇ shiˇ-euˬ meh. “Iˇ cuꞈ laꞈ kʼoeˇ kʼaˇ uˇ-eu boeˬ boeˬ luˆ luˆ dawˬ tawˆ luꞈ myaˬ laˇ behˇ laˇ-awˇ, iˬ ma laˆ shaˆ laꞈ kʼoeˇ byah laˇ-awˬ. Aˇ jiˇ deuˬ kʼawꞈ myaˬ laˇ behˇ laˇ-awˬ” lehˇ, aˬ yawꞈ dawˬ ngehˬ gʼeh nehˬ-euˬ meh.

Aˇ dahˬ 1:30

Ehˇ kʼawꞈ, bawˇ tsahˬ jeˬ zaˬ hawˇ-eu ho zaˬ nga jiˇ dawˬ tawˆ luꞈ bi dzaˬ-eu gʼaˇ duˬ, yaˇ moꞈ deuˬ hawˇ-eu aˇ paꞈ tsoꞈ myaˬ-eu baw duˆ aˇ bawˇ deuˬ ngaˇ biꞈ taˬ-euˬ ma” lehˇ ehˇ nehˬ-euˬ meh. Miˬyehˇ kʼoeˇ loꞈ-ehˇ ehˇ gʼaˬ ngeh, aˬ yawꞈ neh kʼaˇ ehˇ-euˬ loꞈ-ehˇ pyeuꞈ laˇ-euˬ meh.

Aˇ dahˬ 1:7

Kaˬ lawˆ kʼoeˇ hmˬ-euˬ kʼoeˇ taˆ paw jaˆ-eu iˇ cuꞈ hawˇ-eu, uˬ moˆ paw jaˆ-eu iˇ cuꞈ-ahˇ Miˬyehˇ biˇ paˆ nehˬ-euˬ meh.

Aˇ dahˬ 2:19

Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, jeˬ zaˬ hawˇ-eu aˇ jiˇ dawˬ tawˆ luꞈ-euˬ mawˇ kawˇ tehˆ-euˬ meh. Kʼoeˇ naˇ, tsawˇ haˬ zaˬ neh bi haw-awˇ aˇ myahˇ bi myahˇ nehˬ-eu lehˇ, jeˬ zaˬ hawˇ-eu aˇ jiˇ kʼoeˇ deuˬ-ahˇ, tsawˇ haˬ zaˬ kʼoeˇ gʼaˬ jawˇ gaˇ yuˇ gʼeh nehˬ-euˬ meh. Kʼoeˇ miˇ neh, jeˬ zaˬ hawˇ-eu aˇ jiˇ dawˬ tawˆ luꞈ, yawˬ ha-euˬ aˇ myahˇ yawˬ ha baw laˇ-euˬ meh.

Aˇ dahˬ 7:21

Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu ho zaˬ nga jiˇ dawˬ tawˆ luꞈ maˬ ehˇ, jeˬ zaˬ dawˬ tawˆ luꞈ maˬ ehˇ, tsawˇ haˬ dawˬ tawˆ luꞈ maˬ ehˇ, shiˇ jiˇ-euˬ meh.

Aˇ dahˬ 8:17

Jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼawꞈ paˇ myaˬ paˇ behˇ laˇ-awˇ, miˇ tsaˬ kʼoeˇ taˆ byah-iˇ nya ni, laꞈ nyiˇ paw pyehˬ doˆ gʼeh-awˬ.”

1 Sahˬpaˬ 4:33

Leˬbaˬnoˬ miˇ kʼahˬ-ahˇ dehꞈ-eu shuˬ liˇ aˇ bawˇ-ahˇ neh, meuˬ meuˬ lahˇ kʼoeˇ taˆ dehꞈ-eu hiˇ soˆ baw duˆ-ahˇ keuˆ ni, aˇ bawˇ gaˇ kawˆ aˬ yawꞈ neh ehˇ taˬ yaꞈ-euˬ jaˆ-eu meh. Jeˬ zaˬ deuˬ, aˇ jiˇ deuˬ, miˇ tsaˬ-ahˇ joe joe-ehˇ cah-eu aˇ mawˇ deuˬ hawˇ-eu, ngaˬ shaˬ ngaˬ deˇ deuˬ gaˇ kawˆ kʼawꞈ, aˬ yawꞈ neh mehˬ taˬ tsoˆ taˬ yaꞈ-euˬ jaˆ-eu meh.

Yawˇbaˆ 12:9

Jeˬ zaˬ kʼoeˇ deuˬ dawˬ tawˆ luꞈ Sahˬpaˬ Miˬyehˇ-euˬ aˬ laꞈ neh aˬ yawꞈ maꞈ-ahˇ beh-euˬ meh lehˇ siˬ nya meh.

Jaceuq 148:10

Jeˬ zaˬ yaw yah deuˬ hawˇ-eu bawˇ tsahˬ jeˬ zaˬ maˬ ehˇ, miˇ tsaˬ-ahˇ joe joe-ehˇ cah-eu deuˬ hawˇ-eu aˇ jiˇ deuˬ maˬ ehˇ, aˬ yawꞈ-ahˇ ja ceuˬ-awˬ.

Dawˬ tsoˆ 2:21

Aˬ jeˬ miˇ neh ehˇ naˇ, zaˬ siˬ tsawˇ gahˇ hawˇ-eu yawˬ ha bym-eu nya-eu jeˬ-ahˇ gʼoe-awˇ, shaˬ doˆ mˇ doˆ taˬ-euˬ yawˬ jeˬ na luꞈ, tiˬ jeˬ-iˬ maˬ mˇ maˬ shaˇ-euˬ gʼaˬ-ahˇ ya a nehˬ yaꞈ-eu meh. Heu-aˬ, tiˬ jeˬ-iˬ gaˇ dahˇ maˬ tsoeˬ-eu uˬ taꞈ, tiˬ pawꞈ-iˬ maˬ tsaˬ maˬ dawˇ-a.

Uˬ duˬ 11:42

Joe joe-ehˇ cah-eu deuˬ maˬ ehˇ, aˬ kuiˇ oeˬ kahˬ tsoꞈ-awˇ cah-eu deuˬ maˬ ehˇ, aˬ kuiˇ gʼawˬ mya ni tsoꞈ-awˇ cah-eu deuˬ maˬ ehˇ, naw maꞈ maˬ dzaˬ kʼmˬ-a.

Uˬ duˬ 11:43

Aˇ mawˇ kʼoeˇ deuˬ dzaˬ-awˇ, yawˬ ha-euˬ gʼawˇ mawˇ maˬ shawˇ ni naw maꞈ maˬ ya mˇ-a.

Gʼaˬkʼehˇ 17:25

Aˬ dui tsawˇ haˬ zaˬ-euˬ aˬ laꞈ neh ngehˬ gʼeh bo saˆ-awˇ mˇ cu nehˬ-eu jeˬ-ahˇ aˬ yawꞈ maˬ loˬ-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ-ahˇ, dehꞈ-eu jeˬ, saꞈ gʼawˇ nya-eu jeˬ hawˇ-eu, yawˬ jeˬ na luꞈ biꞈ-eu gʼaˬ-aˬ, aˬ yawꞈ meh.