Aˇ dahˬ 1:14 - Akha

¹⁴ Kʼoeˇ naˇ, “Uˬ ciꞈ nah gʼahˇ biˇ paˆ-eu gʼaˇ duˬ maˬ ehˇ, aˇ nah aˇ yamˬ, aˇ kʼoꞈ aˇ la hawˇ-eu, lawˇ-eu shehˇ-eu aˇ yamˬ aˇ law toꞈ nya-eu gʼaˇ duˬ maˬ ehˇ, mˬ kʼoeˇ taˆ yaw shehꞈ jaˆ le-awˬ.

Aˇ dahˬ 1:14 ပူးပေါင်းရင်းမြစ်များ

Aˇ dahˬ 1:13

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, smˬ nah tiˬ nah dzeuˇ-iˇ-euˬ meh.

Aˇ dahˬ 1:15

Yaw shehꞈ kʼoeˇ deuˬ miˇ tsaˬ kʼoeˇ taˆ bya le-awˬ” lehˇ Miˬyehˇ dawˬ biꞈ ngeh, kʼoeˇ loꞈ-ehˇ pyeuꞈ laˇ-euˬ meh.

Aˇ dahˬ 8:22

Miˇ tsaˬ heu li-iˇ ngeh keuˆ ni, ka-eu aˇ yamˬ hawˇ-eu yehˬ-eu aˇ yamˬ baw tehꞈ-a. Yaw tsehꞈ hawˇ-eu yaw lahˇ, tsahˬ gaˆ hawˇ-eu jawˇ la, uˬ ciꞈ hawˇ-eu nah gʼahˇ aˬ myah luꞈ jaˆ tehꞈ-a” lehˇ ehˇ-eu meh.

Aˇ dahˬ 9:13

Aˇ deˇ leˇ kʼah-ahˇ mˬ dmˇ laꞈ kʼoeˇ ngaˇ bi jaˆ ma. Kʼoeˇ-aˬ, ngaˬ neh miˇ tsaˬ-ahˇ dawˬ ma saˇ jaˇ dzaˬ taˬ-euˬ gaˇ kawˆ saˇ kiˇ pyeuꞈ-eu ma.

Yawˇbaˆ 25:3

Aˬ yawꞈ-euˬ gaˇ mˇ-eu mˬ taˆ gʼaˬ kʼehˇ aˇ myaˆ gʼaˬ byah-eu aˬ suˇ gʼaˬ gui jiˇ coeˇ ta. Miˬyehˇ-euˬ yaw shehꞈ maˬ bya keuˆ-eu jawˇ duˬ aˬ geu gaˇ jaˆ ta.

Yawˇbaˆ 25:5

Aˬ yawꞈ gʼaˇ duˬ ba la kʼawꞈ yaw shehꞈ bya gaˇ maˬ duˇ-ehˇ, aˬ guiˇ deuˬ kʼawꞈ shawˇ jehˆ ni maˬ gʼeh-a.

Yawˇbaˆ 3:9

Uˬ ciꞈ kʼoeˇ miˇ-ahˇ shawˬ ga shawˬ miˇ maˬ bi tsehˬ-ehˇ, uˬ bya bya laˇ tsaˬ maˬ siˬ ni bi jaˆ-awˬ.

Jaceuq 119:91

Yawˬ jeˬ na luꞈ nawˬ-euˬ myawˬ kʼehˇ gʼoˆ-awˇ, nawˬ-euˬ dawˬ baˬ da neh iˬ nah keuˆ ni ziꞈ luꞈ-eu meh.

Jaceuq 148:3

Nahˇ ma ba la dawˬ tawˆ luꞈ aˬ yawꞈ-ahˇ ja ceuˬ-awˬ. Aˬ guiˇ kʼaˇ tsehˬ-eu dawˬ tawˆ luꞈ aˬ yawꞈ-ahˇ ja ceuˬ-awˬ.

Jaceuq 148:6

Aˬ yawꞈ dawˬ biꞈ-awˇ kʼoeˇ deuˬ-ahˇ ziꞈ dah ni ciˬ tsaˬ taˬ-euˬ miˇ neh, mˬ maˬ maˬ byaˆ zaˇ ziˇ aˬ yawꞈ-euˬ dawˬ-ahˇ maˬ leuˇ nya-ehˇ, jiˆ poˆ jiˆ paˇ maˬ mˇ nya-a.

Jaceuq 150:1

Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ, Miˬyehˇ-ahˇ ja ceuˬ-awˬ. Aˬ yawꞈ-euˬ mˬ taˆ baoˬ-ahˇ ja ceuˬ-awˬ.

Jaceuq 81:3

La shuiꞈ tsehˬ ngeh hawˇ-eu la loˆ loˆ ngeh, daˇ heh baw-awˇ bawˬ-iˬ gʼeh-awˬ.

Iˇsaˬyaˇ 40:26

Mˬ-ahˇ gʼawˇ leuˇ haw sheˇ. Aˬ guiˇ kʼoeˇ deuˬ-ahˇ aˬ suˇ gʼaˬ beh taˬ ta. Aˬ yawꞈ maꞈ-ahˇ guiˇ maꞈ loꞈ-ehˇ sheuˬ gʼeh-eu gʼaˬ neh beh-euˬ meh. Aˬ guiˇ dawˬ tawˆ luꞈ aˬ yawꞈ siˬ jiˇ-awˇ, yawˬ siˬ na luꞈ tsawˇ myahˇ biꞈ doe-euˬ meh. Aˬ yawꞈ-euˬ baoˬ huiˬ dui dui-eu miˇ neh, aˬ guiˇ tiˬ siˬ-iˬ maˬ ga teˬ-iˇ-a.

Yeˬlaˬmiˇ 10:2

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ cawˬ tsawˇ jeuˬ dehꞈ jeˬ dehꞈ kawˆ-ahˇ taˬ dzaw geuꞈ. Mˬ kʼoeˇ taˆ maˬ mawˇ haw-euˬ jeˬ keuˆ le gaˇ, tsawˇ jeuˬ nui deuˬ guˆ kʼawꞈ naw maꞈ taˬ guˆ.

Yeˬlaˬmiˇ 31:35

Nah gʼahˇ paw bi bya-eu gʼaˇ duˬ, Sahˬpaˬ Miˬyehˇ nahˇ ma biꞈ-awˇ, uˬ ciꞈ paw bi bya-eu gʼaˇ duˬ, ba la hawˇ-eu aˬ guiˇ biꞈ taˬ-euˬ meh. Iˬ ma laˆ shaˆ-ahˇ aˬ yawꞈ sheu nyeh-awˇ, iˇ luˆ dzeh-awˇ bi mahˇ-euˬ meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 33:20

“Aˇ yamˬ tsaˬ tsaˬ ni uˬ ciꞈ ciꞈ le-awˇ, aˇ yamˬ tsaˬ tsaˬ ni uˬ bya bya laˇ-eu gʼaˇ duˬ, nah hawˇ-eu miˇ-ahˇ ngaˬ neh dzaˬ taˬ-euˬ saˇ jaˇ kʼaˇ ziꞈ kʼoeˇ keuˆ ni,

Yeˬlaˬmiˇ 33:25

Ehˇ kʼawꞈ, Sahˬpaˬ Miˬyehˇ pyeuꞈ-eu ngaˬ neh, nah hawˇ-eu miˇ-ahˇ biꞈ taˬ-euˬ saˇ jaˇ hawˇ-eu, mˬ hawˇ-eu miˇ-ahˇ biꞈ taˬ-euˬ zahˇ sahˇ kʼoꞈ maˬ paˇ laˇ kʼoeˇ keuˆ ni,

Yeˬsaˬgeˬlaˇ 46:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ laˇ-eu lahˇ kʼehˬ kʼoeˇ kʼehˬ, gaˇ mˇ-eu aˇ nah kʼoꞈ nah laꞈ kʼoeˇ ya piˬ tehˬ taˬ meh. Ehˇ kʼawꞈ, jawˇ nah hawˇ-eu la shuiꞈ lah-eu bawˬ-iˬ gʼeh-eu aˇ nah-ahˇ ya pah taˬ meh.

Yeˬsaˬgeˬlaˇ 46:6

La shuiꞈ lah-eu bawˬ-iˬ gʼeh ngeh, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ, yawˇ zaˬ koꞈ mawˇ hawˇ-eu, yawˇ aˬ buˬ tiˬ mawˇ aˬ yawꞈ ya lawˇ meh.

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Yawˇlaˆ 3:15

Nahˇ ma ba la zahˇ tsui iˇ-awˇ, aˬ guiˇ yaw shehꞈ maˬ paˇ bya meh.

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Aˬmoˆ 8:9

Nah loˆ ceh ngeh nahˇ ma ga ahˇ-awˇ, nah gʼahˇ nah gaˆ-ahˇ zahˇ tsui ni ngaˇ bi pyeuꞈ laˇ-eu aˇ yamˬ peh le luꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Maꞈtehˬ 2:2

Aˬ yawꞈ maꞈ ehˇ-eu, “Dehꞈ le-euˬ Yuˇdaˆ tsawˇ haˬ-euˬ sahˬ paˬ kʼoeˇ gʼaˬ aˬ gaˇ jawˇ ta. Nahˇ ma doˆ kʼehˬ paw dzeˇ neh aˬ yawꞈ-euˬ aˬ guiˇ doˆ laˇ gaˇ nga maꞈ ya mawˇ-awˇ, aˬ yawꞈ-ahˇ uˬ duˬ tahˬ laˇ-euˬ ma.”

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maˬkuˆ 13:24

Guˆ-eu gaˆ-eu aˇ nah aˇ yamˬ kʼoeˇ dzeuˇ-iˇ ngeh jawˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ,

Luˇkaꞈ 23:45

Aˬ jeˬ miˇ neh ehˇ naˇ, nahˇ ma yaw shehꞈ maˬ bya ni naˬ leˇ-euˬ meh. Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ nyiˬ paˆ paˆ-iˇ-euˬ meh.

Dawˬmehˬ 4:19

Muˇ juˇ juˇ-eu mehˬ nah caw teh-awˇ, mˬ kʼoeˇ taˆ ya mawˇ-eu nahˇ ma, ba la hawˇ-eu aˬ guiˇ deuˬ-ahˇ uˬ duˬ maˬ ya tahˬ ni yahˇ-awˬ. Kʼoeˇ deuˬ-aˬ, aˬ cawˬ tsawˇ jeuˬ deuˬ uˬ duˬ bi tahˬ-eu lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ jeˬ pyeuꞈ-eu meh.

Panmaeq 6:12

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ shiꞈ hmˬ tiˬ hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, miˇ luˆ luˆ dui dui laˇ-awˇ ‘nahˇ ma myahˬ naˆ-euˬ saˬ paˇ loꞈ-ehˇ zahˇ-iˇ-awˇ, ba la shiˬ loꞈ-ehˇ neˇ laˇ-euˬ meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Panmaeq 9:2

Aˬ guiˇ kʼoeˇ siˬ maˬ li-iˇ nya-eu duˬ kʼahˬ-ahˇ pah dzeh-euˬ meh. Kʼoeˇ ngeh, miˬ dzaˬ tsawˬ bu bu ma-ahˇ uˬ kʼoeˬ doˆ laˇ-eu loꞈ-ehˇ, duˬ kʼahˬ kʼoeˇ kʼahˬ uˬ kʼoeˬ du doˆ luꞈ-eu meh. Maˬ li-iˇ nya-eu duˬ kʼahˬ-euˬ uˬ kʼoeˬ kʼoeˇ, nahˇ ma yaw shehꞈ hawˇ-eu jaˬ lehˇ-ahˇ zahˇ tsui ni bi pyeuꞈ-iˇ-euˬ meh.