Aˬmoˆ 9:4 - Akha

⁴ Aˬ yawꞈ maꞈ-ahˇ muiˇ-eu deuˬ neh aˬ yawꞈ maꞈ-ahˇ bi nyehꞈ byoˆ gʼeh kʼawꞈ, aˬ yawꞈ maꞈ-ahˇ sehꞈ-awˬ lehˇ ngaˇ dawˬ biꞈ ma. Aˬ yawꞈ maꞈ-ahˇ ngehˬ gʼeh-eu maˬ ngeuˇ-ehˇ, laˆ cawˆ nehˬ-eu gʼaˇ duˬ nymˬ-mˇ poˆ jawˇ ngaˇ noeˬ tsehˆ taˬ-euˬ ma.”

Aˬmoˆ 9:4 ပူးပေါင်းရင်းမြစ်များ

Aˇ dahˬ 44:21

Sahˬ paˬ-oˇ, aˬ li kʼoeˇ li-ahˇ nawˇ ya mawˇ ni, nawˇ jawˇ gaˇ tiˬ poˆ sheuˬ laꞈ-awˬ lehˇ, ngaˬ ha mehˇ nmˇ-ahˇ nawˇ ehˇ-eu meh.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Jaceuq 34:17

Tsawˇmuiˬdeuˬguˇ-eu teˇsaˇ-ahˇ, SahˬpaˬMiˬyehˇnaˇhaˬnehˬ-awˇ, shaˬzahˬdzeuˇni ka kʼoꞈ-eu meh.

Doˆ-iˇ 14:24

Sahˬpaˬ Miˬyehˇ-aˬ, uˬ bya maˬ bya shawˇ laˇ mi naˆ-ehˇ, mˬ dmˇ kʼawˇ zeuˇ hawˇ-eu miˬ dzaˬ kʼawˇ zeuˇ jaˆ gaˇ neh Iˇjiˇtuˆ guiˇ maꞈ jawˇ gaˇ haw ka gʼeh-awˇ, laˆ bahˬ laˆ baˆ nehˬ-awˇ bi shaˬ-euˬ meh.

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Yeˬlaˬmiˇ 21:10

Meuˬ heu meuˬ-ahˇ maˬ laˆ cawˆ-ehˇ maˬ taˬ lehˇ, ngaˇ noeˬ tsehˆ taˬ-euˬ ma. Meuˬ heu meuˬ Baˬbuˇloˬ sahˬ paˬ-euˬ laꞈ-ahˇ ahˇ leˇ-awˇ, miˇ tsa tuˆ ni bi keuˬ puiˆ byoˆ leꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 24:6

Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Yeˬlaˬmiˇ 39:12

“Yeˬlaˬmiˇ-ahˇ poˆ mawˇ-iˇ-awˇ, yaw muiˬ paˬ-ehˇ bo saˆ nehˬ-awˇ, aˬ yawꞈ-ahˇ coeˬ leˇ-eu jeˬ maˬ jahˇ nehˬ ni, aˬ yawꞈ kʼaˇ geuꞈ mawꞈ-euˬ jeˬ jahˇ nehˬ-awˬ.”

Yeˬlaˬmiˇ 39:16

“ ‘Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh’ lehˇ, Suˬdaˬ tsawˇ haˬ Eˇbehˆmeˬlehˆ-ahˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. ‘Ngaˬ neh ehˇ taˬ-euˬ jaˆ-eu loꞈ-ehˇ, meuˬ heu meuˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu lehˇ gʼeh-eu ma. Baw le za le-eu jeˬ bi keuˆ le-eu lehˇ gʼeh-eu maˬ ngeuˇ. Kʼoeˇ loꞈ-ehˇ bi keuˆ le ngeh, nawˇ kʼoeˇ gaˇ jawˇ-awˇ ya mawˇ tehꞈ-a.

Yeˬlaˬmiˇ 44:11

“Kʼoeˇ miˇ neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ, naw maꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu laꞈ kʼoeˇ, Yuˇdaˆ miˇ kʼahˬ kʼahˬ lah ni-ahˇ laˆ cawˆ ma.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Aˬmoˆ 9:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, iˬ baˇ ahˇ dui dui-eu Iˇsaˬleˬlaˆ miˇ kʼahˬ-ahˇ haw luꞈ-awˇ, miˇ kʼahˬ heu kʼahˬ miˇ tsaˬ kʼoeˇ taˆ maˬ jaˆ-ehˇ pyeuꞈ-iˇ ni ngaˇ laˆ cawˆ ma. Ehˇ kʼawꞈ, Yaˬkoˆ-euˬ zaˬ deuˬ uˆ deuˬ dawˬ tawˆ luꞈ-ahˇ ngaˇ maˬ laˆ cawˆ nehˬ.”

Zaˬkaˬliˇ 8:10

Aˇ yamˬ kʼoeˇ yamˬ-ahˇ keuˆ ni, tsawˇ haˬ hawˇ-eu jeˬ zaˬ poˆ-awˇ gaˇ bi mˇ-eu gʼaˇ duˬ, pyuˇ yuˇ doˆ nya-eu tiˬ gʼaˬ-iˬ maˬ jawˇ-eu uˬ taꞈ, muiˇ-eu deuˬ kʼehˬ laˇ gaˇ maˬ guˆ-ehˇ dehꞈ-euˬ tiˬ gʼaˬ-iˬ maˬ jawˇ-a. Tsawˇ haˬ tiˬ gʼaˬ tiˇ gʼaˬ muiˇ ni ngaˇ jahˇ-euˬ ma.