Aˬmoˆ 8:9 - Akha

⁹ Nah loˆ ceh ngeh nahˇ ma ga ahˇ-awˇ, nah gʼahˇ nah gaˆ-ahˇ zahˇ tsui ni ngaˇ bi pyeuꞈ laˇ-eu aˇ yamˬ peh le luꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Aˬmoˆ 8:9 ပူးပေါင်းရင်းမြစ်များ

Yawˇbaˆ 5:14

Nah gʼahˇ nah gaˆ-ahˇ zahˇ tsui ni gʼeh-eu jeˬ keuˆ le-awˇ, nah loˆ ceh ngeh laꞈ sawˆ sawˆ sawˆ-ehˇ cah-eu meh.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 15:9

Zaˬ shiꞈ gʼaˬ bi shiˇ-euˬ aˬ ma saꞈ saꞈ ma gʼawˇ daˆ-eu meh. Aˬ yawꞈ gʼaˇ duˬ nah gʼahˇ uˬ ciꞈ loꞈ-ehˇ zahˇ-awˇ, nui ma shaˬ zahˬ maˬ pi coeˇ-a. Naw maꞈ maˬ shiˇ dzeuˇ-ehˇ kʼaˇ dehꞈ-eu deuˬ, muiˇ-eu deuˬ neh bi sehꞈ ma lehˇ, Sahˬpaˬ Miˬyehˇ pyeuꞈ-eu ngaˬ neh ehˇ taˬ-euˬ jaˆ-eu ma.”

Yeˬsaˬgeˬlaˇ 32:7

Nawˬ-ahˇ ngaˇ laˆ cawˆ nehˬ ngeh nah, mˬ-ahˇ ngaˇ dehˬ kaˬ-eu laꞈ kʼoeˇ, aˬ guiˇ zahˇ tsui ni bi jaˆ ma. Nahˇ ma-ahˇ mˬ dmˇ dehˬ kaˬ-awˇ, ba la tsehˬ-eu bi naˬ leˇ ma.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Miˇkaˬ 3:6

“Miˬyehˇ gʼaˇ duˬ ngehˬ dah-eu tsawˇ haˬ deuˬ-oˇ, naw maꞈ-euˬ aˇ nah aˇ yamˬ jiˇ le luꞈ meh. Naw maꞈ gʼaˇ duˬ nahˇ ma ga ahˇ shaw-iˬ meh. Ngaˬ-euˬ tsawˇ haˬ deuˬ-ahˇ naw maꞈ gaˇ ma sheuˬ bahˬ-euˬ miˇ neh, Miˬyehˇ gʼaˇ duˬ ngehˬ dah-eu jeˬ-ahˇ naw maꞈ maˬ paˇ mˇ nya-ehˇ, mehˬ hu paw pyeuꞈ laˇ-eu gaˇ kawˆ deuˬ-ahˇ naw maꞈ maˬ paˇ ehˇ nya meh.”

Zaˬkaˬliˇ 14:7

Yaw zahˇ tiˬ pawꞈ-iˬ maˬ paˇ jaˆ-ehˇ, uˬ ciꞈ paw kʼawꞈ nah gʼahˇ loꞈ-ehˇ yaw shehꞈ bya tehꞈ-a. Kʼoeˇ loꞈ-ehˇ pyeuꞈ laˇ-eu aˇ yamˬ Sahˬpaˬ Miˬyehˇ tehꞈ-ehˇ siˬ nya-eu meh.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maꞈtehˬ 27:45

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Maˬkuˆ 15:33

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Luˇkaꞈ 23:44

Nah loˆ ceh laˇ ngeh neh dahˬ beh-awˇ, uˬ ciꞈ uˬ taw paw naˬ liˬ smˇ laꞈ-ahˇ keuˆ ni, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni jaˆ-eu meh.

Panmaeq 6:12

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ shiꞈ hmˬ tiˬ hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, miˇ luˆ luˆ dui dui laˇ-awˇ ‘nahˇ ma myahˬ naˆ-euˬ saˬ paˇ loꞈ-ehˇ zahˇ-iˇ-awˇ, ba la shiˬ loꞈ-ehˇ neˇ laˇ-euˬ meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.