Aˬmoˆ 8:4 - Akha

⁴ Maˬ jaˆ-eu tsawˇ haˬ deuˬ-ahˇ nawˬ dzaˬ kʼaˆ dzaˬ-awˇ iˇ shaˬ zaˬ deuˬ-ahˇ laˆ shaˬ laˆ zahˬ nehˬ-eu deuˬ-oˇ, naˇ haˬ yawˬ.

Aˬmoˆ 8:4 ပူးပေါင်းရင်းမြစ်များ

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

Yawˇbaˆ 24:4

Shaˬ zaˬ zahˬ zaˬ-euˬ mˇ myawˬ-ahˇ aˬ yawꞈ maꞈ laˆ tsoeˬ-awˇ, maˬ jaˆ-eu tsawˇ haˬ deuˬ ya cehˆ zaꞈ gaˇ keuˆ ni aˬ yawꞈ maꞈ kʼaˆ dzaˬ-eu meh.

Jaceuq 10:7

Yaˬkʼehˇyaˬ-awˇ jaˬmyawꞈmyawꞈ-eu, aˬcawˬ-ahˇlmˬguˆnehˬ-eu jeˬ, mehˬboeˬ-ahˇpaꞈtawꞈtaˬ-euˬmeh. aˬcawˬ-ahˇbye-eu jeˬ ehˇ-awˇ, dawˬdoeˇngehˬ-eu kawˇdui dui meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Jaceuq 140:12

Sahˬpaˬ Miˬyehˇ-oˇ, shaˬ-eu zahˬ-eu deuˬ-ahˇ nawˇ haw piˇ-awˇ, mehꞈ-eu shuꞈ-eu deuˬ-ahˇ nawˇ ngehˬ gʼeh-eu gaˇ kawˆ ngaˇ siˬ nya ma.

Jaceuq 56:1

Sahˬpaˬ Miˬyehˇ-oˇ, aˬ cawˬ ngaˬ-ahˇ diˬ laˇ ceh laˇ-awˇ, muiˇ-eu deuˬ maˬ tsehˆ leˇ ni kʼehˬ nehˬ kʼaˆ nehˬ laꞈ-eu miˇ neh, ngaˬ-ahˇ gʼawˬ shaˬ gaˬ nehˬ laꞈ-awˬ.

Dawqdaq 30:14

Shaˬ zaˬ zahˬ zaˬ-ahˇ gʼawˬ shaˬ maˬ gaˬ ni, smˇ kʼaˆ kʼaˆ-awˇ dehꞈ dzaˬ-eu tsawˇ haˬ jawˇ-eu meh.

Iˇsaˬyaˇ 1:10

Sawˇdoˬ meuˬ kʼoeˇ taˆ uˆ lahˇ-eu deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Gawˇmawˇlaˆ meuˬ-ahˇ jawˇ-eu tsawˇ haˬ deuˬ-oˇ, Miˬyehˇ mehˬ-eu tsoˆ-eu dawˬ-ahˇ naˬ bawˇ ciˬ kʼmˇ sheˇ.

Iˇsaˬyaˇ 28:14

Yeˬluˇsaˬlehˬ meuˬ zaˬ deuˬ-ahˇ uˆ lahˇ luꞈ-eu, nui ma huiˬ-eu tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬlaˬmiˇ 28:15

Kʼoeˇ naˇ, Haˬnaˬniˇyaˆ-ahˇ ngaˇ heu loꞈ-ehˇ paˇ ehˇ nehˬ-euˬ ma. “Haˬnaˬniˇyaˆ-oˇ, naˇ haˬ sheˇ. Sahˬpaˬ Miˬyehˇ neh nawˬ-ahˇ kʼehˇ gʼeh leꞈ-euˬ maˬ ngeuˇ gaˇ, nawˬ neh jaˬ myawꞈ myawꞈ-euˬ dawˬ-ahˇ tsawˇ haˬ heu deuˬ jah laˇ ni nawˇ jahˇ luꞈ-eu meh.

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Yeˬsaˬgeˬlaˇ 22:12

Nawˬ-euˬ tsawˇ haˬ tiˬ paˆ na deuˬ pyuˇ za laˇ ni tsawˇ haˬ sehꞈ-eu meh. Tiˬ paˆ na deuˬ yawˬ ha tsawˇ jeuˬ Iˇsaˬleˬlaˆ tsawˇ haˬ-ahˇ pyuˇ paˇ nehˬ-awˇ, jiˇ jeuˬ gʼawˬ mya ni yuˇ dzaˬ-eu laꞈ kʼoeˇ, aˬ cawˬ-euˬ uˬ duˬ-ahˇ teuꞈ-awˇ smˇ muiˬ laˆ muiˬ-euˬ meh. Aˬ yawꞈ maꞈ ngaˬ-ahˇ ngehˇ jiˇ-euˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 45:10

“Yawˬ gʼaˬ na luꞈ tsaˬ-eu cehˇ pehˬ hawˇ-eu tsaˬ-eu daˇ leuˇ ya zmˬ meh.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Aˬmoˆ 5:12

Naw maꞈ iˬ baˇ aˇ naˆ ni huiˬ-eu ngaˇ siˬ nya-awˇ, naw maꞈ yaw haiˬ jeˬ aˇ myaˆ poˆ mˇ-euˬ ngaˇ siˬ nya ma. Muiˬ-eu jaˬ-eu tsawˇ haˬ deuˬ-ahˇ naw maꞈ kʼehˬ-awˇ, laꞈ nmꞈ nmꞈ-euˬ jeˬ-ahˇ ha geuꞈ-eu uˬ taꞈ, yaw shaˬ zaˬ deuˬ yaw tsaˬ yaw dawˇ dawˇ-ehˇ yaˇ kʼaˬ maˬ ja gʼaˬ nya ni naw maꞈ laˆ tsoeˬ-eu meh.

Aˬmoˆ 7:16

Nymˬ-mˇ Sahˬpaˬ Miˬyehˇ ehˇ gaˇ naˇ haˬ sheˇ. Miˬyehˇ gʼaˇ duˬ ngehˬ dah ngehˬ dah-ehˇ Iˇsaˬleˬlaˆ tsawˇ haˬ deuˬ-ahˇ bi coeˬ leˇ-eu dawˬ taˬ paˇ ngehˬ lehˇ nawˇ ngaˬ-ahˇ ehˇ-eu meh.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Miˇkaˬ 3:3

Naw maꞈ ngaˬ-euˬ tsawˇ haˬ deuˬ-euˬ shaˬ jiˇ dzaˬ-euˬ meh. Naw maꞈ aˬ yawꞈ maꞈ-ahˇ baˆ kʼoˆ leuꞈ-awˇ, shaˬ yoeˬ kʼoˆ kʼehꞈ-awˇ, oeˬ lahˬ-ahˇ dawˆ ahˇ-awˇ caꞈ dzaˬ-eu shaˬ jiˇ deuˆ-eu loꞈ-ehˇ aˬ yawꞈ maꞈ-euˬ shaˬ jiˇ deuˆ-eu meh.

Zaˬkaˬliˇ 5:6

“Aˬ jeˬ-a” lehˇ ngaˇ naˇ haˬ ngeh, “Pawˬ tuˇ meh. Pawˬ tuˇ heu siˬ-aˬ, miˇ kʼahˬ kʼahˬ lah ni-euˬ iˬ baˇ dah zaˇ meh” lehˇ ehˇ-eu meh.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.