Aˬmoˆ 8:3 - Akha3 Aˇ nah kʼoeˇ nah-ahˇ, sahˬ paˬ-euˬ nymˇ nymˇ ma laꞈ kʼoeˇ caˇ-eu dawˬ kawˬ maˬ paˇ ya gaˬ-ehˇ, tsawˇ ngoeˇ ngoeˇ-eu dawˬ kawˬ tehꞈ-ehˇ ya gaˬ tehꞈ-a. Yawˬ gaˇ na luꞈ tsawˇ haˬ shiˇ taˬ-awˇ ga gaˇ ya mawˇ-awˇ, ciˬ cuˇ ni baꞈ dzeh nehˬ tehꞈ-a.” အခန်းကိုကြည့်ပါ။ |
Aˬmoˆ 8:3
21 ပူးပေါင်းရင်းမြစ်များ
Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.
Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.
“Iˇjiˇtuˆ miˇ kʼahˬ kʼoeˇ taˆ bi keuˆ le-euˬ loꞈ-ehˇ gʼeh-eu yaw jaw naˇ-eu naˇ gawˇ gawˇ ma naw maꞈ kʼoeˇ taˆ ngaˇ bi keuˆ le-euˬ ma. Naw maꞈ-euˬ aˬ li zaˬ guˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ-awˇ, naw maꞈ-euˬ mahˬ deuˬ ngaˇ teh byoˆ gʼeh-euˬ ma. Naw maꞈ-euˬ taˆ laꞈ kʼoeˇ shiˇ taˬ-awˇ ga-eu tsawˇ haˬ deuˬ-euˬ yaw buꞈ naw maꞈ-euˬ naˇ mehˇ tiˬ teuˇ bi behꞈ laꞈ-euˬ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.
Kʼoeˇ miˇ neh, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu, “Meuˬ laꞈ kʼoeˇ jaˆ-eu gaˇ ma doe ni noeˬ shaˬ-awˇ ui ui-ehˇ ngoeˇ tehꞈ-a. Tsawˇ ngoeˇ ngoeˇ dzaˬ-eu deuˬ nehˬ-ehˇ tsawˇ haˬ shiˇ taˬ-euˬ gaˇ tsawˇ ngoeˇ bi ngoeˇ caw-eu gʼaˇ duˬ, deh yaˇ mˇ dzaˬ-eu shaˬ zaˬ zahˬ zaˬ deuˬ-ahˇ keuˆ ni ya kuˇ gaˇ keuˆ tehꞈ-a.
Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ maˇ jawˆ ni ehˇ taˬ-euˬ meh. “Iˇsaˬleˬlaˆ tsawˇ haˬ nui ma huiˬ gaˇ mahˇ gaˇ ngaˇ maˬ haw nahˇ nya. Aˬ yawꞈ maꞈ dehꞈ byawˬ-eu gʼaˇ duˬ laˆ saˆ muiˬ taˬ-euˬ nymˇ nymˇ ma deuˬ-ahˇ ngaˇ maˬ haw nahˇ nya. Aˬ yawꞈ maꞈ-euˬ meuˬ meuˬ ma hawˇ-eu kʼoeˇ gaˇ kʼaˇ jaˆ-eu yawˬ jeˬ na luꞈ, muiˇ-eu deuˬ-euˬ aˬ laꞈ laꞈ kʼoeˇ ngaˇ a nehˬ ma.”
Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.
ကြော်ငြာတွေ