Aˬmoˆ 7:4 - Akha

⁴ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, yaw sahˇ laꞈ kʼoeˇ ngaˬ-ahˇ heu loꞈ-ehˇ paˇ bi mawˇ laꞈ-euˬ meh. Aˬ yawꞈ-euˬ tsawˇ haˬ deuˬ-ahˇ miˬ dzaˬ neh kʼehˬ nehˬ kʼaˆ nehˬ-eu lehˇ aˬ yawꞈ lehˬ hmˬ luꞈ-eu meh. Miˇ tsaˬ dawˬ dah jaˆ-eu iˬ ma laˆ shaˆ-ahˇ miˬ dzaˬ puiˆ dzaˬ-awˇ, miˇ tsaˬ-ahˇ doꞈ nyawˬ-euˬ meh.

Aˬmoˆ 7:4 ပူးပေါင်းရင်းမြစ်များ

Iˇsaˬyaˇ 27:4

Yaˇ kmˇ kʼoeˇ-ahˇ ngaˇ nui ma maˬ pehˇ. Yaˇ moꞈ hawˇ-eu aˬ gah nawˆ laˇ gaˇ ngaˇ ceh gʼaˬ-awˇ, miˬ dzaˬ dzah puiˆ nehˬ-eu ma.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

Yeˬsaˬgeˬlaˇ 21:3

Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Naw maꞈ-ahˇ ngaˇ muiˇ-eu ma. Mi cehˇ gʼawˇ doˆ-awˇ, tsawˇ muiˬ tsawˇ doeˇ maˬ tseˇ ni naw maꞈ dawˬ tawˆ luꞈ-ahˇ sehꞈ ma.

Yawˇlaˆ 1:19

Jeˬ zaˬ gaˆ kʼahˬ, aˇ bawˇ sahˬ kʼaˆ, miˬ dzaˬ neh bi puiˆ-euˬ loꞈ-ehˇ, nyoeˬ jiˇ kʼoˆ jiˇ-euˬ baˬ da neh, Sahˬpaˬ Miˬyehˇ-oˇ nawˬ-ahˇ ngaˇ, gaˇ kawˆ heu guˇ gaˬ luꞈ-eu ma.

Yawˇlaˆ 2:30

“Mˬ taˆ hawˇ-eu miˇ tsaˬ kʼoeˇ taˆ, kʼaˆ jeˬ-ehˇ gʼeh-eu jeˬ mehˬ-awˇ, shiˬ sehꞈ yoeˇ-awˇ miˬ dzaˬ doꞈ-eu, uˬ kʼoeˬ uꞈ uꞈ-ehˇ jaˆ tehꞈ-a.

Uˬ duˬ 10:2

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, Sahˬpaˬ Miˬyehˇ-euˬ mehˬ shi, aˬ yawꞈ nyaꞈ-ahˇ miˬ dzaˬ puiˆ sehꞈ-euˬ meh.

Aˬmoˆ 1:4

Kʼoeˇ miˇ neh, sahˬ paˬ Haˬzaˬlehˇ neh tsoˆ-euˬ sahˬ paˬ jawˇ-eu hawˇ nymˇ-ahˇ ngaˇ miˬ dzaˬ pyehˬ doꞈ-awˇ, ziꞈ dah ni tsoˆ taˬ-euˬ sahˬ paˬ Beˬhaˬdaˇ-euˬ taˆ nymˇ deuˬ-ahˇ ngaˇ miˬ dzaˬ keuˬ puiˆ dzeh ma.

Aˬmoˆ 1:7

Kʼoeˇ miˇ neh Gaˬzaˬ meuˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ kʼoeˇ meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ bi puiˆ dzeh jiˇ ma.

Aˬmoˆ 2:5

Kʼoeˇ miˇ neh, Yuˇdaˆ miˇ kʼahˬ kʼoeˇ taˆ ngaˇ miˬ dzaˬ pyehˬ gʼeh leꞈ-awˇ, Yeˬluˇsaˬlehˬ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma.”

Aˬmoˆ 4:11

“Sawˇdoˬ meuˬ hawˇ-eu Gawˇmawˇlaˆ meuˬ-ahˇ ngaˇ laˆ cawˆ nehˬ-euˬ loꞈ-ehˇ, naw maꞈ tiˬ paˆ na deuˬ-ahˇ ngaˇ laˆ cawˆ nehˬ-euˬ ma. Naw maꞈ laꞈ kʼoeˇ kʼaˇ dzeuˇ-iˇ-euˬ deuˬ-aˬ, miˬ dzaˬ puiˆ luꞈ gaˇ gʼeu doˆ-euˬ doꞈ luꞈ-eu daˇ kawˬ-ahˇ duˇ-eu meh. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a” lehˇ Sahˬpaˬ Miˬyehˇ ehˇ-eu meh.

Aˬmoˆ 5:6

Sahˬpaˬ Miˬyehˇ jawˇ gaˇ le-awˬ. Naw maꞈ yaw dehꞈ ya dehꞈ tehꞈ-a. Naw maꞈ aˬ yawꞈ jawˇ gaˇ maˬ le naˇ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, miˬ dzaˬ jehˆ bymˇ bymˇ ma loꞈ-ehˇ aˬ yawꞈ ga le tehꞈ-a. Miˬ dzaˬ kʼoeˇ Beˬdeˬlaˇ meuˬ-ahˇ jawˇ-eu deuˬ-ahˇ puiˆ dzaˬ-awˇ, tiˬ gʼaˬ-iˬ maˬ laˆ miˆ nya ni doꞈ tehꞈ-a.

Aˬmoˆ 7:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, yaw sahˇ laꞈ kʼoeˇ ngaˬ-ahˇ heu loꞈ-ehˇ bi mawˇ laꞈ-euˬ meh. Sahˬpaˬ-euˬ mahˬ dzaˇ yehˬ gʼaˬ-awˇ yaˇ moꞈ paˇ nmˬ doˆ laˇ-eu nehˬ-ehˇ, Sahˬpaˬ Miˬyehˇ nyehˇ bahˇ baˬ maꞈ beh gaˇ ngaˇ ya mawˇ-euˬ ma.

Aˬmoˆ 7:7

Sahˬpaˬ Miˬyehˇ ngaˬ-ahˇ yaw sahˇ laꞈ kʼoeˇ heu loꞈ-ehˇ paˇ bi mawˇ laꞈ-euˬ meh. Shmˇ siˬ caˆ dza neh dza-awˇ gawˬ taˬ-eu lahˇ tiˬ lahˇ dawˬ peh Sahˬpaˬ Miˬyehˇ yawꞈ luꞈ-awˇ, aˬ yawꞈ-euˬ aˬ laꞈ-ahˇ shmˇ siˬ caˆ dza tuˆ tehˬ taˬ-euˬ ngaˇ ya mawˇ-euˬ ma.

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

HeˬByehˇ 1:7

Ehˇ kʼawꞈ, mˬ taˆ gʼaˬ kʼehˇ deuˬ-ahˇ-aˬ, “Miˬyehˇ-euˬ mˬ taˆ gʼaˬ kʼehˇ deuˬ, jaˬ lehˇ loꞈ-ehˇ bi pyeuꞈ-iˇ-awˇ, aˬ yawꞈ-euˬ zaˬ kʼaˆ deuˬ-ahˇ-aˬ, miˬ dzaˬ miˬ lmˇ bi pyeuꞈ-iˇ meh” lehˇ, Miˬyehˇ neh ehˇ taˬ-euˬ jaˆ-eu meh.

Panmaeq 4:1

Kʼoeˇ naˇ, mˬ kʼoeˇ taˆ laˇ gʼoˆ pah taˬ-euˬ gaˇ, Yaw sahˇ laꞈ kʼoeˇ ngaˇ paˇ ya mawˇ-euˬ ma. Yaw beh ngaˬ-ahˇ dawˬ ngehˬ cawˬ le-euˬ daˇ heh baw gaˇ duˇ-eu teˇ saˇ kʼoeˇ saˇ ngaˬ-ahˇ ehˇ-eu, “Heu gaˇ daˆ laˇ-awˬ. Mehˬ hu paw pyeuꞈ laˇ-eu lehˇ gʼeh-eu gaˇ kawˆ ngaˇ nawˬ-ahˇ mehˬ nehˬ nyaˇ.”