Aˬmoˆ 7:17 - Akha

¹⁷ Aˬmaˬziˇ-oˇ, teu baˬ da neh Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Nawˬ-euˬ nymˇ dahˬ-aˬ, meuˬ-euˬ gaˇ ma doe ni meh maˬ laˇ geuꞈ geuꞈ-ehˇ ya cah-awˇ, nawˬ-euˬ zaˬ deuˬ guiˇ deuˆ gaˇ bi deuˆ sehꞈ tehꞈ-a. Nawˬ-euˬ miˇ tsaˬ aˬ cawˬ biˇ geuꞈ-awˇ, nawˬ-euˬ gʼawˇ mawˇ maˬ siˬ maˬ suˇ-eu miˇ kʼahˬ-ahˇ ya shiˇ tehꞈ-a. Iˇsaˬleˬlaˆ miˇ kʼahˬ zaˬ deuˬ aˬ cawˬ miˇ kʼahˬ-ahˇ aˬ diˇ aˬ maˇ bi nyehꞈ byoˆ gʼeh tehꞈ-a’ lehˇ ehˇ-eu meh.”

Aˬmoˆ 7:17 ပူးပေါင်းရင်းမြစ်များ

2 Sahˬpaˬ 17:6

Awˇsheˬ sahˬ paˬ geuꞈ-euˬ gʼoeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ neh Saˬmaˬliˆ meuˬ-ahˇ deuˆ gʼaˬ-awˇ, Iˇsaˬleˬlaˆ tsawˇ haˬ deuˬ-ahˇ Aˬshuˇliˆ miˇ kʼahˬ-ahˇ nyehꞈ daˆ gʼeh-euˬ meh. Tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.

Jaceuq 78:55

Aˬ yawꞈ-euˬ tsawˇ haˬ deuˬ le uˇ gʼeh-eu nehˬ-ehˇ, kʼoeˇ gaˇ jawˇ luꞈ-eu tsawˇ haˬ deuˬ-ahˇ teh dzeh-awˇ, tsawˇ haˬ kʼoeˇ deuˬ-euˬ miˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biˇ nehˬ-eu laꞈ kʼoeˇ, aˬ yawꞈ maꞈ-euˬ nymˇ kʼoeˇ deuˬ aˬ yawꞈ-euˬ tsawˇ haˬ deuˬ-ahˇ aˬ yawꞈ biꞈ-euˬ meh.

Iˇsaˬyaˇ 13:16

Aˬ yawꞈ maꞈ myaˆ mawˇ gaˇ, aˬ yawꞈ maꞈ-euˬ zaˬ bi biˬ pyehˆ jiˇ-awˇ, aˬ yawꞈ maꞈ-euˬ myawˬ gahˬ bi yuˇ geuꞈ-eu uˬ taꞈ, aˬ yawꞈ maꞈ-euˬ miˬ zaˬ deuˬ-ahˇ yehˬ bawˬ-ehˇ, jahˇ nehˬ tehꞈ-a.”

Iˇsaˬyaˇ 22:18

Baw duiˇ gʼoˆ-eu loꞈ-ehˇ aˬ yawꞈ nawˬ-ahˇ gʼoˆ-awˇ, huiˬ-eu miˇ kʼahˬ laꞈ kʼoeˇ biˬ ahˇ nehˬ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, nawˇ kʼahˬ sehˇ jehˆ-eu nawˬ-euˬ mahˬ laˆ lawˬ dawˬ peh, nawˇ ya shiˇ tehꞈ-a. Nawˇ-aˬ, nawˬ-euˬ sahˬ paˬ-euˬ nymˇ jiˇ-ahˇ daˬ laˆ ga-euˬ tsawˇ haˬ meh.

Yeˬlaˬmiˇ 14:16

Aˬ yawꞈ maꞈ neh Miˬyehˇ gʼaˇ duˬ ngehˬ dah nehˬ-euˬ tsawˇ haˬ kʼoeˇ deuˬ kʼawꞈ, kʼoeˇ loꞈ-ehˇ ya shiˇ tehꞈ-a. Yeˬluˇsaˬlehˬ meuˬ-euˬ gaˇ ma doe ni aˬ yawꞈ maꞈ shiˇ taˬ-awˇ ga-awˇ, aˬ yawꞈ maꞈ-ahˇ duˬ pahˬ nehˬ-eu gʼaˬ maˬ jawˇ ni jaˆ tehꞈ-a. Aˬ yawꞈ maꞈ-euˬ miˬ sawˇ zaˬ hawˇ-eu aˬ buˇ aˬ li dawˬ tawˆ luꞈ kʼoeˇ taˆ, kʼoeˇ loꞈ-ehˇ keuˆ le tehꞈ-a. Aˬ yawꞈ maꞈ neh dehꞈ doeˇ-euˬ gaˇ geuˇ leˇ ni, ngaˇ kʼehˬ nehˬ kʼaˆ nehˬ ma.”

Yeˬlaˬmiˇ 20:6

Paˬshuˇlaˆ-oˇ, nawˬ-euˬ shaˬ bymˇ-aˬ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ Baˬbuˇloˬ miˇ kʼahˬ-ahˇ bi nyehꞈ gʼeh jiˇ tehꞈ-a. Kʼoeˇ gaˇ nawˇ ya dehꞈ sehꞈ-awˇ, nawˬ neh mehˇ shuiˇ gʼawˬ mya poˆ shuiˇ-euˬ nawˬ-euˬ cawˬ deuˬ nehˬ-ehˇ tiˬ kawˆ loꞈ-ehˇ, miˇ kʼahˬ kʼoeˇ kʼahˬ-ahˇ ya bi baꞈ pahˬ tehꞈ-a lehˇ ehˇ-eu meh lehˇ ehˇ nehˬ-euˬ ma.”

Yeˬlaˬmiˇ 28:12

Haˬnaˬniˇyaˆ neh ngaˬ-euˬ kawˬ lahˇ-ahˇ tawˬ luꞈ-eu kʼaˆ daˬ ngawˬ kʼehꞈ-euˬ ui cuiˆ myahˇ laˇ gʼaˬ ngeh, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 28:16

Kʼoeˇ miˇ neh, nawˬ-ahˇ yuˇ dzeh ma lehˇ, Sahˬpaˬ Miˬyehˇ-euˬ mawˇ do ehˇ luꞈ meh. Tsawˇ haˬ heu deuˬ Sahˬpaˬ Miˬyehˇ-ahˇ puiˬ ni nawˇ jahˇ-euˬ miˇ neh, kʼoꞈ maˬ doˆ le mi naˆ-ehˇ nawˇ ya shiˇ tehꞈ-a.”

Yeˬlaˬmiˇ 29:21

“Sahˬpaˬ Miˬyehˇ-euˬ tsawˇ myahˇ-ahˇ gʼoe-awˇ, naw maꞈ-ahˇ jaˬ myawꞈ myawꞈ luꞈ-eu Gawˬlaˇyaˬ-euˬ aˬ li Aˬkaˆ hawˇ-eu, Mawˇseˬyaˇ-euˬ aˬ li Zeˬdaˬkiˇ aˬ ha nyaꞈ-euˬ gaˇ kawˆ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. Aˬ yawꞈ maꞈ-ahˇ Baˬbuˇloˬ sahˬ paˬ Neˬbuˬkaˬneˬzaˬ-euˬ aˬ laꞈ laꞈ kʼoeˇ a nehˬ-awˇ, sahˬ paˬ kʼoeˇ gʼaˬ neh naw maꞈ-euˬ mehˬ shi bi sehꞈ tehꞈ-a lehˇ aˬ yawꞈ ehˇ-eu meh.

Ngoeˇ dawˬ 5:11

Ziˇoˬ meuˬ-euˬ zaˬ miˬ zaˬ deuˬ, Yuˇdaˆ miˇ kʼahˬ-euˬ miˬ daꞈ deuˬ, aˬ cawˬ dawꞈ gaˇ ya daˬ-euˬ meh.

Yeˬsaˬgeˬlaˇ 4:13

Sahˬpaˬ Miˬyehˇ ehˇ-eu, “Heu-aˬ, Iˇsaˬleˬlaˆ tsawˇ haˬ deuˬ-ahˇ, aˬ cawˬ-euˬ miˇ kʼahˬ-ahˇ ngaˇ teh byaˆ nehˬ ngeh, zahˇ sahˇ kʼoꞈ laꞈ kʼoeˇ maˬ dzaˬ kʼmˬ-a lehˇ ehˇ taˬ-euˬ dzaˇ deuˬ-ahˇ aˬ yawꞈ maꞈ ya dzaˬ-eu gaˇ kawˆ, dawˬ yehˆ pyeuꞈ-eu ma.”

Hawˇseˬ 9:3

Sahˬpaˬ Miˬyehˇ-euˬ miˇ kʼahˬ-ahˇ, Iˇsaˬleˬlaˆ maˬ paˇ jawˇ ni, Iˇjiˇtuˆ-ahˇ gʼoꞈ-iˇ tehꞈ-a. Aˬshuˇliˆ miˇ kʼahˬ-ahˇ jawˇ-awˇ, maˬ shawˇ-eu dzaˇ ya dzaˬ tehꞈ-a.

Aˬmoˆ 6:7

Kʼoeˇ miˇ neh, naw maꞈ-ahˇ aˬ cawˬ jeˬ hu bi nyehꞈ byoˆ gʼeh tehꞈ-a. Naw maꞈ dzaˬ byawˬ dawˇ byawˬ byawˬ-eu jeˬ aˇ saˬ ya saˬ tehꞈ-a.

Aˬmoˆ 7:11

Yeˬyawˇbamˬ-ahˇ guiˇ deuˆ gaˇ bi deuˆ sehꞈ-awˇ, miˇ kʼahˬ zaˬ deuˬ aˬ cawˬ-euˬ miˇ kʼahˬ-ahˇ bi nyehꞈ byoˆ gʼeh tehꞈ-a lehˇ aˬ yawꞈ ehˇ luꞈ meh.”

Aˬmoˆ 8:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ yaw sahˇ laꞈ kʼoeˇ heu loꞈ-ehˇ paˇ bi mawˇ laꞈ-euˬ meh. Aˇ siˬ kʼa sa tiˬ sa ngaˇ mawˇ-euˬ ma.

Aˬmoˆ 9:1

Lawˇ duˬ dawˬ peh Sahˬpaˬ Miˬyehˇ yawꞈ luꞈ gaˇ ngaˇ mawˇ-awˇ, heu loꞈ-ehˇ dawˬ biꞈ luꞈ-eu ya gaˬ-euˬ ma. “Uˬ duˬ tahˬ nymˇ nymˇ ma-euˬ dawˬ peh luˆ laˇ-awˇ, tsawˇ haˬ zaˬ deuˬ-euˬ uˬ duˬ-ahˇ coˬ pyaˆ deh ni, Uˬ duˬ tahˬ nymˇ nymˇ ma-euˬ kʼawˇ zeuˇ uˬ du yaw kʼaˆ kʼaˆ-ehˇ kʼoˆ-awˬ. Maˬ shiˇ-ehˇ kʼaˇ dzeuˇ-iˇ-euˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ jiˇ-awˇ, tiˬ gʼaˬ-iˬ maˬ paˇ bi buˬ bi law-iˇma.

Aˬmoˆ 9:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, iˬ baˇ ahˇ dui dui-eu Iˇsaˬleˬlaˆ miˇ kʼahˬ-ahˇ haw luꞈ-awˇ, miˇ kʼahˬ heu kʼahˬ miˇ tsaˬ kʼoeˇ taˆ maˬ jaˆ-ehˇ pyeuꞈ-iˇ ni ngaˇ laˆ cawˆ ma. Ehˇ kʼawꞈ, Yaˬkoˆ-euˬ zaˬ deuˬ uˆ deuˬ dawˬ tawˆ luꞈ-ahˇ ngaˇ maˬ laˆ cawˆ nehˬ.”

Miˇkaˬ 1:16

Yuˇdaˆ miˇ kʼahˬ zaˬ deuˬ-oˇ, naw maꞈ gaˬ-eu aˬ buˇ aˬ li deuˬ gʼaˇ duˬ tsawˇ ngoeˇ ngoeˇ-eu laꞈ kʼoeˇ naw maꞈ-euˬ uˬ duˬ tsehˇ kʼahˇ tehˬ cuˬ-awˇ, kʼaˬ dzeˇ jeˬ shiˇ loꞈ-ehˇ uˬ duˬ neˇ leuꞈ ni bi pyeuꞈ-iˇ-awˬ. Aˬ jeˬ miˇ neh ehˇ naˇ, naw maꞈ-euˬ aˬ buˇ aˬ li deuˬ aˬ cawˬ miˇ kʼahˬ-ahˇ bi nyehꞈ byoˆ gʼeh tehꞈ-a.

Zaˬkaˬliˇ 14:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ sheuˬ uiˬ laꞈ-awˇ, Yeˬluˇsaˬlehˬ meuˬ-ahˇ guiˇ bi deuˆ tehꞈ-a. Meuˬ-ahˇ guiˇ deuˆ gʼaˬ-awˇ, nymˇ laꞈ kʼoeˇ jaˆ-eu myawˬ gahˬ yuˇ geuꞈ-awˇ, zaˬ miˬ zaˬ deuˬ-ahˇ yehˬ bawˬ-ehˇ gʼeh tehꞈ-a. Tsawˇ haˬ tiˬ paˆ ehˇ gʼaˬ ni bi nyehꞈ byoˆ gʼeh-awˇ, meuˬ laꞈ kʼoeˇ tiˬ paˆ jawˇ yaꞈ tehꞈ-a.