Aˬmoˆ 7:14 - Akha

¹⁴ Aˬmoˆ ehˇ-eu, “Ngaˇ-aˬ, aˇ poeˬ ya dzaˬ gaˇ haw-awˇ Miˬyehˇ gʼaˇ duˬ ngehˬ dah luꞈ-eu tsawˇ haˬ maˬ ngeuˇ. Jeˬ zaˬ cu-awˇ siˬ guˬ yaˇ kmˇ mˇ dzaˬ-eu tsawˇ haˬ ma.

Aˬmoˆ 7:14 ပူးပေါင်းရင်းမြစ်များ

1 Sahˬpaˬ 19:19

Jawˇ duˬ kʼoeˇ tsahˇ-ahˇ neh Eˇliˇyaˆ iˇ gʼeh ngeh, Eˇliˇshehˇ mawˇ neˇ tiˬ gu teh-awˇ deh yaˇ tsehˬ luꞈ gaˇ ya mawˇ-euˬ meh. Eˇliˇshehˇ-euˬ mehˬ hu mawˇ neˇ tseˇ tiꞈ gu tsehˬ luꞈ-awˇ, aˬ yawꞈ gʼaˬ, aˬ cawˬ jeˬ nah nah saˬ tsehˬ luꞈ-eu meh. Eˇliˇyaˆ-aˬ, aˬ yawꞈ-euˬ pehˇ kʼahˬ pehˇ mahˇ lehˆ-awˇ, Eˇliˇshehˇ-ahˇ sheu dm nehˬ-euˬ meh.

1 Sahˬpaˬ 20:35

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Miˬyehˇ gʼaˇ duˬ ngehˬ dah-eu tiˬ gʼaˬ neh, Miˬyehˇ gʼaˇ duˬ ngehˬ dah-eu yawˬ gʼaˬ yawˬ-ahˇ, “Ngaˬ-ahˇ diˬ sheˇ” lehˇ ehˇ nehˬ-euˬ meh. Ehˇ kʼawꞈ, kʼoeˇ gʼaˬ aˬ yawꞈ-ahˇ maˬ diˬ-a.

2 Sahˬpaˬ 2:15

Yeˬliˇkoˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ ngaˬ tseˇ gʼaˬ aˬ yawꞈ-ahˇ mawˇ-awˇ, “Eˇliˇyaˆ-euˬ baoˬ Eˇliˇshehˇ kʼoeˇ taˆ keuˆ le-euˬ nga” lehˇ ehˇ-awˇ, aˬ yawꞈ-euˬ mehˬ shi le-awˇ miˇ tsa awˆ byaˆ-euˬ meh.

2 Sahˬpaˬ 2:3

Kʼoeˇ gaˇ jawˇ-eu Miˬyehˇ gʼaˇ duˬ ngehˬ dah-eu deuˬ, Eˇliˇshehˇ jawˇ gaˇ iˇ-awˇ, “Sahˬpaˬ Miˬyehˇ Eˇliˇyaˆ-ahˇ sheuˬ kʼoꞈ gʼeh-eu lehˇ gʼeh-eu nawˇ siˬ nya ma loˇ” lehˇ ehˇ nehˬ ngeh, “Ngaˇ siˬ nya ma. Ehˇ kʼawꞈ, gaˇ kawˆ heu aˬ dui maˬ ja-ehˇ, ciˬ cuˇ ni jawˇ kaˇ-euˇ” lehˇ, Eˇliˇshehˇ ehˇ kʼoꞈ nehˬ-euˬ meh.

2 Sahˬpaˬ 2:5

Kʼoeˇ gaˇ jawˇ-eu Miˬyehˇ gʼaˇ duˬ ngehˬ dah-eu deuˬ Eˇliˇshehˇ jawˇ gaˇ iˇ-awˇ, “Sahˬpaˬ Miˬyehˇ Eˇliˇyaˆ-ahˇ sheuˬ kʼoꞈ gʼeh-eu lehˇ gʼeh-eu nawˇ siˬ nya ma loˇ” lehˇ ehˇ nehˬ ngeh, “Ngaˇ siˬ nya ma. Ehˇ kʼawꞈ, gaˇ kawˆ heu aˬ dui maˬ ja-ehˇ ciˬ cuˇ ni jawˇ kaˇ-euˇ” lehˇ, Eˇliˇshehˇ ehˇ kʼoꞈ nehˬ-euˬ meh.

2 Sahˬpaˬ 2:7

Miˬyehˇ gʼaˇ duˬ ngehˬ dah-eu tsawˇ haˬ ngaˬ tseˇ gʼaˬ kʼawꞈ, aˬ yawꞈ nyaꞈ mehˬ nah Yawˇdaˬ lawˇ baˬ-ahˇ caw teh gʼeh-euˬ meh. Eˇliˇyaˆ hawˇ-eu Eˇliˇshehˇ aˬ nyaꞈ Yawˇdaˬ lawˇ baˬ lawˇ deh-ahˇ yawꞈ luꞈ ngeh, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ ngaˬ tseˇ gʼaˬ, aˬ yawꞈ nyaꞈ-euˬ naˇ kʼah ui cuiˆ gaˇ mahˇ kaˬ gaˇ yawꞈ luꞈ-eu meh.

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

2 Sahˬpaˬ 6:1

Tiˬ nah keuˆ laˇ ngeh, Eˇliˇshehˇ haw luꞈ pyaˆ luꞈ-eu laꞈ oˆ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ Eˇliˇshehˇ-ahˇ, “Nga maꞈ jawˇ-eu jawˇ duˬ aˇ dzehˬ-ehˇ suꞈ nya.

2 Laˬsaˬbaˬ 16:7

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu Haˬnaˬniˇ gʼaˬ sahˬ paˬ Aˬsaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ maˬ gʼoe-ehˇ, Suˇliˆ sahˬ paˬ-ahˇ nawˇ laꞈ jeuˬ shaˇ-euˬ miˇ neh, Iˇsaˬleˬlaˆ sahˬpaˬ-euˬ guiˇ maꞈ deuˬ nawˬ-euˬ laꞈ-ahˇ neh cehˆ dzeuˇ-euˬ meh.

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

2 Laˬsaˬbaˬ 20:34

Yeˬhawˇshaˬpaˇ neh kʼaˇ mˇ kʼaˇ shaˇ yaꞈ-euˬ yawˬ jeˬ na luꞈ aˇ dahˬ beh gaˇ neh aˇ saˬ saˬ gaˇ keuˆ ni, Haˬnaˬniˇ-euˬ aˬ li Yeˬhuˇ neh boꞈ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh. Sahˬ boꞈ kʼoeˇ taꞈ-aˬ, Iˇsaˬleˬlaˆ tsawˇ jeuˬ-euˬ sahˬ paˬ deuˬ gaˇ kawˆ boꞈ taˬ-euˬ Laˬsaˬbaˬ sahˬ boꞈ laꞈ kʼoeˇ ahˇ-eu aˇ deuˆ tiˬ deuˆ pyeuꞈ-eu meh.

Yawˇbaˆ 30:4

Bawˇ tsahˬ-ahˇ dehꞈ-eu jaˆ gaˆ deuˬ, aˬ yawꞈ maꞈ gʼeu doˆ dzaˬ-eu meh. Dzaˇ kuiˇ dzaˇ myehˇ maˬ siˬ laˇ-eu, baw duˆ duˬ ciˇ maˬ paˇ tseˇ-a.

Aˬmoˆ 1:1

Heu-aˬ, Teˬkawˬ meuˬ-ahˇ jawˇ-eu yawˇ bo-eu tsawˇ haˬ tiˬ gʼaˬ pyeuꞈ-eu Aˬmoˆ-euˬ dawˬ deuˬ meh. Miˇ luˆ luˆ-euˬ mehˬ hu nyiˬ kʼoꞈ-ahˇ, Awˇziˇ gʼaˬ Yuˇdaˆ sahˬ paˬ geuꞈ luꞈ-awˇ, Yeˬhawˇshaˆ-euˬ aˬ li Yeˬyawˇbamˬ gʼaˬ Iˇsaˬleˬlaˆ sahˬ paˬ geuꞈ luꞈ ngeh yamˬ-ahˇ, Iˇsaˬleˬlaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Aˬmoˆ-ahˇ Miˬyehˇ pah mehˬ nehˬ-euˬ meh.

Aˬmoˆ 3:8

Aˇ laˬ jaˬ shiˇ joeˬ laˇ ngeh, aˬ suˇ gʼaˬ maˬ guˆ ni jawˇ tehˬ coeˇ ta. Baoˬ huiˬ-eu Sahˬpaˬ Miˬyehˇ dawˬ ngehˬ ngeh, aˬ yawꞈ-euˬ dawˬ maˬ tsaꞈ gaˬ-iˇ ni aˬ suˇ gʼaˬ jawˇ tehˬ coeˇ ta.

Zaˬkaˬliˇ 13:5

‘Ngaˇ Miˬyehˇ gʼaˇ duˬ ngehˬ dah-eu tsawˇ haˬ maˬ ngeuˇ. Deh yaˇ mˇ dzaˬ-eu tsawˇ haˬ ma. Ngaˬ-euˬ tiˬ ziˇ deh yaˇ mˇ dzaˬ daˆ laꞈ-euˬ ma’ lehˇ ehˇ tehꞈ-a.

1 Gawˇliˬtu 1:27

Zaˬ siˬ tsawˇ gahˇ ahˇ-eu deuˬ daˬ bi ga-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ sawˇ taˬ-euˬ deuˬ-ahˇ Miˬyehˇ neh diˇ daˬ-ehˇ tseˇ doˆ-awˇ, baoˬ jaˆ-eu tsawˇ haˬ deuˬ daˬ bi ga-eu gʼaˇ duˬ, miˇ tsaˬ zaˬ neh gʼaˬ baˬ dui dui meh lehˇ sawˇ taˬ-euˬ deuˬ-ahˇ Miˬyehˇ neh diˇ daˬ-ehˇ tseˇ doˆ-euˬ meh.

1 Saˬmeuˬlaˆ 10:11

Aˬ yawꞈ kʼoeˇ loꞈ-ehˇ gʼeh luꞈ gaˇ aˬ yawꞈ-ahˇ siˬ nya-eu tsawˇ haˬ deuˬ ya mawˇ ngeh, “Giˇshaˆ-euˬ aˬ li aˬ jeˬ pyeuꞈ-iˇ-euˬ nga lehˇ haw sheˇ. Sawˇluˆ gʼeh Miˬyehˇ gʼaˇ duˬ ngehˬ dah-eu tsawˇ haˬ pyeuꞈ tsehˆ shaw taˬ loˇ” lehˇ, tiˬ gʼaˬ tiˇ gʼaˬ naˇ haˬ-eu meh.