Aˬmoˆ 7:13 - Akha

¹³ Heu gaˇ Beˬdeˬlaˇ meuˬ-ahˇ Miˬyehˇ gʼaˇ duˬ ngehˬ dah ngehˬ dah-ehˇ taˬ paˇ jawˇ. Heu-aˬ, sahˬ paˬ uˬ duˬ tahˬ-eu jawˇ duˬ hawˇ-eu miˇ kʼahˬ zaˬ-euˬ uˬ duˬ tahˬ nymˇ jaˆ-eu jawˇ duˬ pyeuꞈ-eu meh.”

Aˬmoˆ 7:13 ပူးပေါင်းရင်းမြစ်များ

1 Sahˬpaˬ 12:29

Mawˇ neˇ mawˇ kawˇ kʼoeˇ deuˬ Beˬdeˬlaˇ meuˬ-ahˇ tiˬ kawˇ bi jaˆ-awˇ, yawˬ kawˇ yawˬ-aˬ, Daˬ meuˬ-ahˇ bi jaˆ-euˬ meh.

1 Sahˬpaˬ 12:32

Yuˇdaˆ miˇ kʼahˬ laꞈ kʼoeˇ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah pyeuꞈ-eu, ba la yehꞈ siˬ tiˬ siˬ tseˇ ngaˬ nah tiˬ nah-ahˇ, Yeˬyawˇbamˬ gʼaˬ kʼawꞈ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah lehˇ sawˇ taˬ-euˬ meh. Beˬdeˬlaˇ meuˬ-ahˇ jaˆ-eu lawˇ duˬ kʼoeˇ taˆ, shuiˇ mawˇ neˇ mawˇ kawˇ kʼoeˇ deuˬ-ahˇ aˬ yawꞈ lawˇ nehˬ-awˇ, Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ deuˬ-ahˇ gaˇ bi mˇ-eu gʼaˇ duˬ, piˇ ma deuˬ kʼawꞈ aˬ yawꞈ bi jawˇ taˬ-euˬ meh.

1 Sahˬpaˬ 13:1

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-ahˇ, Yuˇdaˆ miˇ kʼahˬ-ahˇ neh Sahˬpaˬ Miˬyehˇ neh pyehˬ gʼeh laꞈ-awˇ, lawˇ-eu shehˇ-eu jeˬ mˇ-eu lehˇ lawˇ duˬ dawˬ peh Yeˬyawˇbamˬ yawꞈ luꞈ gaˇ laˇ keuˆ-euˬ meh.

2 Sahˬpaˬ 14:24

Iˇsaˬleˬlaˆ tsawˇ haˬ deuˬ iˬ baˇ mˇ ni sheuˬ gʼeh-euˬ gʼaˬ pyeuꞈ-eu Neˬbaˇ-euˬ aˬ li sahˬ paˬ Yeˬyawˇbamˬ neh mˇ-euˬ yaw haiˬ jeˬ mehˬ nah aˬ yawꞈ caw teh-awˇ, Sahˬpaˬ Miˬyehˇ mehˬ shi iˬ baˇ mˇ-euˬ meh.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Yeˬlaˬmiˇ 26:9

“Nawˇ-aˬ, ya bi diˬ sehꞈ gaˇ keuˆ-eu ngaˇ. Uˬ duˬ tahˬ nymˇ nymˇ ma heu Shiˇloˬ meuˬ loꞈ-ehˇ ya pyeuꞈ-iˇ-awˇ, meuˬ heu meuˬ tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ gaˇ keuˆ ni bi laˆ cawˆ tehꞈ-a lehˇ, Sahˬpaˬ Miˬyehˇ -euˬ tsawˇ myahˇ uˬ moˆ aˬ jeˬ miˇ neh nawˇ dawˬ ngehˬ te” lehˇ guˇ-eu meh. Kʼoeˇ naˇ, tsawˇ haˬ dawˬ tawˆ luꞈ, ngaˬ-euˬ dawˬ peh ga uiˬ laˇ-euˬ meh.

Aˬmoˆ 2:12

Ehˇ kʼawꞈ, Naˬzaˬliˇ tsawˇ haˬ deuˬ jiˇ baˬ dawˇ ni naw maꞈ jahˇ-awˇ, Miˬyehˇ gʼaˇ duˬ ngehˬ dah-eu deuˬ ngaˬ neh bi ngehˬ-euˬ dawˬ maˬ ya ngehˬ ni naw maꞈ laˆ tsoeˬ-euˬ meh.

Aˬmoˆ 3:14

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ kʼehˬ nehˬ ngeh nah, Beˬdeˬlaˇ meuˬ-ahˇ jaˆ-eu lawˇ duˬ kʼoeˇ deuˬ-ahˇ ngaˇ laˆ cawˆ ma. Lawˇ duˬ aˬ yawꞈ hmˬ yawꞈ-euˬ laꞈ coeˇ-ahˇ tsoꞈ-eu uˬ coeˇ dawˬ tawˆ luꞈ kʼehꞈ-iˇ jiˇ-awˇ, miˇ tsaˬ-ahˇ ga-iˇ tehꞈ-a.

Aˬmoˆ 5:5

Naw maꞈ ya dehꞈ tehꞈ-a. Beˬlaˇsheˬba meuˬ-ahˇ iˇ-awˇ uˬ duˬ taˬ tahˬ. Ngaˬ -ahˇ laꞈ jeuˬ shaˇ-eu lehˇ Beˬdeˬlaˇ meuˬ-ahˇ taˬ le. Beˬdeˬlaˇ meuˬ kʼawꞈ tiˬ jeˬ-iˬ gaˇ dahˇ maˬ tsoeˬ ni pyeuꞈ-iˇ tehꞈ-a. Giˇlaˇgaˬlaˇ meuˬ-ahˇ kʼawꞈ naw maꞈ taˬ iˇ. Meuˬ kʼoeˇ meuˬ-ahˇ jawˇ-eu tsawˇ haˬ deuˬ aˬ cawˬ miˇ kʼahˬ-ahˇ bi nyehꞈ byoˆ gʼeh tehꞈ-a.”

Aˬmoˆ 7:16

Nymˬ-mˇ Sahˬpaˬ Miˬyehˇ ehˇ gaˇ naˇ haˬ sheˇ. Miˬyehˇ gʼaˇ duˬ ngehˬ dah ngehˬ dah-ehˇ Iˇsaˬleˬlaˆ tsawˇ haˬ deuˬ-ahˇ bi coeˬ leˇ-eu dawˬ taˬ paˇ ngehˬ lehˇ nawˇ ngaˬ-ahˇ ehˇ-eu meh.

Aˬmoˆ 7:9

Iˇtsaˆ-euˬ zaˬ deuˬ uˆ deuˬ uˬ duˬ tahˬ-eu jawˇ duˬ ya cawˆ-iˇ tehꞈ-a. Iˇsaˬleˬlaˆ tsawˇ jeuˬ-euˬ muiˬ-eu shawˇ-eu jawˇ duˬ deuˬ ya luˬ ya seˇ-iˇ jiˇ tehꞈ-a. Sahˬpaˬ Yeˬyawˇbamˬ-euˬ nymˇ jiˇ sahˬ paˬ geuꞈ-awˇ uˆ lahˇ-eu aˇ yamˬ aˇ saˬ saˬ tehꞈ-a.”

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

Gʼaˬkʼehˇ 5:40

Gʼaˬ kʼehˇ deuˬ-ahˇ laꞈ kʼoeˇ paˇ kuˇ ahˇ-awˇ, yahˬ caˆ neh juiꞈ-awˇ, Yeˬsuˇ-euˬ tsawˇ myahˇ uˬ moˆ maˬ ngehˬ maˬ tmˇ-eu gʼaˇ duˬ yaw kʼaˆ kʼaˆ-ehˇ mehˬ-awˇ pyehˬ nehˬ-euˬ meh.