Aˬmoˆ 6:8 - Akha

⁸ Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ maˇ jawˆ ni ehˇ taˬ-euˬ meh. “Iˇsaˬleˬlaˆ tsawˇ haˬ nui ma huiˬ gaˇ mahˇ gaˇ ngaˇ maˬ haw nahˇ nya. Aˬ yawꞈ maꞈ dehꞈ byawˬ-eu gʼaˇ duˬ laˆ saˆ muiˬ taˬ-euˬ nymˇ nymˇ ma deuˬ-ahˇ ngaˇ maˬ haw nahˇ nya. Aˬ yawꞈ maꞈ-euˬ meuˬ meuˬ ma hawˇ-eu kʼoeˇ gaˇ kʼaˇ jaˆ-eu yawˬ jeˬ na luꞈ, muiˇ-eu deuˬ-euˬ aˬ laꞈ laꞈ kʼoeˇ ngaˇ a nehˬ ma.”

Aˬmoˆ 6:8 ပူးပေါင်းရင်းမြစ်များ

Aˇ dahˬ 22:16

“Nawˇ smˇ muiˬ muiˬ dui dui laˇ ni guiˬ lahˬ biꞈ-eu gʼaˇ duˬ, ngaˬ-euˬ tsawˇ myahˇ uˬ moˆ ngaˇ nawˬ-ahˇ saˇ jaˇ dzaˬ-eu ma lehˇ, Sahˬpaˬ Miˬyehˇ ehˇ-eu meh. Aˬ jeˬ miˇ neh ehˇ naˇ, nawˬ li tiˬ gʼaˬ tehꞈ-ehˇ jawˇ-eu kʼawꞈ, ngaˬ-euˬ gʼaˇ duˬ nawˇ lawˇ nehˬ peuˬ-eu meh.

Jaceuq 106:40

Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ nui daˆ daˆ-euˬ meh.

Jaceuq 47:4

Aˬ yawꞈ gaˬ-eu tsawˇ haˬ deuˬ nui kʼahˇ shiˇ dui dui-eu miˇ kʼahˬ pyeuꞈ-eu, aˬ yawꞈ jawˇ-eu miˇ kʼahˬ kʼoeˇ kʼahˬ-ahˇ, aˬ dui gʼaˇ duˬ aˬ yawꞈ tseˇ doˆ nehˬ laꞈ-euˬ meh.

Jaceuq 50:12

“Ngaˇ hawˬ mehꞈ mehꞈ laˇ kʼawꞈ naw maꞈ-ahˇ maˬ ehˇ nehˬ. Aˬ jeˬ miˇ neh ehˇ naˇ, miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jaˆ-eu jeˬ dawˬ tawˆ luꞈ ngaˬ-euˬ ma.

Jaceuq 78:59

Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Iˇsaˬyaˇ 28:1

Iˇsaˬleˬlaˆ miˇ kʼahˬ kʼoeˇ taˆ, shaˬ zahˬ keuˆ le tehꞈ-a. Jiˇ baˬ yehꞈ-eu aˬ yuiꞈ deuˬ-euˬ uˬ duˬ-ahˇ kʼoˆ luꞈ-eu aˇ yehˆ uˬ kʼoˆ nyoeˬ-iˇ-eu loꞈ-ehˇ, miˇ kʼahˬ-euˬ yaw shehꞈ kʼahˬ sehˇ byoˆ le tehꞈ-a. Kʼahˬ sehˇ huiˬ-eu aˬ yawꞈ maꞈ uˬ duˬ-ahˇ, tsiˇ yaw saw jeˬ lehꞈ taˬ-euˬ kʼawꞈ, jiˇ baˬ yehꞈ-awˇ maˬ noeˬ ni ga-eu meh.

Yeˬlaˬmiˇ 12:8

Ngaˬ neh tseˇ doˆ-euˬ tsawˇ haˬ deuˬ ngaˬ-ahˇ puiˬ-awˇ, bawˇ tsahˬ aˇ laˬ jaˬ shiˇ loꞈ-ehˇ ngaˬ-ahˇ joeˬ-eu miˇ neh, aˬ yawꞈ maꞈ-ahˇ ngaˇ bye-eu ma.

Yeˬlaˬmiˇ 22:14

“Kʼoeˇ taˆ tiˆ jeˇ lo ni gʼeh-eu, nymˇ nymˇ ma tiˬ nymˇ tsoˆ doˆ ma” ehˇ-awˇ, laˇ gʼoˆ zaˬ gʼawˬ mya ni jahˇ ahˇ-awˇ, shuˬ liˇ teˇ byaꞈ kaˇ pyawˇ taw-awˇ, jaˆ gʼaˬ neˇ lehꞈ muiˬ taˬ-euˬ tsawˇ haˬ, shaˬ zahˬ ya mˇ dui dui tehꞈ-a.

Yeˬlaˬmiˇ 22:5

Ehˇ kʼawꞈ, ngaˬ neh dawˬ biꞈ-euˬ gaˇ naw maꞈ maˬ naˇ haˬ ni dehꞈ naˇ, sahˬ paˬ-euˬ hawˇ nymˇ heu ya cawˆ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ kamˬ-eu ma.

Yeˬlaˬmiˇ 44:26

Ehˇ kʼawꞈ, nymˬ-mˇ poˆ jawˇ-aˬ, Sahˬpaˬ Miˬyehˇ pyeuꞈ-eu ngaˬ neh, baoˬ huiˬ-eu ngaˬ-euˬ tsawˇ myahˇ-ahˇ gʼoe-awˇ Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu naw maꞈ Iˇsaˬleˬlaˆ tsawˇ haˬ dawˬ tawˆ luꞈ-ahˇ saˇ jaˇ biꞈ gaˇ naˇ haˬ-awˬ. Naw maꞈ ngaˬ-euˬ tsawˇ myahˇ-ahˇ gʼoe gʼoe-ehˇ, dehꞈ luꞈ-eu Sahˬpaˬ Miˬyehˇ mehˬ shi kamˬ-eu ma lehˇ tiˬ jawˇ-iˬ maˬ paˇ bi ehˇ ma.

Yeˬlaˬmiˇ 49:13

Bawˇzaˬlahˬ meuˬ-aˬ, guˆ dui dui laˇ paˬ-ehˇ bi laˆ pyeuꞈ-awˇ, kʼaˇ shuiꞈ deh yaˇ loꞈ-ehˇ pyeuꞈ-iˇ tehꞈ-a lehˇ, ngaˇ kamˬ tsehˆ taˬ-euˬ ma. Meuˬ kʼoeˇ meuˬ-ahˇ aˬ cawˬ kʼaˇ ehˇ mawꞈ-eu ehˇ niˇ gʼa-awˇ, yaˬ kʼehˇ yaˬ ngeh zmˬ-eu tsawˇ myahˇ tiˬ myahˇ pyeuꞈ laˇ tehꞈ-a. Jawˬ jawˬ-ehˇ jaˆ-eu pu dawˬ tawˆ luꞈ, mˬ maˬ maˬ byaˆ zaˇ ziˇ cawˆ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 51:14

Sahˬpaˬ Miˬyehˇ neh heu loꞈ-ehˇ kamˬ tsehˆ taˬ-euˬ jaˆ meh. Baˬbuˇloˬ miˇ kʼahˬ-ahˇ nyehˇ bahˇ baˬ maꞈ loꞈ-ehˇ tsawˇ haˬ gʼawˬ mya ni guiˇ bi deuˆ le-awˇ, aˬ yawꞈ maꞈ guiˇ deuˆ gʼaˬ-awˇ guˇ-eu teˇ saˇ ya gaˬ tehꞈ-a.

Ngoeˇ dawˬ 2:5

Muiˇ-eu tsawˇ haˬ tiˬ gʼaˬ loꞈ-ehˇ, Iˇsaˬleˬlaˆ-euˬ miˇ kʼahˬ-ahˇ, Sahˬpaˬ Miˬyehˇ laˆ cawˆ-euˬ meh. Sahˬ paˬ jawˇ-eu hawˇ nymˇ hawˇ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ cawˆ jiˇ nehˬ-euˬ meh. Yuˇdaˆ tsawˇ haˬ tsawˇ ngoeˇ ngoeˇ-eu, maˬ naˬ nya ni jahˇ nehˬ-euˬ meh.

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Hawˇseˬ 11:6

Aˬ yawꞈ maꞈ-euˬ meuˬ deuˬ kʼoeˇ taˆ, guiˇ deuˆ mi cehˇ deuˬ oe keuˆ-awˇ, meuˬ lahˇ laˇ gʼoˆ pyaˆ jiˇ tehꞈ-a. Yawˬ ha nui noeˬ geuꞈ-eu miˇ neh, laˆ cawˆ nehˬ gaˇ ya daˬ tehꞈ-a.

Uˬ duˬ 26:11

Muiˬ-eu shawˇ-eu Sehˬ gʼawˆ laꞈ kʼoeˇ, naw maꞈ nehˬ-ehˇ ngaˇ jawˇ-awˇ, naw maꞈ-ahˇ ngaˇ maˬ byehˇ dzeh.

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Aˬmoˆ 3:11

Kʼoeˇ miˇ neh, muiˇ-eu deuˬ aˬ yawꞈ maꞈ-euˬ miˇ kʼahˬ-ahˇ loꞈ jawˬ-awˇ, ziꞈ dah ni jaˆ-eu aˬ yawꞈ maꞈ-euˬ taˆ-ahˇ laˆ cawˆ-awˇ, aˬ yawꞈ maꞈ-euˬ kuˆ lawˆ laꞈ kʼoeˇ jaˆ-eu myawˬ gahˬ deuˬ baꞈ geuꞈ jiˇ tehꞈ-a.”

Aˬmoˆ 4:2

Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu gʼaˬ pyeuꞈ-eu loꞈ-ehˇ, heu loꞈ-ehˇ saˇ jaˇ dzaˬ taˬ-euˬ meh. “Aˬ cawˬ naw maꞈ-ahˇ shmˇ kuˆ seuˬ ceuˬ-awˇ tsahˇ byoˆ gʼeh-eu aˇ nah keuˆ le tehꞈ-a. Naw maꞈ yawˬ gʼaˬ na luꞈ ngaˬ juiꞈ-ahˇ paꞈ leˇ-euˬ ngaˬ shaˬ-ahˇ duˇ tehꞈ-a.

Aˬmoˆ 5:21

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu zahˇ sahˇ kʼoꞈ bawˬ-iˬ jahˇ gaˇ ngaˇ nui daˆ daˆ-awˇ, maˬ haw cawˬ nahˇ nya.

Aˬmoˆ 8:3

Aˇ nah kʼoeˇ nah-ahˇ, sahˬ paˬ-euˬ nymˇ nymˇ ma laꞈ kʼoeˇ caˇ-eu dawˬ kawˬ maˬ paˇ ya gaˬ-ehˇ, tsawˇ ngoeˇ ngoeˇ-eu dawˬ kawˬ tehꞈ-ehˇ ya gaˬ tehꞈ-a. Yawˬ gaˇ na luꞈ tsawˇ haˬ shiˇ taˬ-awˇ ga gaˇ ya mawˇ-awˇ, ciˬ cuˇ ni baꞈ dzeh nehˬ tehꞈ-a.”

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Dawˬmehˬ 32:19

“Sahˬpaˬ Miˬyehˇ kʼoeˇ gaˇ mawˇ ngeh, nui ma pehˇ dui dui -eu laꞈ kʼoeˇ, yawꞈ-euˬ aˬ buˇ aˬ li deuˬ-ahˇ, myaˆ maˬ haw cawˬ ni byehˇ-euˬ meh.