Aˬmoˆ 6:13 - Akha

¹³ Loˇdeˬbaˬ‘Loˇdeˬbaˬ’ lehˇ ehˇ-eu dawˬ tsuiꞈ-aˬ, ‘Jaˬ myawꞈ’ lehˇ ehˇ mawꞈ-eu meh.* meuˬ-ahˇ deuˆ gʼaˬ ma lehˇ naw maꞈ kʼahˬ sehˇ jehˆ-eu meh. Kaˬneˬ‘Kaˬneˬ’ lehˇ ehˇ-eu-aˬ, ‘uˬ coeˇ’-ahˇ ehˇ-eu meh. Dawˬ tsuiꞈ-aˬ, ‘gʼaˬ kʼaˆ-eu’ lehˇ ehˇ mawꞈ-euˬ meh.* meuˬ-ahˇ deuˆ gʼaˬ nya ni nga maꞈ gʼaˬ kʼaˆ luꞈ ma lehˇ naw maꞈ lmˬ-eu meh.

Aˬmoˆ 6:13 ပူးပေါင်းရင်းမြစ်များ

2 Sahˬpaˬ 13:25

Kʼoeˇ naˇ, Iˇsaˬleˬlaˆ sahˬ paˬ Yeˬhawˇshaˆ neh Beˬhaˬdaˇ-ahˇ guiˇ smˬ poˆ deuˆ gʼaˬ-awˇ, Yeˬhawˇshaˆ-euˬ aˬ da Yeˬhawˇhaˆ gʼaˬ sahˬ paˬ geuꞈ-awˇ uˆ lahˇ ngeh Beˬhaˬdaˇ neh deuˆ geuꞈ taˬ-euˬ meuˬ deuˬ paˇ deuˆ kʼoꞈ geuꞈ-euˬ meh.

2 Sahˬpaˬ 14:25

Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ neh, laꞈ oˆ paw pyawˬ-ahˇ jaˆ-eu Shiˇ-eu iˬ ma laˆ shaˆ-ahˇ keuˆ ni, Iˇsaˬleˬlaˆ miˇ kʼahˬ dawˬ tawˆ luꞈ-ahˇ aˬ yawꞈ paˇ deuˆ za kʼoꞈ geuꞈ-euˬ meh. Kʼoeˇ loꞈ-ehˇ pyeuꞈ laˇ tehꞈ-a lehˇ, Miˬyehˇ gʼaˇ duˬ ngehˬ dah-eu Yawˇnaˆ-ahˇ gʼoe-awˇ Sahˬpaˬ Miˬyehˇ neh ehˇ taˬ-euˬ dawˬ jaˆ-eu meh. Yawˇnaˆ-aˬ, Gaˬdaˇheˬpaˬ meuˬ-ahˇ jawˇ-eu Aˬmiˇtehˇ-euˬ aˬ li meh.

Yawˇbaˆ 31:25

ngaˬ-euˬ pyuˇ shuiˇ-ahˇ ngaˇ nui ma maˬ huiˬ haw-aˬ.

Yawˇbaˆ 31:29

Ngaˬ-ahˇ muiˇ-eu deuˬ shaˬ zahˬ naꞈ gaˇ ngaˇ laˬ kʼaˬ maˬ cehˇ-ehˇ, luˬ-iˇ seˇ-iˇ-eu jeˬ-ahˇ aˬ yawꞈ maꞈ tahˬ puˬ ngeh ngaˇ nui kʼahˇ maˬ shiˇ-aˬ.

Yawˇbaˆ 8:14

Aˬ yawꞈ maꞈ-euˬ gʼoe duˬ-aˬ, aˬ oˬ loˬ ma aˇ kahˇ-ahˇ duˇ-eu saˬ kahˇ kahˇ muˆ meh.

Yawˇbaˆ 8:15

Aˬ oˬ loˬ ma aˇ kahˇ-ahˇ aˬ yawꞈ maꞈ kʼawˬ daˇ ziꞈ nya tehꞈ-a loˇ. Saˬ kahˇ muˆ-ahˇ aˬ yawꞈ maꞈ gʼaˬ shaˇ-awˇ tuˇ laˇ nya tehꞈ-a loˇ.

Jaceuq 2:2

SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Jaceuq 75:4

Maˬ tsaˬ maˬ dawˇ-eu tsawˇ haˬ deuˬ taˬ jahˇ gʼeh lehˇ ngaˇ ehˇ-awˇ,

Jaceuq 75:5

kʼahˬ sehˇ jehˆ-eu deuˬ taˬ paˇ jehˆ lehˇ ngaˇ ehˇ ma.”

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Iˇsaˬyaˇ 7:1

Yoˇdaˬ-euˬ aˬ li pyeuꞈ-awˇ, Awˇziˇ-euˬ oeˬ paˬ pyeuꞈ-eu sahˬ paˬ Aˬkaˆ Yuˇdaˆ miˇ kʼahˬ-ahˇ uˆ lahˇ ngeh, Suˇliˆ sahˬ paˬ Leˬzeˬ hawˇ-eu, Iˇsaˬleˬlaˆ sahˬ paˬ pyeuꞈ-eu Leˬmaˬliˇ-euˬ aˬ li Peˬkah aˬ nyaꞈ Yeˬluˇsaˬlehˬ meuˬ-ahˇ guiˇ deuˆ le-euˬ meh. Ehˇ kʼawꞈ, maˬ deuˆ gʼaˬ nya-a.

Iˇsaˬyaˇ 7:4

Nui noeˬ yaw beuˇ beuˇ-ehˇ jawˇ-awˇ, nui ma coꞈ ngehˇ ni taˬ-eu laꞈ kʼoeˇ, aˇ dzehˬ-ehˇ maˬ guˆ-ehˇ maˬ noeˬ shaˬ ni jawˇ-awˬ lehˇ ehˇ nehˬ-awˬ. Suˇliˆ sahˬ paˬ Leˬzeˬ hawˇ-eu Leˬmaˬliˇ-euˬ aˬ li sahˬ paˬ Peˬkah aˬ nyaꞈ-euˬ nui pehˇ-aˬ, miˬ dzaˬ doꞈ miˆ-euˬ kawˬ pyaˇ-ahˇ uˬ kʼoeˬ du-eu loˆ ni tehꞈ meh.

Iˇsaˬyaˇ 8:6

“Tsawˇ haˬ heu deuˬ coꞈ ngehˇ ni yoeˇ luꞈ-eu Shiˇloˆ lawˇ gawˆ-ahˇ byehˇ dzeh-awˇ, sahˬ paˬ Leˬzeˬ hawˇ-eu sahˬ paˬ Peˬkah aˬ nyaꞈ-ahˇ guˆ-awˇ yaw dzuˬ dzuˬ luꞈ-eu meh.

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Yawˇnaˆ 4:6

Kʼoeˇ ngeh, Sahˬpaˬ Miˬyehˇ pyeuꞈ-eu Miˬyehˇ-aˬ, Yawˇnaˆ yaw saˇ saˇ-ehˇ naˬ nya ni naˇ shmˇ bi shmˇ-eu gʼaˇ duˬ aˇ bawˬ tiˬ bawˬ aˬ yawꞈ kʼoeˇ taˆ bi dehꞈ laˇ-euˬ meh. Yawˇnaˆ-aˬ, aˇ bawˬ kʼoeˇ bawˬ-ahˇ nui kʼahˇ shiˇ dui dui-eu meh.

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Zaˬkaˬliˇ 1:19

“Uˬ coeˇ teu deuˬ-euˬ dawˬ tsuiꞈ aˬ jeˬ-a” lehˇ, ngaˬ-ahˇ dawˬ ngehˬ cawˬ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ ngaˇ naˇ haˬ ngeh, “Uˬ coeˇ teu deuˬ-aˬ, Yuˇdaˆ miˇ kʼahˬ, Iˇsaˬleˬlaˆ miˇ kʼahˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ teh byaˆ-euˬ miˇ kʼahˬ deuˬ meh” lehˇ, aˬ yawꞈ ehˇ-eu meh.

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Yaˬkoˆ 4:16

Ehˇ kʼawꞈ, nymˬ-mˇ naw maꞈ nui ma huiˬ-awˇ kʼahˬ sehˇ jehˆ-eu meh. Teu loꞈ-ehˇ kʼahˬ sehˇ kʼaˇ jehˆ-eu dawˬ tawˆ luꞈ yaw lehˬ meh.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Yaˇ kʼaˬ daˇ 9:27

Aˬ yawꞈ maꞈ dawˬ tawˆ luꞈ aˬ gaꞈ yaˇ kmˇ-ahˇ aˬ gaꞈ aˇ siˬ pyaˆ laˬ-iˇ-awˇ, aˬ gaꞈ dzaˇ uiˇ jahˇ-awˇ bawˬ-iˬ gʼeh-euˬ meh. Aˬ yawꞈ maꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ maꞈ uˇ leˇ-awˇ, dzaˬ taꞈ dawˇ taꞈ-eu laꞈ kʼoeˇ, Aˬbiˇmaˬlehˆ-ahˇ ja bu ja doeˇ-awˇ yaˬ kʼehˇ yaˬ-euˬ meh.

1 Saˬmeuˬlaˆ 4:5

Dawˬ ma saˇ jaˇ Bahˬ keuˆ baꞈ keuˆ leꞈ ngeh, Iˇsaˬleˬlaˆ tsawˇ haˬ deuˬ laˬ kʼaˬ cehˇ dui dui-eu laꞈ kʼoeˇ yaw kʼaˆ-ehˇ guˇ-eu miˇ neh, miˇ tsaˬ tahˬ kʼawˇ luˆ luˆ-ehˇ pyeuꞈ laˇ-euˬ meh.