Aˬmoˆ 6:11 - Akha

¹¹ Sahˬpaˬ Miˬyehˇ dawˬ biꞈ ngeh, nymˇ yaw huiˬ yaw nyiˇ dawˬ tawˆ luꞈ pyaˆ-iˇ shaˆ-iˇ jiˇ tehꞈ-a.

Aˬmoˆ 6:11 ပူးပေါင်းရင်းမြစ်များ

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Jaceuq 105:16

Mehꞈ-eu shuꞈ-eu jeˬ aˬ yawꞈ maꞈ miˇ kʼahˬ kʼoeˇ taˆ, Sahˬpaˬ Miˬyehˇ neh bi keuˆ le-awˇ, dzaˬ dzaˬ dawˇ dawˇ bi byoˆ-iˇ-euˬ meh.

Jaceuq 105:31

Miˬyehˇ dawˬ biꞈ-awˇ, miˇ kʼahˬ kʼahˬ lah ni, puˬ saˆ hawˇ-eu caˇ gawˬ baˬ maꞈ maꞈ leˇ-awˇ jawˇ-euˬ meh.

Jaceuq 105:34

Aˬ yawꞈ dawˬ biꞈ ngeh, maˬ ehˇ jiˇ coeˇ ni myaˬ dui dui-eu nyehˇ bahˇ baˬ maꞈ ga le-awˇ,

Dawˬ tsoˆ 10:18

Nymˇ mˬ maˬ joe shmˇ nahˇ-eu tsawˇ haˬ-euˬ nymˇ, uˬ yehˇ doˆ peuˬ jiˇ-awˇ, coˬ pyaˆ dzeh tehꞈ-a.

Iˇsaˬyaˇ 13:3

Sahˬpaˬ Miˬyehˇ nui ma pehˇ-eu deuˬ-ahˇ kʼehˬ-eu gʼaˇ duˬ, aˬ yawꞈ nui kʼaˬ tsmˬ-awˇ jah coeˇ-eu yehˇ deuˬ-ahˇ, muiˬ-eu shawˇ-eu jeˬ gʼaˇ duˬ guiˇ deuˆ leˇ-awˬ lehˇ, aˬ yawꞈ dawˬ biꞈ-euˬ meh.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Hawˇseˬ 13:16

Ngaˬ-ahˇ puiˬ-euˬ jeˬ baˬ da neh, Saˬmaˬliˆ meuˬ-ahˇ ya kʼehˬ meh. Meuˬ laꞈ kʼoeˇ jawˇ-eu tsawˇ haˬ deuˬ, guiˇ deuˆ luꞈ ngeh bi deuˆ sehꞈ-awˇ, zaˬ nahˬ yaw nyiˇ deuˬ-ahˇ keuˆ ni, miˇ tsa dawˬ duˆ ka sehꞈ nehˬ-awˇ, aˬ nyiˇ pi-eu aˬ ma deuˬ-ahˇ, uˬ maˆ ceuꞈ paˆ nehˬ yaꞈ tehꞈ-a.”

Aˬmoˆ 3:15

Tsahˬ gaˆ yamˬ-ahˇ jawˇ-eu gʼaˇ duˬ hawˇ-eu jawˇ la yamˬ-ahˇ jawˇ-eu gʼaˇ duˬ lehˇ tsoˆ baw taˬ-euˬ nymˇ dawˬ tawˆ luꞈ-ahˇ ngaˇ laˆ cawˆ ma. Ya ma juiˇ neh laˆ muiˬ taˬ-euˬ nymˇ deuˬ coˬ pyaˆ coˬ shaˆ tehꞈ-a. Nymˇ yaw huiˬ yawˬ nymˇ na luꞈ ya cawˆ-iˇ tehꞈ-a.”

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Aˬmoˆ 6:8

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ maˇ jawˆ ni ehˇ taˬ-euˬ meh. “Iˇsaˬleˬlaˆ tsawˇ haˬ nui ma huiˬ gaˇ mahˇ gaˇ ngaˇ maˬ haw nahˇ nya. Aˬ yawꞈ maꞈ dehꞈ byawˬ-eu gʼaˇ duˬ laˆ saˆ muiˬ taˬ-euˬ nymˇ nymˇ ma deuˬ-ahˇ ngaˇ maˬ haw nahˇ nya. Aˬ yawꞈ maꞈ-euˬ meuˬ meuˬ ma hawˇ-eu kʼoeˇ gaˇ kʼaˇ jaˆ-eu yawˬ jeˬ na luꞈ, muiˇ-eu deuˬ-euˬ aˬ laꞈ laꞈ kʼoeˇ ngaˇ a nehˬ ma.”

Aˬmoˆ 9:1

Lawˇ duˬ dawˬ peh Sahˬpaˬ Miˬyehˇ yawꞈ luꞈ gaˇ ngaˇ mawˇ-awˇ, heu loꞈ-ehˇ dawˬ biꞈ luꞈ-eu ya gaˬ-euˬ ma. “Uˬ duˬ tahˬ nymˇ nymˇ ma-euˬ dawˬ peh luˆ laˇ-awˇ, tsawˇ haˬ zaˬ deuˬ-euˬ uˬ duˬ-ahˇ coˬ pyaˆ deh ni, Uˬ duˬ tahˬ nymˇ nymˇ ma-euˬ kʼawˇ zeuˇ uˬ du yaw kʼaˆ kʼaˆ-ehˇ kʼoˆ-awˬ. Maˬ shiˇ-ehˇ kʼaˇ dzeuˇ-iˇ-euˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ jiˇ-awˇ, tiˬ gʼaˬ-iˬ maˬ paˇ bi buˬ bi law-iˇma.

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Naˬhmˬ 1:14

Niˇnaˬbeˬ meuˬ-ahˇ taꞈ leˇ-awˇ, Sahˬpaˬ Miˬyehˇ ehˇ taˬ-euˬ-aˬ, “Nawˬ-euˬ tsawˇ myahˇ pi ka gʼeh-eu, zaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ miˬ yehˇ deuˬ-euˬ nymˇ-ahˇ, tahˬ pahˬ aˬ ma mawˇ kawˇ kʼoeˇ deuˬ, ngaˇ laˆ piˬ laˆ byoˆ jiˇ nehˬ ma. Nawˇ doeˇ dui dui-eu baˬ da neh, nawˬ-euˬ lmˬ bymˇ ngaˇ lehˬ hmˬ ma.”

Zaˬkaˬliˇ 14:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ sheuˬ uiˬ laꞈ-awˇ, Yeˬluˇsaˬlehˬ meuˬ-ahˇ guiˇ bi deuˆ tehꞈ-a. Meuˬ-ahˇ guiˇ deuˆ gʼaˬ-awˇ, nymˇ laꞈ kʼoeˇ jaˆ-eu myawˬ gahˬ yuˇ geuꞈ-awˇ, zaˬ miˬ zaˬ deuˬ-ahˇ yehˬ bawˬ-ehˇ gʼeh tehꞈ-a. Tsawˇ haˬ tiˬ paˆ ehˇ gʼaˬ ni bi nyehꞈ byoˆ gʼeh-awˇ, meuˬ laꞈ kʼoeˇ tiˬ paˆ jawˇ yaꞈ tehꞈ-a.

Maˬlaˬkiˇ 1:4

Iˇsawˇ-euˬ zaˬ deuˬ uˆ deuˬ pyeuꞈ-eu Eˬdoˬ tsawˇ haˬ deuˬ, “Nga maꞈ-euˬ meuˬ deuˬ cawˆ-iˇ-euˬ meh. Ehˇ kʼawꞈ, nga maꞈ paˇ gawˬ muiˬ geuꞈ ma” lehˇ ehˇ laˇ naˇ, Sahˬpaˬ Miˬyehˇ heu loꞈ-ehˇ ehˇ tehꞈ-a. “Aˬ yawꞈ maꞈ paˇ gawˬ muiˬ kʼawꞈ, ngaˇ tiˬ poˆ paˇ laˆ byaˆ dzeh ma. Aˬ yawꞈ maꞈ-ahˇ aˬ cawˬ haiˬ-eu miˇ kʼahˬ lehˇ kuˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ nui ma pehˇ-eu miˇ kʼahˬ lehˇ ehˇ tehꞈ-a.”

Luˇkaꞈ 19:44

Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”