Aˬmoˆ 5:7 - Akha

⁷ Yaw tsaˬ yaw dawˇ jeˬ-ahˇ sheu pyawˆ-awˇ, aˬ cawˬ kʼoeˇ taˆ myawꞈ dzaˬ shuiˇ dzaˬ-eu naw maꞈ deuˬ kʼoeˇ taˆ, dawˇ keuˆ le tehꞈ-a.

Aˬmoˆ 5:7 ပူးပေါင်းရင်းမြစ်များ

Jaceuq 125:5

Ehˇ kʼawꞈ haiˬ-eu tsawˇ haˬ deuˬ-ahˇ nawˇ kʼehˬ nehˬ ngeh, nawˬ-euˬ zahˇ sahˇ kʼoꞈ-ahˇ byehˇ-eu deuˬ-ahˇ kʼawꞈ kʼehˬ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ nui saˇ oꞈ-eu jeˬ jaˆ luꞈ-uˇ.

Jaceuq 36:3

Yawꞈ-euˬkʼaˬmehˬ-ahˇngehˬ-eu dawˬ, jaˬmyawꞈmehˇshuiˇtehꞈ-ehˇbyah-awˇ, yaw muiˬmˇ-eu byehˇtsehˆ-euˬmeh.

Dawqdaq 21:7

Maˬ tsaˬ maˬ dawˇ-eu deuˬ yaw haiˬ jeˬ mˇ-eu iˬ baˇ naꞈ-awˇ, yaw tsaˬ yaw dawˇ jeˬ mˇ-eu nui ma maˬ jaˆ-a.

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Iˇsaˬyaˇ 10:1

Maˬ tsaˬ maˬ dawˇ-eu zahˇ sahˇ kʼoꞈ taˬ-awˇ, aˬ cawˬ-ahˇ nawˬ dzaˬ kʼaˆ dzaˬ-eu zahˇ boꞈ doˆ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 46:12

“Naˬ bawˇ yaw tuˇ deuˬ-oˇ, ngaˇ ehˇ gaˇ naˇ haˬ sheˇ. Gʼaˬ leˇ-eu jeˬ gaˇ mahˇ kaˬ-a siˬ lehˇ naw maꞈ noeˬ meh.

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Yeˬsaˬgeˬlaˇ 18:24

“Ehˇ kʼawꞈ, yaw tsaˬ yaw dawˇ tsawˇ haˬ tiˬ gʼaˬ yaw muiˬ jeˬ maˬ mˇ ni byehˇ-awˇ, haiˬ-eu tsawˇ haˬ deuˬ kʼaˇ mˇ-eu loꞈ-ehˇ, nuiˬ daˆ daˆ laˇ paˬ-ehˇ gʼeh-eu yaw haiˬ jeˬ mˇ dahˬ beh laˇ ngeh, aˬ yawꞈ yaw dehꞈ ya dehꞈ tehꞈ-a loˇ. Aˬ yawꞈ neh kʼaˇ mˇ dzeuˇ yaꞈ-euˬ yaw muiˬ jeˬ dawˬ tawˆ luꞈ ngehˇ byoˆ nehˬ jiˇma. Aˬ yawꞈ saˇ jaˇ maˬ ziꞈ ni iˬ baˇ mˇ-euˬ baˬ da neh ya shiˇ tehꞈ-a.

Yeˬsaˬgeˬlaˇ 3:20

“Yaw tsaˬ yaw dawˇ tsawˇ haˬ iˬ baˇ mˇ dahˬ beh laˇ-awˇ, ngaˬ neh shaˬ zahˬ laˆ naꞈ nehˬ ngeh, aˬ yawꞈ-ahˇ nawˇ maˬ mehˬ maˬ tsoˆ nehˬ ni aˬ yawꞈ shiˇ naˇ, aˬ yawꞈ-euˬ iˬ baˇ baˬ da neh shiˇ-euˬ jeˬ pyeuꞈ-eu meh. Aˬ yawꞈ neh mˇ-euˬ yaw muiˬ jeˬ dawˬ tawˆ luꞈ-ahˇ ngaˇ ngehˇ byoˆ nehˬ jiˇ-eu uˬ taꞈ, nawˬ-ahˇ kʼawꞈ ngaˇ do yuˇ ma.

Yeˬsaˬgeˬlaˇ 33:18

Yaw tsaˬ yaw dawˇ tsawˇ haˬ tiˬ gʼaˬ yaw muiˬ jeˬ maˬ mˇ ni byehˇ-awˇ, yaw haiˬ jeˬ mˇ dahˬ beh laˇ naˇ, ya shiˇ tehꞈ-a.

Hawˇseˬ 10:4

Aˬ yawꞈ maꞈ dawˬ awˬ kʼawꞈ ngehˬ-awˇ, saˇ jaˇ dzaˬ-eu jaˬ myawꞈ tehꞈ meh. Yaw tsaˬ yaw dawˇ poˆ laˆ laˆ-awˇ, doꞈ kʼaˆ dui dui-eu baw duˆ deuˬ, deh ga dehꞈ byah-euˬ gaˇ duˇ meh.

Aˬmoˆ 2:3

Mawˇbaˆ miˇ kʼahˬ-ahˇ uˆ lahˇ-eu gʼaˬ hawˇ-eu aˬ yuiꞈ aˬ tsu deuˬ dawˬ tawˆ luꞈ-ahˇ ngaˇ sehꞈ jiˇ ma.”

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.

Miˇkaˬ 3:9

Yaw tsaˬ yaw dawˇ jeˬ-ahˇ bye-awˇ, yaw tsaˬ jeˬ-ahˇ yaw lehˬ jeˬ laˆ pyeuꞈ-eu Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ.

Haˬbaˬkuˆ 1:4

Zahˇ sahˇ kʼoꞈ deuˬ peuˬ-iˇ jiˇ-awˇ, yaw tsaˬ yaw dawˇ maˬ paˇ ziꞈ meh. Yaw muiˬ-ahˇ yaw haiˬ jawˬ lahˇ-awˇ, yaw tsaˬ yaw dawˇ buꞈ-iˇ-euˬ meh.

Zeˬpaˬniˇ 1:6

Sahˬpaˬ Miˬyehˇ-ahˇ byehˇ dzeh-awˇ, aˬ yawꞈ-ahˇ maˬ gʼoe-eu tsawˇ haˬ, laˆ cawˆ nehˬ gaˇ ya daˬ tehꞈ-a.”

Dawˬmehˬ 29:18

Iˬ nah heu gaˇ yawꞈ luꞈ-eu kʼaˬ dzeˇ zaˬ hawˇ-eu zaˬ miˬ zaˬ aˬ geu gʼaˬ maˬ kaˬ, nymˇ jiˇ aˬ geu jiˇ maˬ kaˬ, tsawˇ jeuˬ aˬ geu jeuˬ maˬ kaˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬyehˇ deuˬ-ahˇ uˬ duˬ maˬ ya tahˬ ni, yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ mˇ-eu jeˬ-aˬ, kʼaˬ jehꞈ ni gʼeh-awˇ doꞈ kʼaˆ dui dui-eu aˇ bawˇ bi bawˇ laˇ-eu duˬ ciˇ-ahˇ duˇ-eu meh.