Aˬmoˆ 5:6 - Akha

⁶ Sahˬpaˬ Miˬyehˇ jawˇ gaˇ le-awˬ. Naw maꞈ yaw dehꞈ ya dehꞈ tehꞈ-a. Naw maꞈ aˬ yawꞈ jawˇ gaˇ maˬ le naˇ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, miˬ dzaˬ jehˆ bymˇ bymˇ ma loꞈ-ehˇ aˬ yawꞈ ga le tehꞈ-a. Miˬ dzaˬ kʼoeˇ Beˬdeˬlaˇ meuˬ-ahˇ jawˇ-eu deuˬ-ahˇ puiˆ dzaˬ-awˇ, tiˬ gʼaˬ-iˬ maˬ laˆ miˆ nya ni doꞈ tehꞈ-a.

Aˬmoˆ 5:6 ပူးပေါင်းရင်းမြစ်များ

2 Saˬmeuˬlaˆ 19:20

Yawˬ ha-euˬ iˬ baˇ ahˇ ngaˇ siˬ nya-eu miˇ neh, laꞈ taˆ paw pyawˬ-ahˇ jawˇ luꞈ-eu tsawˇ jeuˬ deuˬ laꞈ kʼoeˇ, aˬ cawˬ mehˬ hu ngaˇ doˆ le-awˇ, iˬ nah nawˬ-ahˇ tahˬ puˬ le-euˬ ma.”

1 Sahˬpaˬ 11:28

Yeˬyawˇbamˬ-aˬ, gaˇ mˇ nya dui dui-eu zaˬ guˬ tiˬ gʼaˬ pyeuꞈ-awˇ, aˬ yawꞈ gaˇ mˇ-eu leh jeh dui dui luꞈ gaˇ Sawˇlaˬmoˬ ya mawˇ ngeh, Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ-euˬ miˇ kʼahˬ laꞈ kʼoeˇ, myawˬ kʼaˆ mˇ-eu gaˇ dawˬ tawˆ luꞈ kʼoeˇ taˆ, aˬ yuiꞈ geuꞈ-awˇ haw-eu pyaˆ-eu gʼaˬ bi geuꞈ-euˬ meh.

2 Laˬsaˬbaˬ 34:25

Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ yawꞈ maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ baˬ da neh ngaˬ-ahˇ nui ma bi pehˇ laꞈ-euˬ meh. Yeˬluˇsaˬlehˬ meuˬ-ahˇ ngaˇ nui ma pehˇ laˇ-awˇ, ngaˇ nui ma pehˇ-eu heu tiˬ jawˇ-iˬ maˬ paˇ taˬ leˇ nya meh.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Jaceuq 69:33

Shaˬ-eu zahˬ-eu tsawˇ haˬ deuˬ-euˬ dawˬ-ahˇ Miˬyehˇ naˇ haˬ-awˇ, paꞈ kuˆ laꞈ kʼoeˇ uˇ luꞈ-eu aˬ yawꞈ-euˬ tsawˇ haˬ deuˬ-ahˇ aˬ yawꞈ maˬ ngehˇ-a.

Doˆ-iˇ 22:6

“Tsawˇ haˬ tiˬ gʼaˬ yawˬ ha-euˬ yaˇ-ahˇ miˬ dzaˬ keuˬ ngeh, aˬ cawˬ-euˬ yaˇ-ahˇ bi doꞈ nyawˬ-iˇ-awˇ, maˬ yehˬ-euˬ cehˇ puiˆ dzaˬ-euˬ maˬ ehˇ, cehˇ cehˇ bymˇ puiˆ dzaˬ-euˬ maˬ ehˇ, miˬ dzaˬ keuˬ-eu gʼaˬ ya tsoeˬ meh.

Iˇsaˬyaˇ 1:31

Miˬ dzaˬ miˬ dzuiꞈ baˬ da neh gʼoˆ yoeˬ puiˆ dzaˬ-eu loꞈ-ehˇ, baoˬ ahˇ-eu tsawˇ haˬ neh mˇ-euˬ yaw haiˬ jeˬ yaw sahˇ deuˬ-ahˇ paˇ puiˆ dzaˬ-awˇ, deh miˆ nehˬ-eu gʼaˬ maˬ jawˇ-a.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Yeˬsaˬgeˬlaˇ 21:3

Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Naw maꞈ-ahˇ ngaˇ muiˇ-eu ma. Mi cehˇ gʼawˇ doˆ-awˇ, tsawˇ muiˬ tsawˇ doeˇ maˬ tseˇ ni naw maꞈ dawˬ tawˆ luꞈ-ahˇ sehꞈ ma.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 37:19

Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ miˇ kʼahˬ-euˬ dah zaˇ pyeuꞈ-eu daˇ kawˬ hawˇ-eu, Yuˇdaˆ miˇ kʼahˬ-euˬ dah zaˇ pyeuꞈ-eu daˇ kawˬ yuˇ-awˇ, tiˬ gaˇ tahˬ tsaꞈ-awˇ, daˇ kawˬ tiˬ kawˬ tehꞈ-ehˇ bi pyeuꞈ-iˇ ma lehˇ ehˇ-eu meh lehˇ ehˇ nehˬ-awˬ.

Aˬmoˆ 3:14

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ kʼehˬ nehˬ ngeh nah, Beˬdeˬlaˇ meuˬ-ahˇ jaˆ-eu lawˇ duˬ kʼoeˇ deuˬ-ahˇ ngaˇ laˆ cawˆ ma. Lawˇ duˬ aˬ yawꞈ hmˬ yawꞈ-euˬ laꞈ coeˇ-ahˇ tsoꞈ-eu uˬ coeˇ dawˬ tawˆ luꞈ kʼehꞈ-iˇ jiˇ-awˇ, miˇ tsaˬ-ahˇ ga-iˇ tehꞈ-a.

Aˬmoˆ 5:14

Naw maꞈ yaw dehꞈ ya dehꞈ ni, yaw haiˬ jeˬ maˬ mˇ-ehˇ, yaw tsaˬ yaw dawˇ jeˬ tehꞈ-ehˇ mˇ-eu gʼaˇ duˬ noeˬ tsoˆ taˬ-awˬ. Kʼoeˇ loꞈ-ehˇ jahˇ naˇ, naw maꞈ neh ehˇ-euˬ loꞈ-ehˇ Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ aˬ diˇ aˬ maˇ jawˇ tehꞈ-a.

Aˬmoˆ 5:4

Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ehˇ-eu, “Ngaˇ jawˇ gaˇ laˇ-awˬ.

Aˬmoˆ 6:6

Naw maꞈ naˬ bo bo ma-ahˇ neh aˬ gaꞈ dzaˇ uiˇ dawˇ-awˇ, muiˬ dui dui-eu tsiˇ yaw saw jeˬ zmˬ-eu meh. Ehˇ kʼawꞈ, Iˇsaˬleˬlaˆ miˇ kʼahˬ luˬ-iˇ seˇ-iˇ gaˇ naw maꞈ tsawˇ ngoeˇ maˬ ngoeˇ nehˬ-a.

Zeˬpaˬniˇ 2:3

Sahˬpaˬ Miˬyehˇ dawˬ naˇ haˬ-awˇ, nui nahˬ nui yu ahˇ-eu deuˬ-oˇ, Sahˬpaˬ Miˬyehˇ-ahˇ shaˇ caw-awˬ. Yaw tsaˬ yaw dawˇ jeˬ-ahˇ poˆ-awˬ. Nui nahˬ nui yu ahˇ-awˇ dehꞈ-awˬ. Sahˬpaˬ Miˬyehˇ nui ma pehˇ gaˇ, nawˇ ya buˬ-iˇ-eu baw tehꞈ-a.

Zaˬkaˬliˇ 10:6

Yuˇdaˆ nymˇ jiˇ gʼaˬ bi kʼaˆ-awˇ, Yoˇsehˆ nymˇ jiˇ ngaˇ ka kʼoꞈ ma. Aˬ yawꞈ maꞈ-ahˇ gʼawˬ shaˬ gaˬ-awˇ, iˇ kahˇ sheuˬ kʼoꞈ keuˆ jiˇ nehˬ ma. Ngaˬ neh maˬ byehˇ dzeh-euˬ loꞈ-ehˇ, aˬ yawꞈ maꞈ paˇ bi dehꞈ poˆ ma. Sahˬpaˬ Miˬyehˇ pyeuꞈ-eu ngaˇ-aˬ, aˬ yawꞈ maꞈ-euˬ Miˬyehˇ ngeuˇ ma. Aˬ yawꞈ maꞈ neh shaˇ-euˬ shaˇ dawˬ, maˬ byehˇ ni ngaˇ naˇ haˬ nehˬ ma.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Dawˬmehˬ 4:24

Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, puiˆ dzaˬ laˇ-eu miˬ dzaˬ-ahˇ duˇ-awˇ, myaˆ naˆ-eu Miˬyehˇ meh.

Yawˇshuˆ 18:5

Miˇ kʼahˬ kʼoeˇ kʼahˬ-ahˇ, aˬ yawꞈ maꞈ gʼaˇ duˬ shiꞈ paˆ ya paˆ tehꞈ-a. Yuˇdaˆ tsawˇ jeuˬ-aˬ, laꞈ oˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ-awˇ, Yoˇsehˆ tsawˇ jeuˬ deuˬ-aˬ, laꞈ taˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ tehꞈ-a.