Aˬmoˆ 5:5 - Akha

⁵ Naw maꞈ ya dehꞈ tehꞈ-a. Beˬlaˇsheˬba meuˬ-ahˇ iˇ-awˇ uˬ duˬ taˬ tahˬ. Ngaˬ -ahˇ laꞈ jeuˬ shaˇ-eu lehˇ Beˬdeˬlaˇ meuˬ-ahˇ taˬ le. Beˬdeˬlaˇ meuˬ kʼawꞈ tiˬ jeˬ-iˬ gaˇ dahˇ maˬ tsoeˬ ni pyeuꞈ-iˇ tehꞈ-a. Giˇlaˇgaˬlaˇ meuˬ-ahˇ kʼawꞈ naw maꞈ taˬ iˇ. Meuˬ kʼoeˇ meuˬ-ahˇ jawˇ-eu tsawˇ haˬ deuˬ aˬ cawˬ miˇ kʼahˬ-ahˇ bi nyehꞈ byoˆ gʼeh tehꞈ-a.”

Aˬmoˆ 5:5 ပူးပေါင်းရင်းမြစ်များ

Aˇ dahˬ 21:31

Kʼoeˇ miˇ neh, jawˇ duˬ kʼoeˇ tsahˇ-ahˇ Beˬlaˇsheˬba lehˇ kuˇ-euˬ meh. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ aˬ yawꞈ nyaꞈ saˇ jaˇ dzaˬ taꞈ-euˬ meh.

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Aˇ dahˬ 26:23

Jawˇ duˬ kʼoeˇ tsahˇ-ahˇ neh Iˇtsaˆ paˇ doˆ-iˇ-awˇ, Beˬlaˇsheˬba-ahˇ jawˇ-iˇ-euˬ meh.

Aˇ dahˬ 26:33

Lah duˬ kʼoeˇ duˬ-ahˇ, “Saˇ jaˇ” lehˇ Iˇtsaˆ myahˇ nehˬ-euˬ meh. Kʼoeˇ miˇ neh, kʼoeˇ gaˇ jaˆ-eu meuˬ kʼoeˇ meuˬ-ahˇ, iˬ nah keuˆ ni Beˬlaˇsheˬba lehˇ kuˇ-eu meh.

1 Sahˬpaˬ 12:28

Aˬ yawꞈ kʼoeˇ loꞈ-ehˇ noeˬ mawˇ-awˇ, shuiˇ mawˇ neˇ mawˇ kawˇ nyiˬ kawˇ kʼaˇ-awˇ, aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Naw maꞈ Yeˬluˇsaˬlehˬ meuˬ-ahˇ iˇ iˇ-ehˇ uˬ duˬ tahˬ-eu myahˇ laˇ-euˬ meh. Iˇsaˬleˬlaˆ tsawˇ haˬ deuˬ-oˇ, heu deuˬ-aˬ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ naw maꞈ-euˬ miˬ yehˇ deuˬ meh.”

1 Sahˬpaˬ 12:29

Mawˇ neˇ mawˇ kawˇ kʼoeˇ deuˬ Beˬdeˬlaˇ meuˬ-ahˇ tiˬ kawˇ bi jaˆ-awˇ, yawˬ kawˇ yawˬ-aˬ, Daˬ meuˬ-ahˇ bi jaˆ-euˬ meh.

2 Sahˬpaˬ 23:8

Yuˇdaˆ miˇ kʼahˬ doe ni jaˆ-eu meuˬ deuˬ-ahˇ jawˇ-eu piˇ ma deuˬ-ahˇ, Yeˬluˇsaˬlehˬ meuˬ-ahˇ aˬ yawꞈ sheuˬ uiˬ-awˇ, aˬ yawꞈ maꞈ neh lawˇ-eu shehˇ-eu jeˬ kʼaˇ mˇ-euˬ lawˇ duˬ dawˬ tawˆ luꞈ laˆ cawˆ jiˇ-euˬ meh. Yeˬluˇsaˬlehˬ meuˬ-ahˇ uˇ leˇ-eu lahˇ kʼehˬ kʼehˬ ma-euˬ aˇ caˇ paw dzeˇ paˆ-ahˇ lahˇ kʼehˬ tiˬ kʼehˬ jaˆ-eu meh. Lahˇ kʼehˬ kʼoeˇ kʼehˬ-aˬ, meuˬ-ahˇ uˆ lahˇ-eu gʼaˬ pyeuꞈ-eu Yawˇshuˆ neh gawˬ taˬ-euˬ meh. Kʼoeˇ-euˬ dawˬ peh jaˆ-eu ciꞈ myehꞈ nehꞈ deuˬ-ahˇ lawˇ-eu lawˇ duˬ kʼoeˇ deuˬ-ahˇ kʼawꞈ, aˬ yawꞈ laˆ cawˆ-euˬ meh. Piˇ ma kʼoeˇ deuˬ-ahˇ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ gaˇ maˬ bi mˇ-a.

Yawˇbaˆ 8:22

Ehˇ kʼawꞈ, nawˬ-ahˇ bye-eu deuˬ kʼoeˇ taˆ aˬ yawꞈ shaˬ zahˬ bi keuˆ le-awˇ, haiˬ-eu tsawˇ haˬ deuˬ-euˬ nymˇ jiˇ luˬ-iˇ seˇ-iˇ tehꞈ-a.”

Jaceuq 33:10

Miˇkʼahˬtsawˇjeuˬmehˬbawˬmˇ-euˬ, SahˬpaˬMiˬyehˇlaˆngehꞈnehˬ-awˇ, tsawˇhaˬzaˬneh bawˬtoˆtoˆ-euˬ, aˬyawꞈlaˆcawˆjiˇnehˬ-eu meh.

Iˇsaˬyaˇ 29:20

Aˬ cawˬ-ahˇ kʼehˬ-eu deuˬ aˇ nah jiˇ-awˇ, aˬ cawˬ-ahˇ cehꞈ lehꞈ ka-eu deuˬ byoˆ le-awˇ, yaw haiˬ jeˬ mˇ-eu lehˇ jawˬ luꞈ-eu deuˬ bi coeˇ tsehˆ dzeh tehꞈ-a.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Yeˬlaˬmiˇ 48:13

Kʼoeˇ ngeh jawˇ, Beˬdeˬlaˇ miˬ yehˇ-ahˇ gʼoe-euˬ baˬ da neh, Iˇsaˬleˬlaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le-euˬ loꞈ-ehˇ, Sheˬmoˇshaˆ miˬ yehˇ-ahˇ gʼoe-euˬ baˬ da neh, Mawˇbaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le tehꞈ-a.

Hawˇseˬ 10:8

Iˇsaˬleˬlaˆ uˬ duˬ tahˬ-euˬ, tahˬ pahˬ aˬ ma kʼoeˇ deuˬ jaˆ-eu, Aˬbehˇ meuˬ-euˬ gawˬ duˇ uˬ du, jaˆ-eu uˬ duˬ tahˬ nymˇ kʼoeˇ deuˬ, ya luˬ ya seˇ-iˇ jiˇ tehꞈ-a. Lawˇ duˬ kʼoeˇ deuˬ jaˆ-eu kʼoeˇ taˆ, aˬ gah baw duˆ uˆ byoˆ tehꞈ-a. “Nga maꞈ-ahˇ byaˆ tehˬ le-awˬ” lehˇ, gawˬ jawˬ-ahˇ aˬ yawꞈ maꞈ guˇ-awˇ, “Nga maꞈ-ahˇ pymˬ tehˬ le-awˬ” lehˇ, gawˬ duˇ-ahˇ yawꞈ maꞈ guˇ tehꞈ-a.

Hawˇseˬ 12:11

Ehˇ kʼawꞈ, tahˬ pahˬ aˬ ma deuˬ-ahˇ, Giˇlaˆ meuˬ uˬ duˬ tahˬ-euˬ meh. Kʼaˇ tahˬ-euˬ deuˬ ya shiˇ tehꞈ-a. Giˇlaˇgaˬlaˇ meuˬ-euˬ laꞈ kʼoeˇ, mawˇ neˇ mawˇ gaw lawˇ nehˬ-euˬ meh. Kʼoeˇ gaˇ jaˆ-eu lawˇ duˬ kʼoeˇ deuˬ, deh liˬ gʼahˇ ceh gʼoˆ bymˇ taˬ-euˬ, kʼaˬ lo lo bymˇ-ahˇ duˇ tehꞈ-a.”

Hawˇseˬ 4:15

“Naw maꞈ Iˇsaˬleˬlaˆ miˇ kʼahˬ, ngaˬ-ahˇ saˇ jaˇ puiˬ-awˇ dehꞈ kʼawꞈ, Yuˇdaˆ miˇ kʼahˬ kʼoeˇ loˇ maˬ ngeuˇ. Giˇlaˇgaˬlaˇ meuˬ-ahˇ taˬ le. Behˬdaˬbeˬ meuˬ-ahˇ jiˇ taˬ le. Sahˬpaˬ Miˬyehˇ tsawˇ myahˇ gʼoe-awˇ, kamˬ tsehˆ ehˇ tsehˆ-eu dawˬ taˬ ngehˬ.

Hawˇseˬ 9:15

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ yaw haiˬ mˇ-eu jeˬ, Giˇlaˇgaˬlaˇ-ahˇ dahˬ beh-awˇ, aˬ yawꞈ maꞈ-ahˇ ngaˇ bye-eu jeˬ, Giˇlaˇgaˬlaˇ-ahˇ beh-euˬ ma. Aˬ yawꞈ maꞈ haiˬ-eu baˬ da neh, miˇ kʼahˬ laꞈ nyiˇ teh dzeh nehˬ-awˇ, aˬ yawꞈ maꞈ-ahˇ maˬ paˇ gaˬ ma. Aˬ yawꞈ maꞈ-euˬ sahˬ paˬ sahˬ ma, dawˬ tawˆ luꞈ ngaˬ-ahˇ puiˬ-euˬ meh.

Aˬmoˆ 1:5

Daˬmaˬsehˇ meuˬ-euˬ meuˬ lahˇ laˇ gʼoˆ deuˬ-ahˇ ngaˇ ngawˬ ceuꞈ dzeh-awˇ, Aˬbeuˬ deh kʼawꞈ-ahˇ jawˇ-eu deuˬ hawˇ-eu Behˬteˬdeˬ meuˬ-ahˇ uˆ lahˇ-eu gʼaˬ-ahˇ ngaˇ coeˇ tsehˆ ma. Suˇliˆ miˇ kʼahˬ-ahˇ jawˇ-eu tsawˇ haˬ deuˬ Kiˇlaˆ miˇ kʼahˬ-ahˇ bi nyehꞈ byoˆ gʼeh jiˇ tehꞈ-a.”

Aˬmoˆ 3:14

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ kʼehˬ nehˬ ngeh nah, Beˬdeˬlaˇ meuˬ-ahˇ jaˆ-eu lawˇ duˬ kʼoeˇ deuˬ-ahˇ ngaˇ laˆ cawˆ ma. Lawˇ duˬ aˬ yawꞈ hmˬ yawꞈ-euˬ laꞈ coeˇ-ahˇ tsoꞈ-eu uˬ coeˇ dawˬ tawˆ luꞈ kʼehꞈ-iˇ jiˇ-awˇ, miˇ tsaˬ-ahˇ ga-iˇ tehꞈ-a.

Aˬmoˆ 4:4

Dawˬ tawˆ kʼoeˇ taˆ uˆ lahˇ-eu gʼaˬ pyeuꞈ-eu Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ iˬ baˇ maˬ mˇ-ehˇ maˬ jawˇ tehˬ coeˇ te lehˇ ngeuˇ naˇ, Beˬdeˬlaˇ meuˬ-ahˇ jaˆ-eu muiˬ-eu shawˇ-eu jawˇ duˬ-ahˇ le-awˇ mˇ leˇ-awˬ. Giˇlaˇgaˬlaˇ meuˬ-ahˇ le-awˇ, iˬ baˇ kʼaˇ mˇ coeˇ-eu mˇ leˇ-awˬ. Aˬ yawꞈ shawˬ yawꞈ lawˇ-eu gʼaˇ duˬ jeˬ zaˬ tsahˇ laꞈ-awˇ, smˬ nah tiˬ poˆ tseˇ bymˇ tiˬ bymˇ yuˇ laꞈ-awˬ.

Aˬmoˆ 7:10

Beˬdeˬlaˇ meuˬ-ahˇ jawˇ-eu piˇ ma yaw huiˬ gʼaˬ pyeuꞈ-eu Aˬmaˬziˇ gʼaˬ, Iˇsaˬleˬlaˆ sahˬ paˬ Yeˬyawˇbamˬ jawˇ gaˇ heu loꞈ-ehˇ bi tsaꞈ gaˬ leˇ-euˬ meh. “Aˬmoˆ-aˬ, miˇ kʼahˬ zaˬ deuˬ jawˇ gaˇ nawˬ-euˬ gaˇ kawˆ maˬ muiˬ-eu jeˬ ja-awˇ, miˇ kʼahˬ bi pyaˆ laˇ-eu dawˬ ngehˬ luꞈ meh.

Aˬmoˆ 7:13

Heu gaˇ Beˬdeˬlaˇ meuˬ-ahˇ Miˬyehˇ gʼaˇ duˬ ngehˬ dah ngehˬ dah-ehˇ taˬ paˇ jawˇ. Heu-aˬ, sahˬ paˬ uˬ duˬ tahˬ-eu jawˇ duˬ hawˇ-eu miˇ kʼahˬ zaˬ-euˬ uˬ duˬ tahˬ nymˇ jaˆ-eu jawˇ duˬ pyeuꞈ-eu meh.”

Aˬmoˆ 7:17

Aˬmaˬziˇ-oˇ, teu baˬ da neh Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Nawˬ-euˬ nymˇ dahˬ-aˬ, meuˬ-euˬ gaˇ ma doe ni meh maˬ laˇ geuꞈ geuꞈ-ehˇ ya cah-awˇ, nawˬ-euˬ zaˬ deuˬ guiˇ deuˆ gaˇ bi deuˆ sehꞈ tehꞈ-a. Nawˬ-euˬ miˇ tsaˬ aˬ cawˬ biˇ geuꞈ-awˇ, nawˬ-euˬ gʼawˇ mawˇ maˬ siˬ maˬ suˇ-eu miˇ kʼahˬ-ahˇ ya shiˇ tehꞈ-a. Iˇsaˬleˬlaˆ miˇ kʼahˬ zaˬ deuˬ aˬ cawˬ miˇ kʼahˬ-ahˇ aˬ diˇ aˬ maˇ bi nyehꞈ byoˆ gʼeh tehꞈ-a’ lehˇ ehˇ-eu meh.”

Aˬmoˆ 7:9

Iˇtsaˆ-euˬ zaˬ deuˬ uˆ deuˬ uˬ duˬ tahˬ-eu jawˇ duˬ ya cawˆ-iˇ tehꞈ-a. Iˇsaˬleˬlaˆ tsawˇ jeuˬ-euˬ muiˬ-eu shawˇ-eu jawˇ duˬ deuˬ ya luˬ ya seˇ-iˇ jiˇ tehꞈ-a. Sahˬpaˬ Yeˬyawˇbamˬ-euˬ nymˇ jiˇ sahˬ paˬ geuꞈ-awˇ uˆ lahˇ-eu aˇ yamˬ aˇ saˬ saˬ tehꞈ-a.”

Aˬmoˆ 8:14

‘Daˬ miˬ yehˇ-euˬ tsawˇ myahˇ uˬ moˆ’ lehˇ hawˇ-eu ‘Beˬlaˇsheˬba miˬ yehˇ-euˬ tsawˇ myahˇ uˬ moˆ’ lehˇ ehˇ ehˇ-ehˇ, Saˬmaˬliˆ meuˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ laꞈ jeuˬ shaˇ-awˇ toˇ-eu tsawˇ haˬ deuˬ coˬ dzeh-awˇ, tiˬ jawˇ-iˬ maˬ paˇ tuˇ laˇ nya-aˇ.”

1 Gawˇliˬtu 1:28

Miˇ tsaˬ zaˬ deuˬ neh gaˇ dahˇ tsoeˬ meh lehˇ noeˬ-euˬ jeˬ-ahˇ gaˇ dahˇ maˬ tsoeˬ-ehˇ bi pyeuꞈ-iˇ-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ taˬ nyiˇ dui dui-euˬ jeˬ-ahˇ aˬ yawꞈ tseˇ doˆ-euˬ meh.

1 Gawˇliˬtu 2:6

Guiˬ lahˬ saꞈ laˇ paw gʼaˬ kʼaˆ loꞈ laˇ-euˬ tsawˇ haˬ deuˬ-ahˇ-aˬ, zaˬ siˬ tsawˇ gahˇ-euˬ dawˬ mehˬ-euˬ ma. Ehˇ kʼawꞈ, zaˬ siˬ tsawˇ gahˇ kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ maˬ ngeuˇ-a. Piˬ-iˇ byoˆ-iˇ luꞈ-eu miˇ tsaˬ heu kʼoeˇ taˆ uˆ lahˇ luꞈ-eu baoˬ kʼoeˇ deuˬ-euˬ zaˬ siˬ tsawˇ gahˇ kʼawꞈ maˬ ngeuˇ-a.

Dawˬmehˬ 28:41

Nawˇ aˬ buˇ aˬ li jawˇ kʼawꞈ, muiˇ-eu deuˬ guiˇ deuˆ le-awˇ bi nyehꞈ geuꞈ gʼeh-eu miˇ neh, aˬ buˇ aˬ li maˬ jawˇ ni pyeuꞈ-iˇ tehꞈ-a.

Yawˇshuˆ 5:9

“Iˇjiˇtuˆ miˇ kʼahˬ laꞈ kʼoeˇ aˬ cawˬ zaˬ kʼaˆ ya geuꞈ-euˬ shaˬ zahˬ naw maꞈ kʼoeˇ taˆ ngaˇ maˬ paˇ bi keuˆ le ma” lehˇ, Yawˇshuˆ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ miˇ neh jawˇ duˬ kʼoeˇ tsahˇ-ahˇ Giˇlaˇgaˬlaˇ lehˇ myahˇ nehˬ-awˇ, tsawˇ myahˇ kʼoeˇ iˬ nahˇ keuˆ ni jaˆ luꞈ-eu meh.

Panmaeq 18:17

naˬ liˬ tiˬ laꞈ laꞈ kʼoeˇ, pyuˇ shuiˇ myawˬ gahˬ dawˬ tawˆ piˬ jiˇ byoˆ jiˇ-euˬ nga.” Saˇ baoˬ kʼoeˇ taˆ aˬ yuiꞈ geuꞈ-eu deuˬ, saˇ baoˬ dziˬ-eu tsawˇ haˬ deuˬ hawˇ-eu, saˇ baoˬ laꞈ kʼoeˇ gaˇ mˇ-eu tsawˇ haˬ dawˬ tawˆ luꞈ, gaˇ mahˇ kaˬ gaˇ yawꞈ-awˇ haw-eu meh.

1 Saˬmeuˬlaˆ 11:14

Kʼoeˇ naˇ, aˬ yawꞈ maꞈ-ahˇ Saˬmeuˬlaˆ ehˇ nehˬ-euˬ “Aˬ dui maꞈ Giˇlaˇgaˬlaˇ meuˬ-ahˇ le-awˇ, Sawˇluˆ-ahˇ sahˬ paˬ tiˬ poˆ paˇ ka nehˬ leˇ kaˇ-euˇ.”

1 Saˬmeuˬlaˆ 7:16

Beˬdeˬlaˇ meuˬ, Giˇlaˇgaˬlaˇ meuˬ, Miˇzaˬpaˬ meuˬ heu deuˬ-ahˇ, aˬ yawꞈ kʼoꞈ yawꞈ cah doe-awˇ, dawˬ ja kʼaˇ doˆ gaˇ yaˇ kʼaˬ daˇ nehˬ-euˬ meh.

1 Saˬmeuˬlaˆ 8:2

Aˬ li aˬ yuiꞈ gʼaˬ Yawˇlaˆ pyeuꞈ-awˇ, aˬ nyiˇ gʼaˬ Aˬbiˇyaˬ pyeuꞈ-eu meh. Aˬ yawꞈ nyaꞈ nmˇ-aˬ, Beˬlaˇsheˬba meuˬ-ahˇ yaˇ kʼaˬ daˇ-eu tsawˇ haˬ pyeuꞈ-eu meh.