Aˬmoˆ 5:4 - Akha

⁴ Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ehˇ-eu, “Ngaˇ jawˇ gaˇ laˇ-awˬ.

Aˬmoˆ 5:4 ပူးပေါင်းရင်းမြစ်များ

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

2 Laˬsaˬbaˬ 15:2

Kʼoeˇ naˇ, Aˬsaˬ jawˇ gaˇ iˇ-awˇ ehˇ nehˬ-eu, “Sahˬ paˬ Aˬsaˬ hawˇ-eu, Yuˇdaˆ miˇ kʼahˬ, Beˬyaˬmiˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ ngaˇ ehˇ gaˇ naˇ haˬ sheˇ. Naw maꞈ Sahˬpaˬ Miˬyehˇ laꞈ kʼoeˇ kʼaˇ jawˇ kʼoeˇ keuˆ ni, aˬ yawꞈ kʼawꞈ naw maꞈ nehˬ-ehˇ jawˇ tehꞈ-a. Naw maꞈ aˬ yawꞈ-ahˇ poˆ naˇ, aˬ yawꞈ naw maꞈ-ahˇ bi mawˇ laꞈ tehꞈ-a. Ehˇ kʼawꞈ, naw maꞈ aˬ yawꞈ-ahˇ byehˇ dzeh naˇ, aˬ yawꞈ kʼawꞈ naw maꞈ-ahˇ byehˇ dzeh tehꞈ-a.

2 Laˬsaˬbaˬ 20:3

Yeˬhawˇshaˬpaˇ guˆ dui dui-awˇ, Sahˬpaˬ Miˬyehˇ neh bi ngehˬ gʼeh-eu gʼaˇ duˬ guiˬ lahˬ shaˇ-euˬ meh. Yuˇdaˆ miˇ kʼahˬ kʼahˬ lah ni maˬ dzaˬ-eu zahˇ jahˇ-eu gʼaˇ duˬ, aˬ yawꞈ dawˬ biꞈ gʼeh-euˬ meh.

2 Laˬsaˬbaˬ 20:4

Yuˇdaˆ miˇ kʼahˬ meuˬ yawˬ meuˬ na luꞈ-ahˇ jawˇ-eu tsawˇ haˬ deuˬ, Sahˬpaˬ Miˬyehˇ-ahˇ tahˬ shaˇ leˇ-eu gʼaˇ duˬ Yeˬluˇsaˬlehˬ meuˬ-ahˇ yaw kawˇ-ehˇ le-euˬ meh.

2 Laˬsaˬbaˬ 34:3

Yawˇshiˆ sahˬ paˬ geuꞈ-euˬ yehꞈ kʼoꞈ tiˬ kʼoꞈ keuˆ laˇ-awˇ, aˬ yawꞈ zaˬ guˬ guˬ zaˬ pyeuꞈ luꞈ ngeh, aˬ yawꞈ-euˬ aˬ poeˬ sahˬ paˬ Daˬbiˇ-euˬ Miˬyehˇ-ahˇ uˬ duˬ tahˬ-euˬ meh. Kʼoeˇ naˇ kʼah, oeˬ kʼoꞈ keuˆ laˇ ngeh, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ maˬ ehˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ maˬ ehˇ, tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ maˬ ehˇ, aˬ yawꞈ laˆ cawˆ nehˬ jiˇ-euˬ meh.

Jaceuq 14:2

Miˇtsaˬtsawˇhaˬzaˬdeuˬlaꞈkʼoeˇ, noeˬsiˬnya-eu tsawˇhaˬkeuˬ-awˇ, Miˬyehˇ-ahˇpoˆluꞈnga loˇlehˇ, Mˬtaˆjawˇ-eu SahˬpaˬMiˬyehˇ, miˇtsaˬzaˬdeuˬ-ahˇhaw luꞈmeh.

Jaceuq 22:26

Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Jaceuq 69:32

Aˬ cawˬ nawˬ dzaˬ kʼaˆ dzaˬ-eu uˬ moˆ ya jawˇ-eu tsawˇ haˬ deuˬ, kʼoeˇ gaˇ ya mawˇ ngeh nui kʼahˇ shiˇ tehꞈ-a. Miˬyehˇ-ahˇ uˬ duˬ tahˬ-eu tsawˇ haˬ deuˬ, nui ma shiˬ keuˇ ni pyeuꞈ laˇ tehꞈ-a.

Jaceuq 69:33

Shaˬ-eu zahˬ-eu tsawˇ haˬ deuˬ-euˬ dawˬ-ahˇ Miˬyehˇ naˇ haˬ-awˇ, paꞈ kuˆ laꞈ kʼoeˇ uˇ luꞈ-eu aˬ yawꞈ-euˬ tsawˇ haˬ deuˬ-ahˇ aˬ yawꞈ maˬ ngehˇ-a.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Hawˇseˬ 10:12

Aˬ yawꞈ maꞈ-ahˇ ngaˇ ehˇ nehˬ-euˬ, ‘Deh yaˇ yaw shuiꞈ tsehˬ paˇ geuꞈ-awˇ, yaw tsaˬ yaw dawˇ jeˬ ka paˇ-awˇ, ngaˬ-ahˇ gʼoe-eu laꞈ kʼoeˇ za-eu, guiˬ lahˬ yaw dzahˇ deuˬ yehˬ dzaˬ-awˬ. Sahˬpaˬ Miˬyehˇ jawˇ paw pyawˇ-eu aˇ yamˬ keuˆ laˇ-euˬ siˬ nya-awˬ. Naw maꞈ jawˇ gaˇ ngaˇ oe keuˆ-awˇ, guiˬ lahˬ yaw dzahˇ shehˆ daˆ nehˬ ma.’

Aˬmoˆ 5:6

Sahˬpaˬ Miˬyehˇ jawˇ gaˇ le-awˬ. Naw maꞈ yaw dehꞈ ya dehꞈ tehꞈ-a. Naw maꞈ aˬ yawꞈ jawˇ gaˇ maˬ le naˇ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, miˬ dzaˬ jehˆ bymˇ bymˇ ma loꞈ-ehˇ aˬ yawꞈ ga le tehꞈ-a. Miˬ dzaˬ kʼoeˇ Beˬdeˬlaˇ meuˬ-ahˇ jawˇ-eu deuˬ-ahˇ puiˆ dzaˬ-awˇ, tiˬ gʼaˬ-iˬ maˬ laˆ miˆ nya ni doꞈ tehꞈ-a.

Zeˬpaˬniˇ 2:3

Sahˬpaˬ Miˬyehˇ dawˬ naˇ haˬ-awˇ, nui nahˬ nui yu ahˇ-eu deuˬ-oˇ, Sahˬpaˬ Miˬyehˇ-ahˇ shaˇ caw-awˬ. Yaw tsaˬ yaw dawˇ jeˬ-ahˇ poˆ-awˬ. Nui nahˬ nui yu ahˇ-awˇ dehꞈ-awˬ. Sahˬpaˬ Miˬyehˇ nui ma pehˇ gaˇ, nawˇ ya buˬ-iˇ-eu baw tehꞈ-a.

Maꞈtehˬ 7:8

Aˬ jeˬ miˇ neh ehˇ naˇ, shaˇ-eu tsawˇ haˬ yawˬ gʼaˬ na luꞈ-ahˇ Miˬyehˇ biꞈ nehˬ tehꞈ-a. Poˆ-eu tsawˇ haˬ yawˬ gʼaˬ na luꞈ poˆ mawˇ nya ni, Miˬyehˇ caw ba tehꞈ-a. Laˇ gʼoˆ-ahˇ kʼoˆ-eu tsawˇ haˬ yawˬ gʼaˬ na luꞈ-ahˇ kʼawꞈ, Miˬyehˇ pah nehˬ tehꞈ-a.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

Dawˬmehˬ 32:47

Mehˬ-eu tsoˆ-eu dawˬ heu deuˬ-aˬ, gaˇ dahˇ maˬ tsoeˬ-eu dawˬ deuˬ maˬ ngeuˇ-a. Heu-aˬ, naw maꞈ-euˬ dehꞈ jeˬ dehꞈ kawˆ meh. Heu deuˬ-ahˇ naˇ haˬ geuꞈ naˇ, naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ paw jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.”

Dawˬmehˬ 4:29

Kʼoeˇ gaˇ, Sahˬpaˬ Miˬyehˇ-ahˇ naw maꞈ poˆ-awˇ, naw maꞈ-euˬ nui ma saꞈ laˇ dawˬ tawˆ luꞈ aˬ yawꞈ-ahˇ poˆ naˇ, ya mawˇ tehꞈ-a.