Aˬmoˆ 5:26 - Akha

²⁶ Ehˇ kʼawꞈ, Saˬkuˇ hawˇ-eu Gaˬgʼahˇ lehˇ kuˇ-eu tahˬ pahˬ aˬ ma mawˇ kawˇ deuˬ-ahˇ naw maꞈ uˬ duˬ tahˬ-eu miˇ neh, tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ baꞈ baꞈ-ehˇ ya cah tehꞈ-a.

Aˬmoˆ 5:26 ပူးပေါင်းရင်းမြစ်များ

1 Sahˬpaˬ 11:33

Sawˇlaˬmoˬ ngaˬ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬ yehˇ pyeuꞈ-eu Siˇdoˬ tsawˇ jeuˬ-euˬ Aˬsaˇtaˬteˬ miˬ yehˇ ma-ahˇ maˬ ehˇ, Mawˇbaˆ tsawˇ jeuˬ-euˬ Sheˬmoˇshaˆ miˬ yehˇ-ahˇ maˬ ehˇ, Aˬmoˬ tsawˇ jeuˬ-euˬ Moˇlehˆ miˬ yehˇ-ahˇ maˬ ehˇ, aˬ yawꞈ uˬ duˬ tahˬ-euˬ miˇ neh, ngaˇ heu loꞈ-ehˇ jahˇ-eu gʼaˇ duˬ lehˬ hmˬ taˬ-euˬ ma. Sawˇlaˬmoˬ-aˬ, ngaˬ-euˬ ehˇ dawˬ-ahˇ maˬ naˇ haˬ geuꞈ ni yaw lehˬ jeˬ mˇ-awˇ aˬ yawꞈ-euˬ aˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ maˬ caw teh-ehˇ, ngaˬ neh mehˬ nehˬ tsoˆ nehˬ-euˬ dawˬ-ahˇ kʼawꞈ maˬ naˇ haˬ geuꞈ-aˬ.

Yeˬsaˬgeˬlaˇ 20:16

Aˬ yawꞈ maꞈ ngaˬ neh dawˬ biꞈ-euˬ gaˇ maˬ naˇ haˬ geuꞈ-ehˇ, ngaˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ jawˇ nah-ahˇ laˆ jawꞈ-euˬ miˇ neh, ngaˇ kʼoeˇ loꞈ-ehˇ ehˇ tsehˆ nehˬ-euˬ ma. Aˬ yawꞈ maꞈ tahˬ pahˬ aˬ ma mawˇ kawˇ-ahˇ uˬ duˬ tahˬ mawꞈ dzehˬ-eu meh.

Uˬ duˬ 18:21

Miˬ dzaˬ-ahˇ dzah puiˆ-awˇ, Moˇlehˆ miˬ yehˇ-ahˇ bi damˬ nehˬ-eu gʼaˇ duˬ, yaw ha-euˬ aˬ buˇ aˬ li maˬ ya biꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ lehˇ kuˇ-eu Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh gaˇ duˇ-eu meh.

Aˬmoˆ 5:27

Naw maꞈ-ahˇ ngaˇ Daˬmaˬsehˇ meuˬ-euˬ kʼoeˇ paw paˆ bi nyehꞈ byoˆ gʼeh ma” lehˇ, Baoˬ huiˬ-eu Miˬyehˇ lehˇ myahˇ-euˬ Sahˬpaˬ Miˬyehˇ ehˇ-eu meh.

Gʼaˬkʼehˇ 7:43

Mawˇleh miˬ yehˇ sehˬ gʼawˆ hawˇ-eu, aˬ guiˇ miˬ yehˇ Leˬpaˬ mawˇ kawˇ, naw maꞈ baꞈ baꞈ-ehˇ cah-euˬ meh. Tahˬ pahˬ aˬ ma kʼoeˇ deuˬ tehˆ-awˇ, naw maꞈ uˬ duˬ tahˬ-euˬ miˇ neh, Baˬbuˇloˬ miˇ kʼahˬ nya baˬ-ahˇ, naw maꞈ-ahˇ bi paꞈ byoˆ gʼeh ma.’