Aˬmoˆ 5:12 - Akha

¹² Naw maꞈ iˬ baˇ aˇ naˆ ni huiˬ-eu ngaˇ siˬ nya-awˇ, naw maꞈ yaw haiˬ jeˬ aˇ myaˆ poˆ mˇ-euˬ ngaˇ siˬ nya ma. Muiˬ-eu jaˬ-eu tsawˇ haˬ deuˬ-ahˇ naw maꞈ kʼehˬ-awˇ, laꞈ nmꞈ nmꞈ-euˬ jeˬ-ahˇ ha geuꞈ-eu uˬ taꞈ, yaw shaˬ zaˬ deuˬ yaw tsaˬ yaw dawˇ dawˇ-ehˇ yaˇ kʼaˬ maˬ ja gʼaˬ nya ni naw maꞈ laˆ tsoeˬ-eu meh.

Aˬmoˆ 5:12 ပူးပေါင်းရင်းမြစ်များ

Yawˇbaˆ 20:19

Aˬ jeˬ miˇ neh ehˇ naˇ, shaˬ-eu tsawˇ haˬ deuˬ-ahˇ aˬ yawꞈ kʼaˆ dzaˬ-awˇ byehˇ dzeh nehˬ-euˬ uˬ taꞈ, aˬ cawˬ neh tsoˆ taˬ-eu nymˇ-ahˇ kʼaˆ geuꞈ-euˬ meh.

Yawˇbaˆ 31:21

Muˇ coe aˬ nmˇ-ahˇ ngaˇ yaˇ kʼaˬ ja gʼaˬ nya ma lehˇ noeˬ-awˇ,

Jaceuq 127:5

Kʼoeˇ loꞈ-ehˇ gʼeh-eu kaˆ myaˬ gʼawˬ mya ni jaˆ-eu tsawˇ haˬ laˬ kʼaˬ ya cehˇ tehꞈ-a. Yaˇ kʼaˬ daˇ duˬ-ahˇ muiˇ-eu deuˬ nehˬ-ehˇ aˬ yawꞈ ya ja dzaˬ ngeh, ya shaꞈ dawˇ gaˇ tiˬ jawˇ-iˬ maˬ keuˆ-a.

Doˆ-iˇ 23:3

Shaˬ-eu zahˬ-eu tsawˇ haˬ-ahˇ gʼawˬ shaˬ haw gaˬ-eu laꞈ kʼoeˇ, aˬ yawꞈ jawˇ paw pyawˬ-awˇ yaˇ kʼaˬ maˬ ya ja-a.

Doˆ-iˇ 23:6

“Shaˬ-eu zahˬ-eu tsawˇ haˬ-ahˇ yaˇ kʼaˬ daˇ nehˬ ngeh, maˬ tsaˬ maˬ dawˇ-eu laꞈ kʼoeˇ maˬ ya daˇ nehˬ-a.

Dawqdaq 17:8

Laˬ nmꞈ nmꞈ-eu jeˬ maw loˬ loˬ gaˇ duˇ-awˇ, kʼaˇ jahˇ kʼaˇ pyeuꞈ pyeuꞈ-eu meh.

Dawqdaq 22:22

Nawˇ gʼeh nya-eu miˇ neh shaˬ zaˬ zahˬ zaˬ-ahˇ taˬ kʼaˬ gʼa. Laꞈ jeuˬ shaˇ kʼaˇ maˬ za-eu deuˬ-ahˇ yaˇ kʼaˬ ja gʼaˬ-eu taˬ leh jeh.

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Iˇsaˬyaˇ 10:2

Zaˬ coeˬ zaˬ-euˬ yaw tsaˬ yaw dawˇ-ahˇ sheu kaˬ-awˇ, iˇ shaˬ zaˬ-ahˇ yaw lehˬ ciˬ pi-eu meh. Miˬ coeˬ miˬ ma-ahˇ yehˬ bawˬ sehˇ lu-ehˇ gʼeh-awˇ, muˇ coe aˬ nmˇ-ahˇ tahˇ joe joe-eu meh.

Iˇsaˬyaˇ 29:21

Yaw haiˬ deuˬ buˬ-iˇ ni ja piˇ-awˇ, tsawˇ muiˬ yaw doeˇ oꞈ ni ngehˬ-eu tsawˇ haˬ, Miˬyehˇ laˆ cawˆ nehˬ gaˇ ya daˬ tehꞈ-a.

Iˇsaˬyaˇ 33:15

Yaw sui yaw dawˇ dawˇ-ehˇ dehꞈ-awˇ, yaw tsaˬ yaw dawˇ jeˬ-ahˇ ngehˬ-eu tmˇ-eu laꞈ kʼoeˇ, aˬ cawˬ kʼoeˇ taˆ maˬ myawꞈ maˬ shuiˇ dzaˬ ni, laꞈ nmꞈ nmꞈ gaˇ maˬ ha geuꞈ-eu uˬ taꞈ, tsawˇ haˬ-ahˇ sehꞈ-eu deuˬ-ahˇ naˬ bawˇ maˬ ciˬ kʼmˇ ni, yaw haiˬ jeˬ toˆ gaˇ myaˆ maˬ haw cawˬ-eu tsawˇ haˬ, buˬ-iˇ law-iˇ tehꞈ-a.

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Iˇsaˬyaˇ 66:18

Aˬ yawꞈ maꞈ-euˬ nui noeˬ hawˇ-eu aˬ yawꞈ maꞈ neh mˇ-euˬ gaˇ deuˬ ngaˇ siˬ luꞈ mawˇ luꞈ ma. Miˇ kʼahˬ tsawˇ jeuˬ dawˬ tawˆ luꞈ kuˇ uiˬ-eu gʼaˇ duˬ ngaˇ oe-eu ma. Aˬ yawꞈ maꞈ tiˬ gaˇ uiˬ laˇ jiˇ ngeh, ngaˬ-euˬ baoˬ-ahˇ gʼoe-awˇ mˇ nya-eu gaˇ deuˬ-ahˇ aˬ yawꞈ maꞈ ya mawˇ tehꞈ-a.

Yeˬlaˬmiˇ 29:23

Aˬ yawꞈ maꞈ aˬ cawˬ-euˬ miˬ zaˬ-ahˇ bahˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ jaˬ myawꞈ myawꞈ-euˬ miˇ neh, aˬ yawꞈ nyaꞈ-euˬ guiˬ lahˬ kʼoeˇ naˆ ni doeˇ tehꞈ-a. Kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-ehˇ, aˬ yawꞈ nyaꞈ neh kʼaˇ mˇ-euˬ jeˬ-ahˇ, Sahˬpaˬ Miˬyehˇ siˬ jiˇ mawˇ jiˇ-eu meh lehˇ, Sahˬpaˬ Miˬyehˇ ehˇ-eu meh.”

Ngoeˇ dawˬ 3:34

Tsawˇ haˬ zaˬ-ahˇ nyehꞈ-awˇ paꞈ-awˇ, aˬ kuiˇ neh nawˬ tehˬ-eu tiˬ jeˬ,

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Hawˇseˬ 5:3

Iˇsaˬleˬlaˆ aˬ joˇ gʼeh-eu, dawˬ tawˆ luꞈ ngaˇ siˬ nya jiˇ ma. Aˬ yawꞈ ngaˬ-ahˇ maˬ zaꞈ nya-a. Aˬyawꞈ ngaˬ-ahˇ saˇ jaˇ puiˬ-awˇ, aˬ yawꞈ-euˬ tsawˇ haˬ deuˬ ngaˬ-ahˇ, uˬ duˬ tahˬ laˇ-eu maˬ geuˇ-a.”

Aˬmoˆ 2:16

Kʼoeˇ ngeh nah keuˆ laˇ ngeh, nui ma kʼaˬ dui dui-eu yehˇ deuˬ kʼawꞈ, yawˬ ha-euˬ guiˇ deuˆ-eu keu ka baꞈ dzeh-awˇ cehˆ tehꞈ-a.” Heu-aˬ, Sahˬpaˬ Miˬyehˇ neh ehˇ taˬ-euˬ dawˬ meh.

Aˬmoˆ 2:3

Mawˇbaˆ miˇ kʼahˬ-ahˇ uˆ lahˇ-eu gʼaˬ hawˇ-eu aˬ yuiꞈ aˬ tsu deuˬ dawˬ tawˆ luꞈ-ahˇ ngaˇ sehꞈ jiˇ ma.”

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.

Aˬmoˆ 5:7

Yaw tsaˬ yaw dawˇ jeˬ-ahˇ sheu pyawˆ-awˇ, aˬ cawˬ kʼoeˇ taˆ myawꞈ dzaˬ shuiˇ dzaˬ-eu naw maꞈ deuˬ kʼoeˇ taˆ, dawˇ keuˆ le tehꞈ-a.

Aˬmoˆ 8:4

Maˬ jaˆ-eu tsawˇ haˬ deuˬ-ahˇ nawˬ dzaˬ kʼaˆ dzaˬ-awˇ iˇ shaˬ zaˬ deuˬ-ahˇ laˆ shaˬ laˆ zahˬ nehˬ-eu deuˬ-oˇ, naˇ haˬ yawˬ.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

Dawˬmehˬ 31:21

Kʼoeˇ ngeh, guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ, aˬ yawꞈ maꞈ kʼoeˇ taˆ keuˆ le tehꞈ-a. Ehˇ kʼawˬ, caˇ dawˬ heu bymˇ-ahˇ aˬ myah luꞈ ya caˇ-awˇ, caˇ dawˬ heu aˬ yawꞈ maꞈ gʼaˇ duˬ saˇ kiˇ pyeuꞈ tehꞈ-a. Aˬ yawꞈ maꞈ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ uˇ gʼeh mi naˆ-ehˇ kʼawꞈ, nymˬ-mˇ aˬ yawꞈ maꞈ-euˬ nui ma laꞈ kʼoeˇ aˬ joˆ-ehˇ noeˬ luꞈ-eu ngaˇ siˬ nya ma.”

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

Luˇta 4:1

Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.

1 Saˬmeuˬlaˆ 8:3

Aˬ nyaꞈ nmˇ-aˬ, aˬ da-ahˇ maˬ dzaw geuꞈ-ehˇ, pyuˇ za laˇ ni tehꞈ-ehˇ gaˇ mˇ-awˇ, aˬ cawˬ neh laꞈ nmꞈ nmꞈ nehˬ-euˬ pyuˇ yuˇ dzaˬ-eu laꞈ kʼoeˇ, dawˇ coe ni yaˇ kʼaˬ maˬ daˇ-a.