Aˬmoˆ 5:11 - Akha

¹¹ Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Aˬmoˆ 5:11 ပူးပေါင်းရင်းမြစ်များ

Yawˇbaˆ 20:19

Aˬ jeˬ miˇ neh ehˇ naˇ, shaˬ-eu tsawˇ haˬ deuˬ-ahˇ aˬ yawꞈ kʼaˆ dzaˬ-awˇ byehˇ dzeh nehˬ-euˬ uˬ taꞈ, aˬ cawˬ neh tsoˆ taˬ-eu nymˇ-ahˇ kʼaˆ geuꞈ-euˬ meh.

Iˇsaˬyaˇ 16:10

Miˇ tsaˬ muiˬ dui dui-eu deh yaˇ-ahˇ, laˬ kʼaˬ cehˇ luꞈ-eu tiˬ gʼaˬ-iˬ maˬ paˇ ya mawˇ meh. Aˬ gaꞈ yaˇ kmˇ laꞈ kʼoeˇ dawˬ caˇ caˇ-awˇ guˇ-eu teˇ saˇ, maˬ paˇ ya gaˬ haw meh. Aˬ gaꞈ dzaˇ uiˇ lehˬ-eu tsawˇ haˬ maˬ paˇ ya mawˇ-ehˇ, laˬ kʼaˬ cehˇ-awˇ guˇ-eu teˇ saˇ byoˆ tsehˆ-euˬ meh.

Yeˬsaˬgeˬlaˇ 26:12

Nawˬ-euˬ pyuˇ shuiˇ myawˬ gahˬ hawˇ-eu nawˇ gaꞈ luꞈ ka luꞈ-eu myawˬ gahˬ deuˬ-ahˇ, muiˇ-eu deuˬ yuˇ geuꞈ tehꞈ-a. Nawˬ-euˬ meuˬ lahˇ-ahˇ aˬ yawꞈ maꞈ gʼeu coˬ-awˇ muiˬ dui dui-eu nawˬ-euˬ nymˇ deuˬ-ahˇ deh pyaˆ tehꞈ-a. Kʼaˬ lo tsaˬ byaˆ deuˬ, daˇ kawˬ deuˬ hawˇ-eu, miˇ tsaˬ deuˬ aˬ yawꞈ maꞈ iˬ ma laˆ shaˆ-ahˇ baꞈ bu tehꞈ-a.

Yeˬsaˬgeˬlaˇ 34:21

Naˇ luꞈ-eu deuˬ-ahˇ yawˇ yawˇ maꞈ-ahˇ maˬ bi uˇ ni naw maꞈ tahˬ dzeh-eu meh.

Hawˇseˬ 9:2

Ehˇ kʼawꞈ, gʼawˬ myahˇ ni maˬ gʼeh-ehˇ, naw maꞈ dzaˬ-eu dawˇ-eu gʼaˇ duˬ, cehˇ, saˬ loˬ tsiˇ, aˬ gaꞈ dzaˇ uiˇ, maˬ paˇ jaˆ-ehˇ pyeuꞈ-iˇ tehꞈ-a.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Aˬmoˆ 2:6

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-ahˇ dziˇ dzoˆ maˬ tsoeˬ nehˬ nya-eu yaw sui yaw dawˇ tsawˇ haˬ deuˬ hawˇ-eu, sehˬ nawˆ tiˬ juꞈ aˇ poeˬ maˬ tsoeˬ tsehˆ nya gaˇ keuˆ ni shaˬ-eu tsawˇ haˬ deuˬ-ahˇ, aˬ cawˬ zaˬ kʼaˆ bi geuꞈ-eu lehˇ aˬ yawꞈ maꞈ ahˬ dzaˬ-euˬ meh.

Aˬmoˆ 2:7

Gʼaˬ baˬ-awˇ maˬ gʼeh nya-eu deuˬ-ahˇ aˬ yawꞈ maꞈ nawˬ tehˬ-awˇ, iˇ shaˬ zaˬ deuˬ-ahˇ dehˬ dzeh-euˬ meh. Zaˬ miˬ zaˬ zaˬ kʼaˆ tiˬ gʼaˬ-ahˇ tehꞈ-ehˇ nyiˬ da zaˬ luꞈ yuꞈ taꞈ-eu laꞈ kʼoeˇ, muiˬ-eu shawˇ-eu ngaˬ-euˬ tsawˇ myahˇ-ahˇ laˆ jawꞈ-euˬ meh.

Aˬmoˆ 3:15

Tsahˬ gaˆ yamˬ-ahˇ jawˇ-eu gʼaˇ duˬ hawˇ-eu jawˇ la yamˬ-ahˇ jawˇ-eu gʼaˇ duˬ lehˇ tsoˆ baw taˬ-euˬ nymˇ dawˬ tawˆ luꞈ-ahˇ ngaˇ laˆ cawˆ ma. Ya ma juiˇ neh laˆ muiˬ taˬ-euˬ nymˇ deuˬ coˬ pyaˆ coˬ shaˆ tehꞈ-a. Nymˇ yaw huiˬ yawˬ nymˇ na luꞈ ya cawˆ-iˇ tehꞈ-a.”

Aˬmoˆ 3:9

Iˇjiˇtuˆ miˇ kʼahˬ hawˇ-eu Aˬshaˬdoˇ meuˬ-ahˇ sahˬ paˬ-euˬ hawˇ nymˇ deuˬ laꞈ kʼoeˇ jawˇ-eu deuˬ-ahˇ heu loꞈ-ehˇ ehˇ gaˬ nehˬ-awˬ. “Saˬmaˬliˆ meuˬ jawˬ jawˬ-ehˇ jaˆ-eu gawˬ duˇ-ahˇ uiˬ leˇ-awˇ, Saˬmaˬliˆ meuˬ laꞈ kʼoeˇ maˬ tsaˬ maˬ tsahˇ leˇ-ehˇ bahˬ gʼa luꞈ gaˇ hawˇ-eu tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ gaˇ haw-awˬ.”

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Aˬmoˆ 6:11

Sahˬpaˬ Miˬyehˇ dawˬ biꞈ ngeh, nymˇ yaw huiˬ yaw nyiˇ dawˬ tawˆ luꞈ pyaˆ-iˇ shaˆ-iˇ jiˇ tehꞈ-a.

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.

Aˬmoˆ 8:4

Maˬ jaˆ-eu tsawˇ haˬ deuˬ-ahˇ nawˬ dzaˬ kʼaˆ dzaˬ-awˇ iˇ shaˬ zaˬ deuˬ-ahˇ laˆ shaˬ laˆ zahˬ nehˬ-eu deuˬ-oˇ, naˇ haˬ yawˬ.

Aˬmoˆ 9:14

Ngaˬ-euˬ tsawˇ jeuˬ Iˇsaˬleˬlaˆ, aˬ cawˬ miˇ kʼahˬ-ahˇ shaˬ luꞈ-eu, yawˬ ha miˇ kʼahˬ-ahˇ sheuˬ kʼoꞈ ma. Cawˆ-iˇ-euˬ meuˬ deuˬ tsoˆ muiˬ-awˇ, yawꞈ maꞈ jawˇ duˬ dah leˇ tehꞈ-a. Aˬ gaꞈ yaˇ kmˇ paˇ mˇ poˆ-awˇ, aˬ gaꞈ dzaˇ uiˇ ya dawˇ tehꞈ-a. Myawˬ kmˇ yaˇ kmˇ paˇ mˇ poˆ-awˇ, ka-eu loꞈ-ehˇ ya dzaˬ tehꞈ-a.

Miˇkaˬ 1:6

Yeˬluˇsaˬlehˬ meuˬ baˬ da neh maˬ ngeuˇ-a loˇ. Kʼoeˇ miˇ neh, Sahˬpaˬ Miˬyehˇ ehˇ-eu, “Saˬmaˬliˆ meuˬ-euˬ deh ga-ahˇ nymˇ nymˇ cehˇ baꞈ bymˇ taˬ-euˬ loꞈ-ehˇ ngaˇ laˆ pyeuꞈ-awˇ, aˬ gaꞈ aˇ bawˬ ka-eu jawˇ duˬ bi pyeuꞈ-iˇ ma. Meuˬ gawˬ-euˬ kʼaˬ lo tsaˬ byaˆ deuˬ gʼaˬ lawˬ-ahˇ ngaˇ shehˆ dzeh-awˇ, meuˬ-euˬ dawˬ pehˬ neˇ myawˆ ni bi jaˆ ma.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Miˇkaˬ 6:15

Naw maꞈ cehˇ ka kʼawꞈ, maˬ ya yehˬ dzaˬ-aˇ. Saˬ loˬ tsiˇ lehˬ doˆ kʼawꞈ, maˬ ya zmˬ-aˇ. Aˬ gaꞈ dzaˇ uiˇ jahˇ kʼawꞈ, maˬ ya dawˇ haw-aˇ.

Zeˬpaˬniˇ 1:13

Aˬ yawꞈ maꞈ tahˇ joe bi joe-awˇ, nymˇ deuˬ bi deh pyaˆ jiˇ tehꞈ-a. Yawˬ ha neh tsoˆ taˬ-euˬ nymˇ muiˬ, yawˬ ha maˬ ya jawˇ gaˇ keuˆ-awˇ, yawˬ ha mˇ-euˬ aˬ gaꞈ yaˇ kmˇ, aˬ gaꞈ dzaˇ uiˇ maˬ ya dawˇ-aˇ.”

Haˬgaiˇ 1:6

Naw maꞈ cehˇ ka myaˬ-euˬ kʼawꞈ, ui cuiˆ maˬ ngeuˇ naˇ maˬ ya yehˬ-a. Naw maꞈ dzaˬ ngeh maˬ dehˆ-ehˇ, dawˇ ngeh maˬ tmˬ-eu uˬ taꞈ, dm ngeh maˬ lmˇ-a. Naw maꞈ jeˬ gʼaˬ pyuˇ shuiˇ poˆ za kʼawꞈ, pyuˇ pawˬ behˆ yaw pehꞈ-ahˇ dawˆ ahˇ gaˇ duˇ meh.

Maˬlaˬkiˇ 1:4

Iˇsawˇ-euˬ zaˬ deuˬ uˆ deuˬ pyeuꞈ-eu Eˬdoˬ tsawˇ haˬ deuˬ, “Nga maꞈ-euˬ meuˬ deuˬ cawˆ-iˇ-euˬ meh. Ehˇ kʼawꞈ, nga maꞈ paˇ gawˬ muiˬ geuꞈ ma” lehˇ ehˇ laˇ naˇ, Sahˬpaˬ Miˬyehˇ heu loꞈ-ehˇ ehˇ tehꞈ-a. “Aˬ yawꞈ maꞈ paˇ gawˬ muiˬ kʼawꞈ, ngaˇ tiˬ poˆ paˇ laˆ byaˆ dzeh ma. Aˬ yawꞈ maꞈ-ahˇ aˬ cawˬ haiˬ-eu miˇ kʼahˬ lehˇ kuˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ nui ma pehˇ-eu miˇ kʼahˬ lehˇ ehˇ tehꞈ-a.”

Dawˬmehˬ 28:30

“Zaˬ miˬ aˬ buˇ tiˬ gʼaˬ-ahˇ sheuˬ-eu gʼaˇ duˬ nawˇ ngehˬ cawˬ tsehˆ taˬ kʼawꞈ, aˬ cawˬ neh bi sheuˬ geuꞈ tehꞈ-a. Nawˇ nymˇ tsoˆ kʼawꞈ, nawˬ neh tsoˆ-euˬ nymˇ-ahˇ nawˇ tiˬ jawˇ-iˬ maˬ ya jawˇ-aˇ. Aˬ gaꞈ yaˇ kmˇ mˇ kʼawꞈ, aˬ gaꞈ aˇ siˬ nawˇ tiˬ jawˇ-iˬ maˬ ya dzaˬ-aˇ.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.