Aˬmoˆ 4:6 - Akha

⁶ Naw maꞈ-euˬ meuˬ dawˬ tawˆ luꞈ kʼoeˇ taˆ mehꞈ-eu shuꞈ-eu jeˬ keuˆ le ni mˇ-euˬ gʼaˬ ngaˇ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Aˬmoˆ 4:6 ပူးပေါင်းရင်းမြစ်များ

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

1 Sahˬpaˬ 18:2

Kʼoeˇ ngeh, sahˬ paˬ Aˬhaˆ jawˇ gaˇ iˇ-eu lehˇ Eˇliˇyaˆ doˆ-iˇ-euˬ meh. Aˇ yamˬ kʼoeˇ yamˬ-ahˇ, Saˬmaˬliˆ meuˬ laꞈ kʼoeˇ mehꞈ dui shuꞈ dui dui luꞈ-eu meh.

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

2 Sahˬpaˬ 8:1

Eˇliˇshehˇ neh bi gʼoꞈ dehꞈ laˇ-euˬ aˬ li kʼoeˇ li-euˬ aˬ ma pyeuꞈ-eu Suˇneˬ meuˬ-ahˇ jawˇ-eu zaˬ miˬ zaˬ kʼoeˇ gʼaˬ-ahˇ Eˇliˇshehˇ ehˇ nehˬ-eu,, “Nawˬ-euˬ nymˇ kʼahˬ zaˬ deuˬ sheuˬ-awˇ tiˬ gaˇ paw jawˇ-iˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh-eu meh.”

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 3:1

Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Iˇsaˬyaˇ 9:12

Nahˇ ma doˆ kʼehˬ paw jawˇ-eu Suˇliˆ tsawˇ haˬ deuˬ hawˇ-eu, nahˇ ma ga kʼehˬ paw jawˇ-eu Piˇliˇtiˆ tsawˇ haˬ deuˬ, Iˇsaˬleˬlaˆ miˇ kʼahˬ-ahˇ kawꞈ dzaˬ-eu lehˇ, kʼaˬ meh mˇ nga taˬ tehꞈ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ jiˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ maˬ baꞈ ka ni bi jaˆ tehꞈ-a.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Yeˬlaˬmiˇ 14:18

Deh ga-ahˇ ngaˇ iˇ doˆ haw ngeh, guiˇ deuˆ sehꞈ-euˬ tsawˇ shiˇ deuˬ ga gaˇ ya mawˇ-awˇ, meuˬ laꞈ kʼoeˇ ngaˇ uˇ leˇ haw ngeh, hawˬ mehꞈ mehꞈ sehꞈ-euˬ tsawˇ shiˇ deuˬ-ahˇ ya mawˇ-euˬ ma. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ-aˬ, yawˬ ha-euˬ gaˇ yawˬ ha mˇ luꞈ-eu meh. Ehˇ kʼawꞈ yawˬ ha aˬ jeˬ mˇ luꞈ-eu yawˬ ha maˬ siˬ nya-a.”

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Yeˬsaˬgeˬlaˇ 16:27

“Nymˬ-mˇ poˆ jawˇ-aˬ, nawˬ-ahˇ kʼehˬ nehˬ kʼaˆ nehˬ-awˇ, ngaˬ neh nawˬ-ahˇ biˇ oꞈ nehˬ-euˬ guiˬ lahˬ jeˬ biˇ yuˇ kʼoꞈ doˆ-eu gʼaˇ duˬ ngaˇ aˬ laꞈ cawˬ diˇ taˬ-euˬ ma. Nawˬ-ahˇ bye-awˇ, nawˇ dehꞈ jawꞈ gaˇ nui daˆ daˆ luꞈ-eu Piˇliˇtiˆ tsawˇ haˬ deuˬ-euˬ laꞈ-ahˇ, nawˬ-ahˇ ngaˇ a nehˬ ma.

Hawˇseˬ 11:5

“Iˇjiˇtuˆ miˇ kʼahˬ paw iˇ-awˇ, aˬ yawꞈ maꞈ gʼoꞈ jawˇ-iˇ tehꞈ-a. Aˬshuˇliˆ dzoeˬ dzaˬ-eu uˬ moˆ, aˬ yawꞈ maꞈ gʼoꞈ jawˇ leˇ tehꞈ-a. Aˬ jeˬ miˇ neh ehˇ naˇ, ngaˇ jawˇ gaˇ maˬ gʼoꞈ laˇ mawꞈ-a.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Yawˇlaˆ 1:16

Nga maꞈ-ahˇ mawˇ laˇ mawˇ laˇ-ehˇ, dzaˬ la gʼo cehˇ cawˆ jiˇ-euˬ meh. Miˬyehˇ-euˬ Uˬ duˬ tahˬ nymˇ-ahˇ, laˬ kʼaˬ cehˇ-eu maˬ paˇ jaˆ meh.

Uˬ duˬ 26:23

“Kʼoeˇ loꞈ-ehˇ, naw maꞈ-ahˇ ngaˇ gʼawˬ mya poˆ kʼehˬ nehˬ gʼaˬ-euˬ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ-ehˇ, ngaˬ-ahˇ paˇ puiˬ te siˬ lehˇ ngeuˇ naˇ,

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Haˬgaiˇ 2:17

Naw maꞈ neh kʼaˇ ka taˬ-euˬ jeˬ bi cawˆ-iˇ jiˇ-eu lehˇ, lahˇ dui dui-eu jaˬ lehˇ hawˇ-eu, uˬ yehˇ aˇ siˬ deuˬ ngaˇ pyehˬ gʼeh leꞈ kʼawꞈ, naw maꞈ nui ma maˬ paˇ laˇ-a.

Dawˬmehˬ 28:38

“Nawˇ siˬ yoeˬ gʼawˬ mya ni sehˬ kʼawꞈ, nyehˇ bahˇ deuˬ laˆ caw le-eu miˇ neh, ui cuiˆ tehꞈ-ehˇ ya yehˬ dzaˬ tehꞈ-a.

Panmaeq 2:21

Aˬ yawꞈ-euˬ iˬ baˇ-ahˇ noeˬ poˆ ni, ngaˇ aˬ yawꞈ-ahˇ aˇ yamˬ biꞈ taˬ-euˬ ma. Ehˇ kʼawꞈ, kʼaˬ miˬ sheu-eu jeˬ-ahˇ aˬ yawꞈ maˬ byehˇ dzeh-a.

Luˇta 1:1

Aˇ hu ba, Iˇsaˬleˬlaˆ miˇ kʼahˬ laꞈ kʼoeˇ sahˬpaˬ tiˬ gʼaˬ-iˬ maˬ jawˇ le mi naˆ-ehˇ, mehꞈ-eu shuꞈ-eu jeˬ tiˬ poˆ keuˆ le-euˬ meh. Kʼoeˇ ngeh, Behˬlehˬhehˬ meuˬ-ahˇ jawˇ-eu tsawˇ haˬ tiˬ gʼaˬ aˬ yawꞈ-euˬ nymˇ dahˬ hawˇ-eu aˬ yawꞈ-euˬ aˬ li nyiˬ gʼaˬ sheuˬ-awˇ, Mawˇbaˆ miˇ kʼahˬ-ahˇ tiˬ kʼehˬ cehˆ jawˇ-iˇ-euˬ meh.