Aˬmoˆ 4:12 - Akha

¹² “Kʼoeˇ miˇ neh, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ-ahˇ ngaˇ kʼehˬ nehˬ kʼaˆ nehˬ-eu lehˇ gʼeh-eu ma. Ngaˇ kʼoeˇ loꞈ-ehˇ kʼehˬ-eu kʼaˆ-eu lehˇ lehˬ hmˬ taˬ-euˬ miˇ neh, ngaˬ neh yaˇ kʼaˬ daˇ-euˬ gaˇ daˬ-eu gʼaˇ duˬ naw maꞈ yaw muiˬ paˬ-ehˇ lehˬ hmˬ taˬ-awˬ.”

Aˬmoˆ 4:12 ပူးပေါင်းရင်းမြစ်များ

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 47:3

Nawˇ neˇ myawˆ ni jawˇ gaˇ aˬ cawˬ ya mawˇ tehꞈ-a. Nawˇ daˬ ga-awˇ shaꞈ dawˇ luꞈ gaˇ aˬ cawˬ ya mawˇ tehꞈ-a. Ngaˇ laꞈ poˆ poˆ nehˬ gaˇ laˆ tsoeˬ nya-eu gʼaˬ maˬ jawˇ-aˬ.”

Iˇsaˬyaˇ 64:2

Iˇ buiˇ buiˇ-eu loꞈ-ehˇ aˬ yawꞈ maꞈ yaw dzuˬ dzuˬ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ baoˬ bi mawˇ-awˇ, nawˬ-euˬ mehˬ shi miˇ kʼahˬ tsawˇ jeuˬ deuˬ yaw dzuˬ bi dzuˬ-awˬ.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Yeˬsaˬgeˬlaˇ 13:5

Meuˬ meuˬ lahˇ byaˆ-iˇ-euˬ tsahˇ-ahˇ aˬ yawꞈ maꞈ loꞈ piˇ-eu maˬ ngeuˇ-a. Meuˬ meuˬ lahˇ paˇ gawˬ muiˬ-eu kʼawꞈ maˬ geuˇ-a. Kʼoeˇ miˇ neh, Sahˬpaˬ Miˬyehˇ-euˬ aˇ nah keuˆ le-awˇ, guiˇ deuˆ ngeh, Iˇsaˬleˬlaˆ miˇ kʼahˬ-ahˇ maˬ ceh piˇ nya-a.

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Hawˇseˬ 13:8

Zaˬ bi nyehꞈ-euˬ kʼaˬ hmˇ loꞈ-ehˇ, naw maꞈ-euˬ kʼahˬ ngawˬ paˆ dzeh ma. Haiˬ-eu aˇ laˬ jaˬ shiˇ loꞈ-ehˇ, naw maꞈ-ahˇ ngaˇ kawꞈ sehꞈ dzaˬ ma. Bawˇ tsahˬ jeˬ zaˬ yaw haiˬ loꞈ-ehˇ, naw maꞈ-ahˇ ngaˇ cehˬ paˆ dzeh ma.

Aˬmoˆ 2:14

Cehˆ kawˇ nya dui dui-eu deuˬ kʼawꞈ, maˬ cehˆ dzeuˇ nya-aˇ. Gʼaˬ kʼaˆ-eu tsawˇ haˬ deuˬ kʼawꞈ gʼaˬ jiˇ-awˇ, yehˇ deuˬ kʼawꞈ yawˬ ha maˬ ya shiˇ ni maˬ teuˆ buˬ nya-aˇ.

Maꞈtehˬ 24:44

Kʼoeˇ miˇ neh, naw maꞈ aˬ myah luꞈ lehˬ hmˬ dah taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˬ-ehˇ jawˇ luꞈ ngeh, Tsawˇhaˬ-euˬ Zaˬmaˇ oe tehꞈ-a.

Maꞈtehˬ 5:25

Nawˬ-ahˇ yaˇ kʼaˬ ja-eu tsawˇ haˬ nehˬ-ehˇ yaˇ kʼaˬ daˇ-eu nymˇ-ahˇ le luꞈ ngeh, naw nyaꞈ yaw kaˬ yaw kawˇ-ehˇ laˆ tsaꞈ geuꞈ-awˬ. Yaw kawˇ-ehˇ maˬ laˆ tsaˬ geuꞈ naˇ, tsawˇ haˬ kʼoeˇ gʼaˬ nawˬ-ahˇ yaˇ kʼaˬ daˇ-eu gʼaˬ-euˬ laꞈ-ahˇ aˬ nehˬ tehꞈ-a. Yaˇ kʼaˬ daˇ-eu gʼaˬ kʼawꞈ, nawˬ-ahˇ paˬ kuˆ-ahˇ haw-eu gʼaˬ-euˬ aˬ laꞈ laꞈ kʼoeˇ a nehˬ-awˇ, paꞈ kuˆ-ahˇ bi dawˆ tehꞈ-a.

Panmaeq 3:3

Nawˬ-ahˇ mehˬ nehˬ tsoˆ nehˬ-euˬ jeˬ hawˇ-eu nawˬ neh ya gaˬ taˬ-euˬ jeˬ-ahˇ noeˬ keuˆ-awˬ. Kʼoeˇ-ahˇ naˇ haˬ geuꞈ-awˇ, iˬ baˇ-ahˇ byehˇ dzeh-awˬ. Nawˇ maˬ noeˬ laˇ naˇ, smˇ kʼoeˬ oe-eu loꞈ-ehˇ nawˇ jawˇ gaˇ ngaˇ oe-awˇ, ngaˇ oe-eu aˇ yamˬ nawˇ maˬ ya siˬ-aˇ.