Aˬmoˆ 4:10 - Akha

¹⁰ “Iˇjiˇtuˆ miˇ kʼahˬ kʼoeˇ taˆ bi keuˆ le-euˬ loꞈ-ehˇ gʼeh-eu yaw jaw naˇ-eu naˇ gawˇ gawˇ ma naw maꞈ kʼoeˇ taˆ ngaˇ bi keuˆ le-euˬ ma. Naw maꞈ-euˬ aˬ li zaˬ guˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ-awˇ, naw maꞈ-euˬ mahˬ deuˬ ngaˇ teh byoˆ gʼeh-euˬ ma. Naw maꞈ-euˬ taˆ laꞈ kʼoeˇ shiˇ taˬ-awˇ ga-eu tsawˇ haˬ deuˬ-euˬ yaw buꞈ naw maꞈ-euˬ naˇ mehˇ tiˬ teuˇ bi behꞈ laꞈ-euˬ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Aˬmoˆ 4:10 ပူးပေါင်းရင်းမြစ်များ

2 Sahˬpaˬ 10:32

Aˇ nah aˇ yamˬ kʼoeˇ yamˬ laꞈ kʼoeˇ, Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ nyiˇ le ni jahˇ luꞈ-eu meh. Suˇliˆ sahˬ paˬ Haˬzeˬlaˇ neh, Iˇsaˬleˬlaˆ miˇ kʼahˬ tiˬ paˆ paˆ deuˆ geuꞈ-euˬ meh.

2 Sahˬpaˬ 13:3

Kʼoeˇ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, Suˇliˆ sahˬ paˬ Haˬzeˬlaˇ hawˇ-eu aˬ yawꞈ-euˬ aˬ li Beˬhaˬdaˇ aˬ nyaꞈ da zaˬ neh, Iˇsaˬleˬlaˆ miˇ kʼahˬ-ahˇ tiˬ poˆ saˇ-iˬ tiˬ poˆ bi deuˆ gʼaˬ-euˬ meh.

2 Sahˬpaˬ 13:7

Yeˬhawˇhaˆ-euˬ guiˇ maꞈ laꞈ kʼoeˇ, mahˬ dziˬ-eu yehˇ ngaˬ tseˇ gʼaˬ, mahˬ laˆ lawˬ tseˇ laˇ hawˇ-eu, kuiˇ zoˬ cah-eu yehˇ tiˬ muiˇ gʼaˬ tehꞈ-ehˇ dzeˇ-eu meh. Aˬ jeˬ miˇ neh ehˇ naˇ, aˬ yawꞈ-euˬ guiˇ maꞈ kʼaˬ puiˬ kʼaˬ lehˇ loꞈ-ehˇ pyeuꞈ-iˇ gaˇ keuˆ ni Suˇliˆ sahˬ paˬ neh bi laˆ cawˆ nehˬ-euˬ meh.

2 Sahˬpaˬ 8:12

“Nawˇ aˬ jeˬ miˇ neh ngoeˇ te” lehˇ, Eˇliˇshehˇ-ahˇ Haˬzeˬlaˇ naˇ haˬ ngeh, Eˇliˇshehˇ ehˇ-eu, “Iˇsaˬleˬlaˆ tsawˇ haˬ deuˬ-ahˇ nawˇ yaw haiˬ jeˬ mˇ nehˬ tehꞈ-a lehˇ ngaˇ siˬ nya-eu miˇ neh ngoeˇ-eu ma. Aˬ yawꞈ maꞈ neh ziꞈ dah ni tsoˆ taˬ-euˬ nymˇ-ahˇ nawˇ miˬ dzaˬ dzah-awˇ, aˬ yawꞈ maꞈ-euˬ zaˬ guˬ deuˬ-ahˇ nawˇ deuˆ sehꞈ-eu uˬ taꞈ, aˬ yawꞈ maꞈ-euˬ zaˬ yaw nyiˇ deuˬ-ahˇ miˇ tsa ciˬ jeˬ nehˬ-awˇ, aˬ nyiˇ pi luꞈ-eu zaˬ miˬ zaˬ deuˬ-ahˇ uˬ maˆ ceuꞈ paˆ nehˬ tehꞈ-a.”

Doˆ-iˇ 10:27

Sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, sahˬ paˬ kʼoeˇ gʼaˬ Iˇsaˬleˬlaˆ tsawˇ haˬ deuˬ-ahˇ maˬ pyehˬ nehˬ ni jawˇ-euˬ meh.

Doˆ-iˇ 10:3

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Doˆ-iˇ 8:19

Kʼoeˇ ngeh, “Heu-aˬ, Miˬyehˇ neh mˇ-euˬ jeˬ pyeuꞈ-eu ngaˇ” lehˇ, mah loˬ nya-eu tsawˇ haˬ kʼoeˇ deuˬ sahˬ paˬ-ahˇ ehˇ neh-euˬ meh. Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬ loˬ-euˬ ehˇ dawˬ maˬ naˇ haˬ ni jawˇ-euˬ meh.

Doˆ-iˇ 9:12

Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ-ahˇ Sahˬpaˬ Miˬyehˇ nui ma bi gʼahˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni jawˇ-euˬ meh.

Doˆ-iˇ 9:17

Ehˇ kʼawꞈ, iˬ nah keuˆ ni nawˇ nui ma huiˬ-awˇ, ngaˬ-euˬ tsawˇ haˬ-ahˇ maˬ pyehˬ nehˬ ni jawˇ luꞈ-eu meh.

Iˇsaˬyaˇ 34:3

Aˬ yawꞈ maꞈ shiˇ-awˇ baꞈ dzeh-euˬ, yaw buꞈ yoˆ yoˆ-ehˇ ya ga-awˇ, gawˬ jawˬ-ahˇ shiˬ neˇ tseuˆ ni jaˆ tehꞈ-a.

Iˇsaˬyaˇ 50:11

Aˬ cawˬ-ahˇ yaw cawˆ jeˬ mˇ-eu naw maꞈ dawˬ tawˆ, yawˬ ha cawˆ-iˇ ni mˇ luꞈ-eu tehꞈ meh. Kʼoeˇ loꞈ-ehˇ pyeuꞈ laˇ ni Sahˬpaˬ Miˬyehˇ jahˇ-awˇ, naw maꞈ-euˬ shaˬ zahˬ naꞈ dui dui tehꞈ-a.

Iˇsaˬyaˇ 9:12

Nahˇ ma doˆ kʼehˬ paw jawˇ-eu Suˇliˆ tsawˇ haˬ deuˬ hawˇ-eu, nahˇ ma ga kʼehˬ paw jawˇ-eu Piˇliˇtiˆ tsawˇ haˬ deuˬ, Iˇsaˬleˬlaˆ miˇ kʼahˬ-ahˇ kawꞈ dzaˬ-eu lehˇ, kʼaˬ meh mˇ nga taˬ tehꞈ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ jiˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ maˬ baꞈ ka ni bi jaˆ tehꞈ-a.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Yeˬlaˬmiˇ 11:22

Kʼoeˇ miˇ neh , Baoˬ huiˬ-eu Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˬ li zaˬ guˬ deuˬ guiˇ deuˆ gaˇ ya shiˇ tehꞈ-a. Aˬ yawꞈ maꞈ-euˬ aˬ buˇ aˬ li deuˬ hawˬ mehꞈ ya dzahˬ sehꞈ tehꞈ-a.

Yeˬlaˬmiˇ 15:3

Guˆ dui dui laˇ paˬ-ehˇ gʼeh-eu oeˬ jeˬ, aˬ yawꞈ maꞈ-euˬ kʼoeˇ taˆ bi keuˆ le-eu gʼaˇ duˬ, Sahˬpaˬ Miˬyehˇ pyeuꞈ-eu ngaˇ noeˬ tsehˆ taˬ-euˬ ma. Aˬ yawꞈ maꞈ guiˇ deuˆ gaˇ bi sehꞈ tehꞈ-a. Aˬ yawꞈ-euˬ gʼawˇ mawˇ-ahˇ aˬ kuiˬ baꞈ tehꞈ-a. Aˇ jiˇ deuˬ aˬ yawꞈ maꞈ-ahˇ toˆ dzaˬ-awˇ, dzeˇ-eu deuˬ-ahˇ bawˇ tsahˬ jeˬ zaˬ deuˬ dzaˬ tehꞈ-a.

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 18:21

Ehˇ kʼawꞈ, mehꞈ-eu shuꞈ-eu hawˇ-eu mi zaˬ mi cehˇ baˬ da, aˬ yawꞈ maꞈ-euˬ zaˬ deuˬ bi shiˇ jiˇ-awˬ. Kʼaˬ dzeˇ zaˬ deuˬ naˇ gawˇ gawˇ sehꞈ jiˇ-awˇ, zaˬ deuˬ mi zaˬ mi cehˇ laꞈ-ahˇ shiˇ-awˇ, zaˬ miˬ zaˬ deuˬ miˬ coeˬ bi coeˬ-iˇ-awˬ.

Yeˬlaˬmiˇ 48:15

Mawˇbaˆ miˇ kʼahˬ hawˇ-eu kʼoeˇ gaˇ jaˆ-euˬ meuˬ deuˬ, dawˬ tawˆ luꞈ bi laˆ cawˆ jiˇ-awˇ loˆ dui dui-eu zaˬ guˬ deuˬ bi sehꞈ-euˬ meh lehˇ, ngaˇ Baoˬ huiˬ-eu Sahˬpaˬ Miˬyehˇ, miˇ kʼahˬ sahˬ paˬ pyeuꞈ-eu gʼaˬ ehˇ-eu ma.

Yeˬlaˬmiˇ 49:26

Aˇ nah kʼoeˇ nah keuˆ laˇ ngeh, zaˬ guˬ deuˬ meuˬ laꞈ kʼoeˇ jaˆ-eu gaˇ ma doe ni bi sehꞈ dzeh-awˇ, aˬ yawꞈ maꞈ-euˬ yehˇ deuˬ bi laˆ cawˆ jiˇ tehꞈ-a.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬlaˬmiˇ 6:11

Sahˬpaˬ Miˬyehˇ nawˇ aˬ yawꞈ maꞈ-ahˇ nui ma pehˇ-eu jeˬ, ngaˬ-euˬ nui ma miˬ dzaˬ doꞈ-eu loꞈ-ehˇ, ngaˬ-ahˇ maˬ dzahˬ tehˬ coeˇ nya.” Sahˬpaˬ Miˬyehˇ ngaˬ-ahˇ ehˇ-eu, “Meuˬ-euˬ lehˆ kawˆ doe ni gʼa-eu zaˬ deuˬ hawˇ-eu, zaˬ guˬ deuˬ uiˬ leˇ bymˇ leˇ taˬ-euˬ gaˇ, ngaˬ-euˬ nui pehˇ shehˆ daˆ nehˬ-awˬ. Miˬ zaˬ yo zaˬ dawˬ tawˆ bi nyehꞈ byoˆ gʼeh jiˇ-awˇ, mawˬ dui dui-eu deuˬ kʼawꞈ maˬ dzeˇ yaꞈ ni pyeuꞈ-iˇ tehꞈ-a.

Yeˬlaˬmiˇ 9:22

Deh ga-ahˇ mawˇ neˇ ceˬ ga-eu loꞈ-ehˇ, cehˇ yehˬ dzeh-awˇ cehˇ diꞈ maˬ ya uiˬ-euˬ loꞈ-ehˇ, yawˬ gaˇ na luꞈ tsawˇ haˬ yaw shiˇ ga tehꞈ-a lehˇ, Sahˬpaˬ Miˬyehˇ ngaˬ-ahˇ bi ngehˬ laꞈ-euˬ meh.”

Hawˇseˬ 11:5

“Iˇjiˇtuˆ miˇ kʼahˬ paw iˇ-awˇ, aˬ yawꞈ maꞈ gʼoꞈ jawˇ-iˇ tehꞈ-a. Aˬshuˇliˆ dzoeˬ dzaˬ-eu uˬ moˆ, aˬ yawꞈ maꞈ gʼoꞈ jawˇ leˇ tehꞈ-a. Aˬ jeˬ miˇ neh ehˇ naˇ, ngaˇ jawˇ gaˇ maˬ gʼoꞈ laˇ mawꞈ-a.

Yawˇlaˆ 2:20

Kʼoeˇ taˆ paw neh zaꞈ ka le-euˬ, nyehˇ bahˇ baˬ maꞈ ngaˇ teh byoˆ-awˇ, kʼaˇ shuiꞈ deh paw teh byaˆ nehˬ ma. Mehˬ huˬ huˬ-eu aˇ maꞈ deuˬ-ahˇ, Shiˇ-eu laˆ shaˆ-ahˇ teh puꞈ-awˇ, mehˬ nahˬ nahˬ-eu aˇ maꞈ deuˬ-ahˇ, Gʼahˇ ceh laˆ shaˆ-ahˇ teh puꞈ ma. Aˬ yawꞈ maꞈ shiˇ gahˬ taˬ-euˬ kʼoeˇ yaw buꞈ yoˆ yoˆ-ehˇ jaˆ tehꞈ-a. Naw maꞈ-ahˇ jahˇ doeˇ-euˬ aˇ poeˬ, aˬ yawꞈ maꞈ-ahˇ ngaˇ laˆ cawˆ ma.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Uˬ duˬ 26:25

Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.

Aˬmoˆ 4:6

Naw maꞈ-euˬ meuˬ dawˬ tawˆ luꞈ kʼoeˇ taˆ mehꞈ-eu shuꞈ-eu jeˬ keuˆ le ni mˇ-euˬ gʼaˬ ngaˇ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Aˬmoˆ 8:3

Aˇ nah kʼoeˇ nah-ahˇ, sahˬ paˬ-euˬ nymˇ nymˇ ma laꞈ kʼoeˇ caˇ-eu dawˬ kawˬ maˬ paˇ ya gaˬ-ehˇ, tsawˇ ngoeˇ ngoeˇ-eu dawˬ kawˬ tehꞈ-ehˇ ya gaˬ tehꞈ-a. Yawˬ gaˇ na luꞈ tsawˇ haˬ shiˇ taˬ-awˇ ga gaˇ ya mawˇ-awˇ, ciˬ cuˇ ni baꞈ dzeh nehˬ tehꞈ-a.”

Haˬgaiˇ 2:17

Naw maꞈ neh kʼaˇ ka taˬ-euˬ jeˬ bi cawˆ-iˇ jiˇ-eu lehˇ, lahˇ dui dui-eu jaˬ lehˇ hawˇ-eu, uˬ yehˇ aˇ siˬ deuˬ ngaˇ pyehˬ gʼeh leꞈ kʼawꞈ, naw maꞈ nui ma maˬ paˇ laˇ-a.

Dawˬmehˬ 28:21

Nawˇ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, naw maꞈ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, naˇ gawˇ tiˬ jeˬ saˇ-iˬ tiˬ jeˬ aˬ yawꞈ bi keuˆ le tehꞈ-a.

Dawˬmehˬ 28:22

Nyawˬ leˇ nya-eu naˇ gawˇ maˬ ehˇ, maˇ cuˬ maˇ lu lu-awˇ pyaˬ-eu jeˬ maˬ ehˇ, Sahˬpaˬ Miˬyehˇ nawˬ-euˬ kʼoeˇ taˆ bi keuˆ le tehꞈ-a. Nawˬ-euˬ dzaˬ la gʼo cehˇ-ahˇ bi laˆ cawˆ-eu gʼaˇ duˬ, uˬ yehˇ maˬ bi yehˇ le-eu uˬ taꞈ, lahˇ dui dui-eu jaˬ lehˇ bi baw tehꞈ-a.

Dawˬmehˬ 28:60

Iˇjiˇtuˆ miˇ kʼahˬ laꞈ kʼoeˇ nawˇ ya puˬ ya mawˇ haw-euˬ guˆ dui dui laˇ paˬ-ehˇ gʼeh-eu naˇ gawˇ kʼoeˇ deuˬ nawˬ-euˬ kʼoeˇ taˆ aˬ yawꞈ tiˬ poˆ paˇ bi keuˆ le-awˇ, naˇ-eu tiˬ jawˇ-iˬ maˬ taˬ leˇ ni nawˇ ya shaˬ tehꞈ-a.

Dawˬmehˬ 7:15

Naˇ-eu gawˇ-eu jeˬ dawˬ tawˆ luꞈ, naw maꞈ kʼoeˇ taˆ maˬ bi keuˆ le ni aˬ yawꞈ laˆ tsoeˬ-awˇ, Iˇjiˇtuˆ miˇ kʼahˬ laꞈ kʼoeˇ naw maꞈ puˬ haw mawˇ haw-euˬ guˆ dui dui laˇ paˬ-ehˇ gʼeh-eu shaˬ zahˬ naˇ gawˇ deuˬ, naw maꞈ kʼoeˇ taˆ maˬ bi keuˆ le-aˇ. Ehˇ kʼawꞈ, naw maꞈ-ahˇ muiˇ-eu tsawˇ haˬ dawˬ tawˆ luꞈ kʼoeˇ taˆ, kʼoeˇ loꞈ-ehˇ gʼeh-eu jeˬ aˬ yawꞈ bi keuˆ le tehꞈ-a.