Aˬmoˆ 4:1 - Akha

¹ Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Aˬmoˆ 4:1 ပူးပေါင်းရင်းမြစ်များ

1 Sahˬpaˬ 16:24

Kʼoeˇ naˇ, Sheˬmeuˬ lehˇ myahˇ-euˬ gʼaˬ-ahˇ pyuˇ maˇ byaˆ koꞈ heˇ byaˆ aˬ yawꞈ biꞈ-awˇ, Saˬmaˬliˆ gawˬ duˇ zeuˇ tsehˆ-euˬ meh. Gawˬ duˇ kʼoeˇ duˇ-ahˇ aˬ yawꞈ laˆ muiˬ-awˇ, meuˬ tiˬ meuˬ teˬ-euˬ meh. Gawˬ duˇ-euˬ yaw sahˇ gʼaˬ pyeuꞈ-eu Sheˬmeuˬ-euˬ tsawˇ myahˇ yuˇ-awˇ, meuˬ kʼoeˇ meuˬ-ahˇ Saˬmaˬliˆ meuˬ lehˇ aˬ yawꞈ myahˇ nehˬ-euˬ meh.

Yawˇbaˆ 20:19

Aˬ jeˬ miˇ neh ehˇ naˇ, shaˬ-eu tsawˇ haˬ deuˬ-ahˇ aˬ yawꞈ kʼaˆ dzaˬ-awˇ byehˇ dzeh nehˬ-euˬ uˬ taꞈ, aˬ cawˬ neh tsoˆ taˬ-eu nymˇ-ahˇ kʼaˆ geuꞈ-euˬ meh.

Yawˇbaˆ 24:4

Shaˬ zaˬ zahˬ zaˬ-euˬ mˇ myawˬ-ahˇ aˬ yawꞈ maꞈ laˆ tsoeˬ-awˇ, maˬ jaˆ-eu tsawˇ haˬ deuˬ ya cehˆ zaꞈ gaˇ keuˆ ni aˬ yawꞈ maꞈ kʼaˆ dzaˬ-eu meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 140:12

Sahˬpaˬ Miˬyehˇ-oˇ, shaˬ-eu zahˬ-eu deuˬ-ahˇ nawˇ haw piˇ-awˇ, mehꞈ-eu shuꞈ-eu deuˬ-ahˇ nawˇ ngehˬ gʼeh-eu gaˇ kawˆ ngaˇ siˬ nya ma.

Jaceuq 22:12

Mawˇneˇmawˇgaw tiˬjawˬoe-awˇ, Baˬshaˬmawˇneˇyaw gʼeh kʼoeˇdeuˬ, ngaˬ-ahˇjawˬlahˇjiˇtaˬ-euˬmeh.

Dawqdaq 22:7

Zaˬ coeˬ smˇ muiˬ-euˬ zaˬ kʼaˆ. Dziˇ dzoˆ yaw naꞈ aˬ cawˬ gʼaˬ kʼehˇ.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Iˇsaˬyaˇ 28:1

Iˇsaˬleˬlaˆ miˇ kʼahˬ kʼoeˇ taˆ, shaˬ zahˬ keuˆ le tehꞈ-a. Jiˇ baˬ yehꞈ-eu aˬ yuiꞈ deuˬ-euˬ uˬ duˬ-ahˇ kʼoˆ luꞈ-eu aˇ yehˆ uˬ kʼoˆ nyoeˬ-iˇ-eu loꞈ-ehˇ, miˇ kʼahˬ-euˬ yaw shehꞈ kʼahˬ sehˇ byoˆ le tehꞈ-a. Kʼahˬ sehˇ huiˬ-eu aˬ yawꞈ maꞈ uˬ duˬ-ahˇ, tsiˇ yaw saw jeˬ lehꞈ taˬ-euˬ kʼawꞈ, jiˇ baˬ yehꞈ-awˇ maˬ noeˬ ni ga-eu meh.

Iˇsaˬyaˇ 5:8

Nymˇ tiˬ nymˇ saˇ-iˬ tiˬ nymˇ tsoˆ lahˬ-awˇ, deh yaˇ tiˬ kawˬ saˇ-iˬ tiˬ kawˬ laˆ lahˬ-eu tsawˇ haˬ, ya noeˬ shaˬ dui dui tehꞈ-a. Aˬ cawˬ jawˇ kʼaˇ maˬ za-ehˇ pyeuꞈ laˇ-awˇ, miˇ kʼahˬ heu hui ni gʼeh-eu laꞈ kʼoeˇ, jawˇ cawˬ maˬ baw ni ya shaˬ tehꞈ-a.

Iˇsaˬyaˇ 56:12

Aˬ yawꞈ maꞈ heu loꞈ-ehˇ ehˇ-eu meh. ‘Aˬ dui jiˇ baˬ kʼaˇ uiˬ taˬ-awˇ, kʼaˇ dawˇ coeˇ-eu dawˇ haw kaˇ-euˇ. Iˬ nah maˬ tseˇ ni shawˬ dehꞈ byawˬ dzehˬ ma’ ”

Iˇsaˬyaˇ 58:6

“Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Yeˬlaˬmiˇ 50:27

Aˬ yawꞈ maꞈ-euˬ yehˇ deuˬ-ahˇ jeˬ zaˬ sehꞈ-eu loꞈ-ehˇ sehꞈ gahˬ gʼeh-awˬ. Baˬbuˇloˬ tsawˇ haˬ kʼoeˇ taˆ yaw cawˆ jeˬ keuˆ le-euˬ meh. Aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-eu aˇ yamˬ tsaˬ laˇ taˬ-euˬ meh.”

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Yeˬlaˬmiˇ 6:6

Baoˬ huiˬ-eu Sahˬpaˬ Miˬyehˇ-aˬ, Sahˬ paˬ kʼoeˇ deuˬ-ahˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ deuˆ-eu gʼaˇ duˬ, aˇ bawˇ tuˇ-awˇ jeh guiˇ guiˇ-awˬ. Kʼehˬ-eu kʼaˆ-eu jeˬ byah luꞈ-eu miˇ neh. meuˬ heu meuˬ-ahˇ ngaˇ kʼehˬ nehˬ ma.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 22:12

Nawˬ-euˬ tsawˇ haˬ tiˬ paˆ na deuˬ pyuˇ za laˇ ni tsawˇ haˬ sehꞈ-eu meh. Tiˬ paˆ na deuˬ yawˬ ha tsawˇ jeuˬ Iˇsaˬleˬlaˆ tsawˇ haˬ-ahˇ pyuˇ paˇ nehˬ-awˇ, jiˇ jeuˬ gʼawˬ mya ni yuˇ dzaˬ-eu laꞈ kʼoeˇ, aˬ cawˬ-euˬ uˬ duˬ-ahˇ teuꞈ-awˇ smˇ muiˬ laˆ muiˬ-euˬ meh. Aˬ yawꞈ maꞈ ngaˬ-ahˇ ngehˇ jiˇ-euˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Yeˬsaˬgeˬlaˇ 22:29

Smˇ muiˬ smˇ baw deuˬ mehˇ shuiˇ shuiˇ-awˇ, tahˇ joe joe-eu meh. Shaˬ zaˬ zahˬ zaˬ kʼoeˇ taˆ kʼaˆ dzaˬ-awˇ, aˬ cawˬ tsawˇ jeuˬ-euˬ uˬ duˬ-ahˇ dzaˬ-eu meh.

Yeˬsaˬgeˬlaˇ 22:7

Meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ, yawˬ ha-euˬ aˬ ma aˬ da-ahˇ yaw zeu maˬ baw-a. Aˬ cawˬ tsawˇ jeuˬ-ahˇ nawˇ mehˇ shuiˇ shuiˇ dzaˬ-awˇ, miˬ coeˬ miˬ ma hawˇ-eu muˇ coe aˬ nmˇ deuˬ-ahˇ nawˇ yehˬ bawˬ-ehˇ gʼeh nehˬ-euˬ meh.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Yeˬsaˬgeˬlaˇ 39:18

Yawˇ deuˬ, ciꞈ myehꞈ deuˬ hawˇ-eu, tsuˇ dui dui-eu mawˇ neˇ mawˇ gaw deuˬ sehꞈ-eu loꞈ-ehˇ bi sehꞈ-eu yehˇ deuˬ-euˬ shaˬ jiˇ aˬ yawꞈ maꞈ ya dzaˬ-awˇ, miˇ tsaˬ kʼoeˇ taˆ sahˬpaˬ sahˬ ma geuꞈ-eu deuˬ-eu shiˬ, aˬ yawꞈ maꞈ ya dawˇ tehꞈ-a.

Yawˇlaˆ 3:3

Ngaˬ-euˬ tsawˇ haˬ nyehꞈ mi taˬ-euˬ, shehˆ tsaˬ tsaˬ-awˇ biˇ geuꞈ-euˬ meh. Nyehꞈ taˬ-euˬ aˬ buˇ aˬ li deuˬ, zaˬ kʼaˆ zeuˇ laˇ gaˇ ahˬ dzaˬ-awˇ, za-euˬ pyuˇ neh jiˇ baˬ dawˇ-awˇ, meh maˬ laˇ-ahˇ byawˬ gʼa-euˬ meh.

Aˬmoˆ 3:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naˇ haˬ sheˇ. Naw maꞈ tsawˇ jeuˬ jeuˬ lah ni-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gʼaˬ pyeuꞈ-eu Sahˬpaˬ Miˬyehˇ neh naw maꞈ-euˬ gaˇ kawˆ heu loꞈ-ehˇ ehˇ taˬ-euˬ meh.

Aˬmoˆ 3:3

Tsawˇ haˬ nyiˬ gʼaˬ mehˬ bawˬ maˬ mˇ dzoeˇ taˬ naˇ, tiˬ kawˆ loꞈ-ehˇ iˇ taꞈ laˇ taꞈ nya meh loˇ.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Aˬmoˆ 6:1

Aˬ cawˬ-euˬ ziꞈ duˬ gʼoe duˬ huiˬ-eu mahˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ pyeuꞈ-eu, Ziˇoˬ gawˬ jawˬ kʼoeˇ taˆ saˇ lehˆ ni dehꞈ luꞈ-eu deuˬ hawˇ-eu, tiˬ gaˇ-iˬ guˆ kʼaˇ maˬ za ma lehˇ noeˬ-eu Saˬmaˬliˆ meuˬ laꞈ kʼoeˇ jawˇ luꞈ-eu deuˬ-oˇ, naw maꞈ gʼaˇ duˬ aˇ naˆ ni guˆ kʼaˇ za-eu nga.

Aˬmoˆ 6:6

Naw maꞈ naˬ bo bo ma-ahˇ neh aˬ gaꞈ dzaˇ uiˇ dawˇ-awˇ, muiˬ dui dui-eu tsiˇ yaw saw jeˬ zmˬ-eu meh. Ehˇ kʼawꞈ, Iˇsaˬleˬlaˆ miˇ kʼahˬ luˬ-iˇ seˇ-iˇ gaˇ naw maꞈ tsawˇ ngoeˇ maˬ ngoeˇ nehˬ-a.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Bawˇtsahˬ 21:33

Kʼoeˇ naˇ, Iˇsaˬleˬlaˆ tsawˇ haˬ deuˬ Baˬshaˬ meuˬ paw le-eu gaˇ ma caw caw-ehˇ le-euˬ meh. Baˬshaˬ sahˬ paˬ Awˇgaˆ hawˇ-eu aˬ yawꞈ-euˬ guiˇ maꞈ deuˬ Iˇsaˬleˬlaˆ tsawˇ haˬ deuˬ-ahˇ Eˬdiˇliˇ meuˬ-ahˇ guiˇ deuˆ le-eu lehˇ oe-euˬ meh.

Dawˬmehˬ 24:14

“Naw maꞈ-euˬ meuˬ deuˬ laꞈ kʼoeˇ jawˇ-eu nawˬ-ahˇ gʼaˬ mahˇ mahˇ dzaˬ-eu yaw shaˬ zaˬ pyeuꞈ-eu nawˬ-euˬ tsawˇ jeuˬ Iˇsaˬleˬlaˆ tsawˇ haˬ-ahˇ maˬ ehˇ, boeˇ miˬ shiˬ kʼaˬ-ahˇ maˬ ehˇ, nawˇ tsawˇ gahˇ maˬ ya gahˇ dzaˬ-a.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.