Aˬmoˆ 3:6 - Akha

⁶ Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Aˬmoˆ 3:6 ပူးပေါင်းရင်းမြစ်များ

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

2 Sahˬpaˬ 6:33

Aˬ yawꞈ kʼoeˇ loꞈ-ehˇ ehˇ gʼaˬ-eu maˬ dah ni, sahˬ paˬ oe keuˆ-awˇ ehˇ-eu, “Nga maꞈ kʼoeˇ taˆ shaˬ-eu zahˬ-eu heu bi keuˆ le-euˬ gʼaˬ Sahˬpaˬ Miˬyehˇ meh loˇ. Aˬ yawꞈ tiˬ jeˬ paˬ jahˇ nehˬ laꞈ gaˇ ngaˇ dawˬ dawˬ-ehˇ maˬ paˇ jawˇ ma.”

Iˇsaˬyaˇ 45:7

Yaw shehꞈ hawˇ-eu yaw zahˇ nyiˬ jeˬ luꞈ-ahˇ, ngaˬ neh beh taˬ-euˬ ma. Lahˬ hawˇ-eu dawˇ nyiˬ jeˬ luꞈ-ahˇ, ngaˇ bi keuˆ le-eu ma. Sahˬpaˬ Miˬyehˇ pyeuꞈ-eu ngaˇ-aˬ, heu dawˬ tawˆ luꞈ mˇ jiˇ-eu yaw sahˇ ma.

Yeˬlaˬmiˇ 10:7

Tsawˇ jeuˬ dawˬ tawˆ luꞈ-euˬ sahˬ paˬ pyeuꞈ-eu gʼaˬ-oˇ, nawˬ-ahˇ maˬ taˬ huiˬ-ehˇ aˬ suˇ gʼaˬ jawˇ coeˇ nmˇ. Nawˬ-ahˇ yaw zeu baw dui dui paˬ-ehˇ gʼeh-eu meh. Tsawˇ jeuˬ heu myaˆ kʼoeˇ taˆ tsawˇ gahˇ dzehˬ-eu tsawˇ haˬ maˬ ehˇ, miˇ kʼahˬ sahˬ paˬ kʼaˇ ngeuˇ-eu deuˬ maˬ ehˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 4:5

Miˇ kʼahˬ doe ni daˇ heh baw-awˇ, yaw duˬ duˬ-ehˇ guˇ gaˬ nehˬ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-ahˇ, ziꞈ dah ni gʼeh-eu meuˬ deuˬ-ahˇ cehˆ uˇ leˇ-awˬ lehˇ guˇ nehˬ-awˬ.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Yeˬlaˬmiˇ 6:1

Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

Yeˬsaˬgeˬlaˇ 33:3

Muiˇ-eu tsawˇ haˬ deuˬ laˇ luꞈ gaˇ aˬ yawꞈ ya mawˇ ngeh, tsawˇ haˬ dawˬ tawˆ luꞈ-ahˇ aˬ yawꞈ daˇ heh baw gaˬ nehˬ-eu meh.

Hawˇseˬ 5:8

Giˇbyaˬ meuˬ-ahˇ coiˇ doi baw-awˬ. Laˬmahˇ meuˬ-ahˇ daˇ heh baw-awˬ. Behˬdaˬbeˬ meuˬ-ahˇ laˆ luiˬ-awˬ. Beˬyaˬmiˬ tsawˇ jeuˬ guiˇ deuˆ-awˬ.

Aˬmoˆ 3:5

Sehˬ toˆ-ahˇ aˬ iˬ maˬ ahˇ-ehˇ kʼmˇ taˬ-euˬ gaˇ, aˇ jiˇ paꞈ leˇ nya meh loˇ. Sehˬ toˆ-ahˇ tiˬ jeˬ paˬ neh maˬ laˆ pyeuˆ-euˬ gaˇ, aˬ yawˇ yawꞈ pyeuˆ-iˇ nya meh loˇ.

Zeˬpaˬniˇ 1:16

daˇ heh baw dui dui-eu aˇ nah guˇ guˇ-ehˇ guiˇ deuˆ-eu aˇ nah, meuˬ yaw ziꞈ-ahˇ deuˆ-eu aˇ nah taˆ yaw goˇ-ahˇ deuˆ-eu aˇ nah yaw kawˇ kawˇ-ehˇ keuˆ le luꞈ meh.

Zaˬkaˬliˇ 8:10

Aˇ yamˬ kʼoeˇ yamˬ-ahˇ keuˆ ni, tsawˇ haˬ hawˇ-eu jeˬ zaˬ poˆ-awˇ gaˇ bi mˇ-eu gʼaˇ duˬ, pyuˇ yuˇ doˆ nya-eu tiˬ gʼaˬ-iˬ maˬ jawˇ-eu uˬ taꞈ, muiˇ-eu deuˬ kʼehˬ laˇ gaˇ maˬ guˆ-ehˇ dehꞈ-euˬ tiˬ gʼaˬ-iˬ maˬ jawˇ-a. Tsawˇ haˬ tiˬ gʼaˬ tiˇ gʼaˬ muiˇ ni ngaˇ jahˇ-euˬ ma.

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.