Aˬmoˆ 3:5 - Akha

⁵ Sehˬ toˆ-ahˇ aˬ iˬ maˬ ahˇ-ehˇ kʼmˇ taˬ-euˬ gaˇ, aˇ jiˇ paꞈ leˇ nya meh loˇ. Sehˬ toˆ-ahˇ tiˬ jeˬ paˬ neh maˬ laˆ pyeuˆ-euˬ gaˇ, aˬ yawˇ yawꞈ pyeuˆ-iˇ nya meh loˇ.

Aˬmoˆ 3:5 ပူးပေါင်းရင်းမြစ်များ

Jaceuq 140:5

Nui ma huiˬ-eu tsawˇ haˬ deuˬ ngaˬ-ahˇ lahˇ ju kʼmˇ-euˬ meh. Aˬ yawꞈ maꞈ caˆ pyeuˆ daˬ zaꞈ taˬ-awˇ, gaˇ ma-ahˇ ngaˬ-ahˇ caˆ kʼmˇ kʼmˇ taˬ-euˬ meh.

Dawˬ tsoˆ 9:12

Tsawˇ haˬ tiˬ gʼaˬ-iˬ yawˬ ha-euˬ aˇ yamˬ aˇ law maˬ siˬ nya-a. Lahˇ ju-ahˇ paꞈ leˇ-euˬ aˇ jiˇ hawˇ-eu ngaˬ myahˬ-ahˇ paꞈ leˇ-euˬ ngaˬ shaˬ loꞈ-ehˇ, maˬ noeˬ miˇ-ahˇ aˬ dui kʼoeˇ taˆ yaw doeˇ jeˬ keuˆ le nya-eu meh.

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Daˬyeˬlaˇ 9:14

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˬ myah luꞈ yaw tsaˬ yaw dawˇ dawˇ-ehˇ mˇ-eu gʼaˬ pyeuꞈ-eu loꞈ-ehˇ, nawˬ-euˬ ehˇ dawˬ-ahˇ nga maꞈ maˬ naˇ haˬ-euˬ miˇ neh, nga maꞈ-ahˇ kʼehˬ-eu kʼaˆ-eu gʼaˇ duˬ nawˬ neh lehˬ hmˬ taˬ-euˬ loꞈ-ehˇ, kʼehˬ nehˬ kʼaˆ nehˬ laꞈ-euˬ meh.

Aˬmoˆ 3:4

Aˇ laˬ jaˬ shiˇ tiˬ mawˇ aˬ yawꞈ kawꞈ sehꞈ dzaˬ-eu lehˇ gʼeh-eu bawˇ tsahˬ jeˬ zaˬ maˬ tahˬ puˬ le-euˬ gaˇ, bawˇ tsahˬ-ahˇ lmˬ meh loˇ. Huiˬ loˆ laˇ-euˬ aˇ laˬ jaˬ shiˇ zaˬ tiˬ mawˇ tiˬ jeˬ paˬ maˬ kawꞈ sehꞈ taˬ-euˬ gaˇ, lo kʼahˬ-ahˇ uˇ-awˇ lmˬ meh loˇ.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.