Aˬmoˆ 3:2 - Akha

² “Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Aˬmoˆ 3:2 ပူးပေါင်းရင်းမြစ်များ

Aˇ dahˬ 10:32

Tsawˇ jeuˬ heu deuˬ dawˬ tawˆ luꞈ, yawˬ ha-euˬ tsuiꞈ hawˇ-eu yawˬ ha-euˬ tsawˇ jeuˬ yawˬ ha baw baw-ehˇ dehꞈ ka leꞈ-euˬ, Noˇaˬ-euˬ zaˬ deuˬ uˆ deuˬ pyeuꞈ-eu meh. Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, miˇ tsaˬ-ahˇ iˇ cuꞈ dahˬ pymˬ gʼaˬ miˇ tsa jeuˬ le o le-euˬ, Noˇaˬ-euˬ aˬ li kʼoeˇ deuˬ-euˬ zaˬ deuˬ uˆ deuˬ tehꞈ meh.

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Jaceuq 147:19

Yaˬkoˆ-ahˇ aˬ yawꞈ-euˬ dawˬ biꞈ nehˬ-awˇ, aˬ yawꞈ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ, Iˇsaˬleˬlaˆ tsawˇ haˬ deuˬ-ahˇ biꞈ nehˬ-euˬ meh.

Doˆ-iˇ 32:34

Nymˬ-mˇ nawˇ gʼoꞈ ka-iˇ-awˇ, ngaˬ neh nawˬ-ahˇ mehˬ nehˬ-euˬ jawˇ duˬ-ahˇ, tsawˇ haˬ heu deuˬ-ahˇ sheuˬ gʼeh-awˬ. Ngaˬ-euˬ mˬ taˆ gʼaˬ kʼehˇ naw maꞈ-ahˇ sheuˬ gʼeh tehꞈ-a. Ehˇ kʼawꞈ, tsawˇ haˬ heu deuˬ iˬ baˇ mˇ gʼaˬ-euˬ miˇ neh, aˬ yawꞈ maꞈ-ahˇ ngaˇ ya kʼehˬ nehˬ-eu aˇ nah keuˆ le tehꞈ-a.”

Iˇsaˬyaˇ 63:19

Nawˇ nga maꞈ-ahˇ maˬ uˆ lahˇ haw-euˬ loꞈ-ehˇ, nga maꞈ nawˬ-euˬ tsawˇ haˬ maˬ pyeuꞈ haw-euˬ loꞈ-ehˇ, nawˬ neh nga maꞈ-ahˇ jahˇ nehˬ laꞈ-euˬ meh.

Yeˬlaˬmiˇ 1:15

Aˬ jeˬ miˇ neh ehˇ naˇ, laꞈ taˆ paw kʼaˇ jawˇ-eu tsawˇ jeuˬ dawˬ tawˆ luꞈ-ahˇ, ngaˇ kuˇ ka-eu lehˇ gʼeh-eu ma. Yeˬluˇsaˬlehˬ meuˬ-euˬ lahˇ kʼehˬ-ahˇ maˬ ehˇ, meuˬ lahˇ jawˬ jawˬ-ehˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-euˬ meuˬ lahˇ jawˬ jawˬ-ehˇ maˬ ehˇ, tsawˇ jeuˬ kʼoeˇ deuˬ-euˬ sahˬ paˬ deuˬ nuiˇ mahˬ ciˬ tsoꞈ le tehꞈ-a.

Yeˬlaˬmiˇ 10:25

Nawˬ-ahˇ uˬ duˬ maˬ tahˬ-eu tsawˇ jeuˬ deuˬ jawˇ paw, nawˬ-ahˇ byehˇ dzeh-euˬ tsawˇ haˬ deuˬ jawˇ paw, nawˬ-euˬ nui pehˇ sheu pyawˇ nehˬ-awˬ. Aˬ yawꞈ maꞈ nawˬ-euˬ tsawˇ haˬ deuˬ-ahˇ sehꞈ-euˬ meh. Aˬ yawꞈ maꞈ nga maꞈ-ahˇ laˆ byoˆ laˆ laˆ yaꞈ-awˇ, nga maꞈ miˇ kʼahˬ laˆ cawˆ-awˇ byehˇ dzeh yaꞈ-euˬ meh.

Yeˬlaˬmiˇ 11:22

Kʼoeˇ miˇ neh , Baoˬ huiˬ-eu Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˬ li zaˬ guˬ deuˬ guiˇ deuˆ gaˇ ya shiˇ tehꞈ-a. Aˬ yawꞈ maꞈ-euˬ aˬ buˇ aˬ li deuˬ hawˬ mehꞈ ya dzahˬ sehꞈ tehꞈ-a.

Yeˬlaˬmiˇ 13:21

Nawˬ neh cawˬ yaw gʼoeˇ ma lehˇ noeˬ-euˬ deuˬ, nawˬ-ahˇ guiˇ deuˆ gʼaˬ-awˇ uˆ lahˇ laˇ ngeh, nawˇ aˬ joˆ-ehˇ ehˇ nmˇ. Zaˬ miˬ zaˬ zaˬ baw ngeh shaˬ-eu loꞈ-ehˇ, nawˬ-euˬ shaˬ zahˬ kʼoeˇ naˆ ni naꞈ tehꞈ-a.

Yeˬlaˬmiˇ 14:10

Tsawˇ haˬ heu deuˬ gaˇ kawˆ Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ mehˬ shi neh doˆ-iˇ-awˇ, doe doe-ehˇ cah mawꞈ-eu nui ma ahˇ-awˇ, yawˬ ha-euˬ nui kʼahˇ-ahˇ maˬ nyehꞈ tehˬ gʼaˬ coeˇ-eu miˇ neh, aˬ yawꞈ maꞈ-ahˇ ngaˇ nui ma maˬ tsaˬ nya. Aˬ yawꞈ maꞈ neh mˇ lehˬ-euˬ jeˬ-ahˇ ngaˇ maˬ ngehˇ-ehˇ aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ ma.”

Yeˬlaˬmiˇ 9:25

Sahˬpaˬ Miˬyehˇ ehˇ-eu, “Nui ma laꞈ kʼoeˇ keuˆ ni baˆ kʼoˆ mehˬ dzaˬ maˬ yehˬ-ehˇ, zahˇ kʼaˇ deˬ maˬ deˬ laꞈ nyiˇ paw tehꞈ-ehˇ baˆ kʼoˆ mehˬ dzaˬ yehˬ taˬ-euˬ tsawˇ haˬ deuˬ-ahˇ, ngaˇ kʼehˬ nehˬ kʼaˆ nehˬ-eu aˇ yamˬ keuˆ le luꞈ meh.

Yeˬsaˬgeˬlaˇ 5:9

Ngaˇ bye dui dui-eu jeˬ mˇ-euˬ baˬ da neh, dzeuˇ laˇ ngeh tiˬ jawˇ-iˬ maˬ keuˆ le haw-ehˇ, aˬ kaˇ tiˬ jawˇ-iˬ maˬ paˇ keuˆ le-eu kʼehˬ-eu kʼaˆ-eu jeˬ, Yeˬluˇsaˬlehˬ meuˬ kʼoeˇ taˆ ngaˇ bi keuˆ le ma.

Yeˬsaˬgeˬlaˇ 9:6

“Tsawˇ mawˬ deuˬ, aˬ li zaˬ guˬ deuˬ, aˬ buˇ zaˬ guˬ deuˬ, aˬ ma deuˬ hawˇ-eu, zaˬ deuˬ dawˬ tawˆ luꞈ-ahˇ sehꞈ jiˇ-awˬ. Ehˇ kʼawꞈ, naˇ kʼawˇ-ahˇ tsaˬ tsoˆ taˬ-euˬ tsawˇ haˬ deuˬ-ahˇ taˬ sehꞈ. Heu gaˇ, ngaˬ-euˬ Uˬ duˬ tahˬ nymˇ nymˇ ma -ahˇ neh aˇ dahˬ beh-awˇ, sehꞈ ka gʼeh-awˬ.” Kʼoeˇ naˇ, Uˬ duˬ tahˬ nymˇ nymˇ ma-ahˇ yawꞈ luꞈ-eu aˬ yuiꞈ aˬ tsu deuˬ-ahˇ neh aˇ dahˬ beh-awˇ, aˬ yawꞈ maꞈ tsawˇ haˬ sehꞈ ka gʼeh-euˬ meh.

Daˬyeˬlaˇ 9:12

Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Hawˇseˬ 2:13

Baˬlaˇ miˬ yehˇ-ahˇ bawˬ-iˬ gʼeh-awˇ, yaw saw jeˬ doꞈ damˬ-euˬ uˬ taꞈ, myawˬ guˇ geuꞈ-awˇ jahˇ gʼeh haw-awˇ, zaˬ kʼaˬ deuˬ nehˬ-ehˇ cah cah-ehˇ, ngaˬ-ahˇ aˬ yawꞈ ngehˇ-euˬ miˇ neh, aˬ yawꞈ-ahˇ ngaˇ kʼehˬ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Hawˇseˬ 5:3

Iˇsaˬleˬlaˆ aˬ joˇ gʼeh-eu, dawˬ tawˆ luꞈ ngaˇ siˬ nya jiˇ ma. Aˬ yawꞈ ngaˬ-ahˇ maˬ zaꞈ nya-a. Aˬyawꞈ ngaˬ-ahˇ saˇ jaˇ puiˬ-awˇ, aˬ yawꞈ-euˬ tsawˇ haˬ deuˬ ngaˬ-ahˇ, uˬ duˬ tahˬ laˇ-eu maˬ geuˇ-a.”

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Hawˇseˬ 9:9

Giˇbyaˬ meuˬ-ahˇ dehꞈ ngeh loꞈ-ehˇ aˬ yawꞈ maꞈ kʼaˇ mˇ kʼaˇ shaˇ-eu, ehˇ kʼaˇ maˬ za ni haiˬ-eu meh. Iˬ baˇ kʼoeˇ deuˬ-ahˇ maˬ ngehˇ ni, Miˬyehˇ kʼehˬ nehˬ kʼaˆ nehˬ tehꞈ-a.

Aˬmoˆ 2:4

Sahˬpaˬ Miˬyehˇ ehˇ-eu, “Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Ngaˬ neh mehˬ nehˬ tsoˆ nehˬ-euˬ jeˬ-ahˇ aˬ yawꞈ maꞈ yaw zeu maˬ baw-ehˇ, ngaˬ neh dawˬ biꞈ taˬ-euˬ gaˇ aˬ yawꞈ maꞈ maˬ caw teh geuꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ caw teh-euˬ miˬ yehˇ deuˬ pyeuꞈ-eu, maˬ ngeuˇ-eu miˬ yehˇ kʼoeˇ deuˬ neh aˬ yawꞈ maꞈ-ahˇ gaˇ ma bi sheuˬ bahˬ-euˬ meh.

Aˬmoˆ 3:3

Tsawˇ haˬ nyiˬ gʼaˬ mehˬ bawˬ maˬ mˇ dzoeˇ taˬ naˇ, tiˬ kawˆ loꞈ-ehˇ iˇ taꞈ laˇ taꞈ nya meh loˇ.

Aˬmoˆ 6:1

Aˬ cawˬ-euˬ ziꞈ duˬ gʼoe duˬ huiˬ-eu mahˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ pyeuꞈ-eu, Ziˇoˬ gawˬ jawˬ kʼoeˇ taˆ saˇ lehˆ ni dehꞈ luꞈ-eu deuˬ hawˇ-eu, tiˬ gaˇ-iˬ guˆ kʼaˇ maˬ za ma lehˇ noeˬ-eu Saˬmaˬliˆ meuˬ laꞈ kʼoeˇ jawˇ luꞈ-eu deuˬ-oˇ, naw maꞈ gʼaˇ duˬ aˇ naˆ ni guˆ kʼaˇ za-eu nga.

Miˇkaˬ 2:3

Kʼoeˇ miˇ neh, Sahˬpaˬ Miˬyehˇ ehˇ-eu, “Naw maꞈ kʼoeˇ taˆ luˬ-iˇ seˇ-iˇ-eu jeˬ keuˆ le ni ngaˇ lehˬ hmˬ luꞈ-awˇ, naw maꞈ maˬ cehˆ buˬ nya-a. Guˆ-eu gaˆ-eu jeˬ naw maꞈ-ahˇ tahˬ puˬ le-awˇ, naw maꞈ nui ma huiˬ huiˬ-ehˇ maˬ paˇ dehꞈ nya meh.

Naˬhmˬ 3:4

Aˇ gʼehˇ muiˬ-awˇ aˬ cawˬ mawꞈ-eu, miˇ tsaˬ zaˬ baˬ ya baw uiˬ-awˇ, aˬ yawꞈ zaˬ kʼaˆ bi geuꞈ jiˇ-euˬ, Niˇnaˬbeˬ meh maˬ laˇ meuˬ-aˬ, kʼehˬ-eu kʼaˆ-eu jeˬ daˬ luꞈ meh.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Lormav 2:9

Yuˇdaˆ tsawˇ haˬ deuˬ-ahˇ neh aˇ dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni, maˬ muiˬ-eu jeˬ kʼaˇ mˇ-eu tsawˇ haˬ dawˬ tawˆ luꞈ, kʼehˬ-eu kʼaˆ-eu jeˬ hawˇ-eu shaˬ zahˬ naꞈ dui dui-eu jeˬ-ahˇ ya daˬ tehꞈ-a.

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

Dawˬmehˬ 10:15

Ehˇ kʼawꞈ, naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ gaˬ dui dui-eu miˇ neh, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh. Naw maꞈ-aˬ, iˬ nah keuˆ ni aˬ yawꞈ neh tseˇ doˆ-euˬ tsawˇ haˬ pyeuꞈ luꞈ-eu meh.

Dawˬmehˬ 26:18

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ-euˬ tsawˇ jeuˬ loꞈ-ehˇ naw maꞈ-ahˇ iˬ nah aˬ yawꞈ ha geuꞈ-awˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ lehˇ, aˬ yawꞈ naw maꞈ-ahˇ dawˬ biꞈ taˬ-euˬ meh.

Dawˬmehˬ 32:9

Ehˇ kʼawꞈ, Yaˬkoˆ-euˬ zaˬ deuˬ-ahˇ, aˬ yawꞈ neh tseˇ doˆ geuꞈ-euˬ meh.

Dawˬmehˬ 4:32

“Naw maꞈ maˬ dehꞈ le mi naˆ-ehˇ pyeuꞈ dzeuˇ yaꞈ-euˬ gaˇ kawˆ-ahˇ, miˇ tsaˬ kʼoeˇ taˆ tsawˇ haˬ zaˬ-ahˇ Miˬyehˇ beh-euˬ aˇ yamˬ-ahˇ keuˆ ni poˆ tseˇ haw sheˇ. Heu loꞈ-ehˇ huiˬ-eu gaˇ kawˆ pyeuꞈ laˇ haw mehˬ loˇ.

Dawˬmehˬ 7:6

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ haˬ pyeuꞈ-eu miˇ neh, kʼoeˇ loꞈ-ehˇ jahˇ-awˬ. Maˇ maˇ ni aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh.

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.