Aˬmoˆ 3:12 - Akha

¹² Sahˬpaˬ Miˬyehˇ ehˇ-eu, “Aˇ laˬ jaˬ shiˇ neh bi kawꞈ sehꞈ dzaˬ-euˬ yawˇ tiˬ mawˇ-euˬ aˬ kuiˇ nyiˬ kahˬ hawˇ-eu naˬ paꞈ tiˬ pyawˬ tehꞈ-ehˇ, yawˇ bo-eu gʼaˬ mawˇ kʼoꞈ-euˬ loꞈ-ehˇ, nymˬ-mˇ muiˬ-eu ja ciˬ kʼoeˇ taˆ saˇ lehˆ ni dehꞈ byawˬ luꞈ-eu Saˬmaˬliˆ meuˬ-ahˇ jawˇ-eu tsawˇ haˬ deuˬ laꞈ kʼoeˇ, ui cuiˆ tehꞈ-ehˇ ya buˬ ya law-iˇ tehꞈ-a.”

Aˬmoˆ 3:12 ပူးပေါင်းရင်းမြစ်များ

1 Sahˬpaˬ 20:30

Maˬ bi deuˆ sehꞈ-ehˇ kʼaˇ dzeˇ-eu deuˬ Aˬpyehˇ meuˬ-ahˇ cehˆ leˇ-awˇ, meuˬ meuˬ lahˇ neh nyiˬ muiˇ shiꞈ heˇ gʼaˬ bi coˬ tehˬ sehꞈ-euˬ meh. Beˬhaˬdaˇ gʼaˬ kʼawꞈ meuˬ kʼoeˇ meuˬ laꞈ kʼoeˇ cehˆ uˇ leˇ-awˇ, nymˇ tiˬ nymˇ-euˬ naˬ shuˬ-ahˇ dzuˇ zaꞈ-euˬ meh.

1 Sahˬpaˬ 20:34

Aˬhaˆ-ahˇ Beˬhaˬdaˇ ehˇ nehˬ-eu, “Nawˬ da-euˬ laꞈ-ahˇ ngaˬ da neh yuˇ taˬ-euˬ meuˬ deuˬ nawˬ-ahˇ ngaˇ biꞈ kʼoꞈ-awˇ, ngaˬ da neh Saˬmaˬliˆ meuˬ laꞈ kʼoeˇ jeˬ gaꞈ jeˬ ka mˇ-eu jawˇ duˬ bi baw-euˬ loꞈ-ehˇ, nawˇ kʼawꞈ nawˬ-euˬ gʼaˇ duˬ Daˬmaˬsehˇ meuˬ laꞈ kʼoeˇ jeˬ gaꞈ jeˬ ka mˇ-eu jawˇ duˬ bi jaˆ nya tehꞈ-a.” Aˬhaˆ ehˇ-eu, “Toˆ-ehˇ ngeuˇ naˇ, nawˬ-ahˇ ngaˇ pyehˬ nehˬ ma.” Kʼoeˇ naˇ, aˬ yawꞈ nehˬ-ehˇ saˇ jaˇ dzaˬ taꞈ-eu laꞈ kʼoeˇ, pyehˬ nehˬ-awˇ bi gʼoꞈ leˇ-euˬ meh.

1 Sahˬpaˬ 22:25

Miˇkaˬyaˇ ehˇ-eu, “Nymˇ naˇ kʼah paw nawˇ ya cehˆ zaꞈ-iˇ-eu aˇ yamˬ keuˆ le ngeh, gaˇ kawˆ heu nawˇ ya siˬ duˬ tehꞈ-a.”

2 Sahˬpaˬ 16:9

Aˬkaˆ-euˬ shaˇ dawˬ-ahˇ Tiˇgaˬlaˇpaˬleˬsaˬ naˇ haˬ-awˇ, aˬ yawꞈ-euˬ guiˇ maꞈ sheuˬ leꞈ-awˇ, Daˬmaˬsehˇ meuˬ-ahˇ deuˆ gʼaˬ-awˇ sahˬ paˬ Leˬzeˬ-ahˇ sehꞈ-euˬ uˬ taꞈ, Suˇliˆ miˇ kʼahˬ zaˬ deuˬ-ahˇ Kiˇlaˆ meuˬ-ahˇ nyehꞈ daˆ gʼeh-euˬ meh.

Iˇsaˬtaˆ 1:6

Yaˇ kmˇ kʼoeˇ-ahˇ pyuˇ laꞈ ma dawˆ tsoꞈ taˬ-euˬ muiˬ dui dui-eu kʼaˬ lo lo ba kʼawˇ zeuˇ deuˬ ka tuˇ taˬ-awˇ, pyuˇ laꞈ ma kʼoeˇ deuˬ-ahˇ, neˇ leuˬ leuˬ-eu shawˇ jehˆ ni gʼeh-eu saˬ paˇ aˇ caˆ neh, saˬ paˇ paˇ puiˇ hawˇ-eu paˇ pyuˇ paꞈ gʼeu-awˇ laˆ saˆ muiˬ taˬ-euˬ miˇ neh, haw muiˬ dui dui-eu meh. Yaˇ kʼmˇ kʼoeˇ laꞈ kʼoeˇ, aˇ poeˬ kʼaˆ-eu kʼaˬ lo pyuˇ, lo neˇ, lo guiˇ hawˇ-eu lo puiˇ deuˬ kʼawˬ taˬ-euˬ kʼoeˇ taˆ, shuiˇ neh jahˇ taˬ-euˬ nuiˇ duˬ jawˇ duˬ laˆ saˆ taˬ-awˇ bi jaˆ-euˬ meh.

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Jaceuq 132:3

Ngaˬ-euˬ nymˇ-ahˇ maˬ gʼoꞈ leˇ. Ngaˬ-euˬ yuꞈ zaˇ-ahˇ ngaˇ maˬ yuꞈ leˇ.

Iˇsaˬyaˇ 17:7

Aˇ nah aˇ yamˬ kʼoeˇ keuˆ le ngeh, Beh-euˬ yaw sahˇ Iˇsaˬleˬlaˆ-euˬ muiˬ-eu shawˇ-eu Miˬyehˇ-ahˇ,

Iˇsaˬyaˇ 31:4

Sahˬpaˬ Miˬyehˇ ngaˬ-ahˇ ehˇ-eu, “Yawˇ bo-eu deuˬ aˇ naˆ guˇ kʼawꞈ, yawˇ kawꞈ sehꞈ-eu aˇ laˬ jaˬ shiˇ, maˬ luˆ laˇ ni jawˇ-eu loꞈ-ehˇ, Ziˇoˬ gawˬ jawˬ-ahˇ haw piˇ-eu, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ tiˬ jeˬ-iˬ maˬ teh luˆ nya-a.

Iˇsaˬyaˇ 8:4

“Aˬ li kʼoeˇ li aˬ ma aˬ da-ahˇ maˬ kuˇ nya laˇ mi naˆ-ehˇ, Daˬmaˬsehˇ meuˬ hawˇ-eu Saˬmaˬliˆ meuˬ-ahˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ, Aˬshuˇliˆ sahˬ paˬ neh bi deuˆ geuꞈ jiˇ-awˇ, bi baꞈ kʼoꞈ jiˇ gʼeh tehꞈ-a” lehˇ aˬ yawꞈ ehˇ-eu meh.

Aˬmoˆ 6:4

Nahˬ yu ni gʼeh-eu ja ciˬ kʼoeˇ taˆ yuꞈ niˇ gʼa-awˇ, muiˬ dui dui-eu mawˇ neˇ hawˇ-eu yawˇ shaˬ jiˇ dzaˬ luꞈ-eu naw maꞈ deuˬ, aˇ naˆ ni noeˬ shaˬ paˬ-ehˇ gʼeh-eu nga.

Aˬmoˆ 9:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, iˬ baˇ ahˇ dui dui-eu Iˇsaˬleˬlaˆ miˇ kʼahˬ-ahˇ haw luꞈ-awˇ, miˇ kʼahˬ heu kʼahˬ miˇ tsaˬ kʼoeˇ taˆ maˬ jaˆ-ehˇ pyeuꞈ-iˇ ni ngaˇ laˆ cawˆ ma. Ehˇ kʼawꞈ, Yaˬkoˆ-euˬ zaˬ deuˬ uˆ deuˬ dawˬ tawˆ luꞈ-ahˇ ngaˇ maˬ laˆ cawˆ nehˬ.”