Aˬmoˆ 3:10 - Akha

¹⁰ Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Aˬmoˆ 3:10 ပူးပေါင်းရင်းမြစ်များ

Yawˇbaˆ 20:21

Aˬ yawꞈ dzaˬ ngeh dawˇ ngeh, tiˬ jeˬ-iˬ maˬ bi dzeˇ yaꞈ-a. Kʼoeˇ miˇ neh aˬ yawꞈ-euˬ myawˬ gahˬ maˬ gmˬ-a.

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Dawqdaq 1:13

Pyuˇ shuiˇ myawˬ gahˬ yawˬ jeˬ na luꞈ za-awˇ, tahˇ joe joe za-euˬ myawˬ gahˬ deuˬ, iˇ kahˇ tiˬ byah baꞈ taˬ kaˇ-euˇ.

Dawqdaq 11:16

Gʼawˬ shaˬ gaˬ nya-eu zaˬ miˬ zaˬ-ahˇ aˬ cawˬ yaw zeu baw-awˇ, aˇ poeˬ maˬ baw-eu zaˬ miˬ zaˬ-aˬ, aˬ cawˬ-euˬ dawˬ doeˇ daˬ duˬ meh. Nymˇ gawˬ gawˬ-eu kʼaˬ dzeˇ zaˬ pyuˇ maˬ ahˇ-a. Ehˇ kʼawꞈ, maˬ naˬ leˇ ni mˇ-eu kʼaˬ dzeˇ zaˬ-aˬ, smˇ muiˬ muiˬ laˇ-eu meh.

Dawqdaq 28:5

Haiˬ-eu tsawˇ haˬ deuˬ yaw tsaˬ yaw dawˇ jeˬ-ahˇ maˬ siˬ nya-a. Ehˇ kʼawꞈ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ yaw tsaˬ yaw dawˇ jeˬ-ahˇ yaw muiˬ paˬ-ehˇ siˬ nya-eu meh.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Yeˬlaˬmiˇ 5:4

Kʼoeˇ naˇ ngaˇ heu loꞈ-ehˇ shaˇ noeˬ-euˬ ma. “Tsawˇ haˬ heu deuˬ iˇ shaˬ dawˇ ga tehꞈ meh. Aˬ yawꞈ maꞈ aˬ dzawˬ aˇ gah gah-eu meh. Miˬyehˇ-euˬ zahˇ sahˇ kʼoꞈ hawˇ-eu, aˬ yawꞈ-euˬ nui kʼahˇ-ahˇ maˬ siˬ nya-a.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 22:29

Smˇ muiˬ smˇ baw deuˬ mehˇ shuiˇ shuiˇ-awˇ, tahˇ joe joe-eu meh. Shaˬ zaˬ zahˬ zaˬ kʼoeˇ taˆ kʼaˆ dzaˬ-awˇ, aˬ cawˬ tsawˇ jeuˬ-euˬ uˬ duˬ-ahˇ dzaˬ-eu meh.

Yeˬsaˬgeˬlaˇ 8:17

Sahˬpaˬ Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ jahˇ luꞈ-eu nawˇ mawˇ maˬ loˇ. Yuˇdaˆ tsawˇ haˬ heu deuˬ-aˬ, heu gaˇ nawˬ neh ya mawˇ-euˬ jawꞈ dui dui-eu gaˇ heu deuˬ hawˇ-eu, miˇ kʼahˬ doe ni yaw haiˬ jeˬ mˇ byah-eu tehꞈ-ehˇ nui kʼahˇ maˬ shiˇ-a. Uˬ duˬ tahˬ nymˇ nymˇ ma laꞈ kʼoeˇ kʼoeˇ loꞈ-ehˇ gʼeh-eu jeˬ paˇ mˇ-eu laꞈ kʼoeˇ ngaˇ nui ma pehˇ dzehˬ laˇ ni jahˇ luꞈ-eu meh. Ngaˬ-ahˇ kʼaˇ jahˇ doeˇ nehˬ nya-eu loꞈ-ehˇ jahˇ doeˇ nehˬ laꞈ gaˇ haw sheˇ.

Hawˇseˬ 7:1

Iˇsaˬleˬlaˆ tsawˇ haˬ deuˬ-ahˇ, naˇ gawˇ dawˬ tawˆ laˆ taˬ nehˬ-awˇ, paˇ bi dehꞈ doˆ laˇ ma ehˇ ngeh, ngaˬ-euˬ myaˆ-ahˇ mawˇ laˇ-eu-aˬ, aˬ yawꞈ maꞈ neh mˇ byah taˬ-euˬ, yaw haiˬ hawˇ-eu yaw cawˆ tehꞈ meh. Tiˬ gʼaˬ tiˇ gʼaˬ mehˇ shuiˇ shuiˇ-eu, aˬ cawˬ nymˇ-ahˇ smˇ kʼoeˬ kʼoeˬ-eu, gaˇ ma doe ni tahˇ joe joe-eu, heu deuˬ aˬ yawꞈ maꞈ mˇ-eu meh.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Aˬmoˆ 5:7

Yaw tsaˬ yaw dawˇ jeˬ-ahˇ sheu pyawˆ-awˇ, aˬ cawˬ kʼoeˇ taˆ myawꞈ dzaˬ shuiˇ dzaˬ-eu naw maꞈ deuˬ kʼoeˇ taˆ, dawˇ keuˆ le tehꞈ-a.

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.

Aˬmoˆ 6:3

Luˬ-iˇ seˇ-iˇ-eu aˇ nah keuˆ le luꞈ meh lehˇ ehˇ gaˇ naw maꞈ maˬ jah-a. Ehˇ kʼawꞈ, naw maꞈ-euˬ dehꞈ jeˬ dehꞈ kawˆ-ahˇ haw ngeh, aˇ nah kʼoeˇ nah yaw kawˇ-ehˇ keuˆ le ni mˇ luꞈ gaˇ duˇ-eu meh.

Aˬmoˆ 6:8

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ maˇ jawˆ ni ehˇ taˬ-euˬ meh. “Iˇsaˬleˬlaˆ tsawˇ haˬ nui ma huiˬ gaˇ mahˇ gaˇ ngaˇ maˬ haw nahˇ nya. Aˬ yawꞈ maꞈ dehꞈ byawˬ-eu gʼaˇ duˬ laˆ saˆ muiˬ taˬ-euˬ nymˇ nymˇ ma deuˬ-ahˇ ngaˇ maˬ haw nahˇ nya. Aˬ yawꞈ maꞈ-euˬ meuˬ meuˬ ma hawˇ-eu kʼoeˇ gaˇ kʼaˇ jaˆ-eu yawˬ jeˬ na luꞈ, muiˇ-eu deuˬ-euˬ aˬ laꞈ laꞈ kʼoeˇ ngaˇ a nehˬ ma.”

Miˇkaˬ 6:10

Haiˬ-eu tsawˇ haˬ deuˬ-euˬ nymˇ-ahˇ maˬ tsaˬ maˬ dawˇ-eu laꞈ kʼoeˇ laˆ za taˬ-euˬ pyuˇ shuiˇ jaˆ luꞈ meh. Ngaˇ bye dui dui-eu jeˬ pyeuꞈ-eu maˬ tsaˬ-eu kuˬ pehˬ daˇ dza deuˬ-ahˇ aˬ yawꞈ maꞈ zmˬ-eu meh.

Zeˬpaˬniˇ 1:9

Ngaˇ kʼehˬ nehˬ kʼaˆ nehˬ le ngeh nah, lawˇ ciꞈ zahˇ tawˬ-eu deuˬ hawˇ-eu, yawˬ ha sahˬ paˬ pyuˇ shuiˇ jaˆ ni, aˬ cawˬ-ahˇ nawˬ dzaˬ-eu deuˬ-ahˇ, ngaˇ yaw kʼaˆ kʼaˆ-ehˇ kʼehˬ nehˬ ma.”

2 Beˬtuˆluˆ 3:5

Aˇ hu ba Miˬyehˇ dawˬ biꞈ-awˇ mˬ hawˇ-eu miˇ-ahˇ beh-euˬ gaˇ kawˆ maˬ ehˇ, iˇ cuꞈ laꞈ kʼoeˇ neh miˇ tsaˬ heu-ahˇ beh doˆ-awˇ, iˇ cuꞈ-ahˇ gʼoe-awˇ miˇ tsaˬ tahˬ kʼawˇ heu bi pyeuꞈ doˆ laˇ-euˬ gaˇ kawˆ maˬ ehˇ, aˬ yawꞈ maꞈ diˇ daˬ-ehˇ maˬ siˬ nya-eu jahˇ geuꞈ-eu meh.