Aˬmoˆ 2:8 - Akha

⁸ Uˬ duˬ tahˬ-eu jawˇ duˬ yawˬ tsahˇ na luꞈ-ahˇ, shaˬ-eu zahˬ-eu tsawˇ haˬ deuˬ pyuˇ shaˇ paˇ gaˇ biꞈ daˇ taˬ-euˬ dm gʼaˬ dm lmˇ deuˬ kʼawˬ-awˇ, aˬ yawꞈ maꞈ yuꞈ-euˬ meh. Aˬ yawꞈ maꞈ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ, aˬ yawꞈ maꞈ-ahˇ dziˇ dzoˆ daˆ-eu deuˬ jawˇ gaˇ yuˇ-euˬ aˬ gaꞈ dzaˇ uiˇ dawˇ-eu meh.

Aˬmoˆ 2:8 ပူးပေါင်းရင်းမြစ်များ

Doˆ-iˇ 22:25

“Shaˬ-eu zahˬ-eu tsawˇ haˬ deuˬ-ahˇ nawˇ pyuˇ paˇ nehˬ ngeh, jiˇ jeuˬ yuˇ dzaˬ-eu pyuˇ paˇ-eu tsawˇ haˬ deuˬ loꞈ-ehˇ taˬ jahˇ.

Iˇsaˬyaˇ 57:7

Lawˇ-eu shehˇ-eu gʼaˇ duˬ hawˇ-eu kʼaˬ miˬ sheu-eu gʼaˇ duˬ, gawˬ jawˬ yaw goˇ-ahˇ naw maꞈ le-euˬ meh.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 23:41

Muiˬ dui dui-eu ja ciˬ kʼoeˇ taˆ aˬ yawꞈ nyaꞈ nuiˇ-awˇ, aˬ yawꞈ nyaꞈ-euˬ mehˬ shi hawˬ jeh ciˬ taˬ-awˇ, ngaˬ neh biꞈ taˬ-euˬ tsiˇ yaw saw jeˬ hawˇ-eu saˬ loˬ tsiˇ ciˬ daˆ-awˇ yaw muiˬ jeˬ gʼawˬ mya ni ciˬ daˆ taˬ-euˬ meh.

Hawˇseˬ 4:8

Ngaˬ-euˬ tsawˇ jeuˬ iˬ baˇ mˇ-eu, yawꞈ maꞈ dzaˬ gʼo doˆ-eu miˇ neh, iˬ baˇ ngehˬ mˇ ngehˬ mawꞈ-eu meh.

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Aˬmoˆ 3:14

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ kʼehˬ nehˬ ngeh nah, Beˬdeˬlaˇ meuˬ-ahˇ jaˆ-eu lawˇ duˬ kʼoeˇ deuˬ-ahˇ ngaˇ laˆ cawˆ ma. Lawˇ duˬ aˬ yawꞈ hmˬ yawꞈ-euˬ laꞈ coeˇ-ahˇ tsoꞈ-eu uˬ coeˇ dawˬ tawˆ luꞈ kʼehꞈ-iˇ jiˇ-awˇ, miˇ tsaˬ-ahˇ ga-iˇ tehꞈ-a.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Aˬmoˆ 6:4

Nahˬ yu ni gʼeh-eu ja ciˬ kʼoeˇ taˆ yuꞈ niˇ gʼa-awˇ, muiˬ dui dui-eu mawˇ neˇ hawˇ-eu yawˇ shaˬ jiˇ dzaˬ luꞈ-eu naw maꞈ deuˬ, aˇ naˆ ni noeˬ shaˬ paˬ-ehˇ gʼeh-eu nga.

Aˬmoˆ 6:6

Naw maꞈ naˬ bo bo ma-ahˇ neh aˬ gaꞈ dzaˇ uiˇ dawˇ-awˇ, muiˬ dui dui-eu tsiˇ yaw saw jeˬ zmˬ-eu meh. Ehˇ kʼawꞈ, Iˇsaˬleˬlaˆ miˇ kʼahˬ luˬ-iˇ seˇ-iˇ gaˇ naw maꞈ tsawˇ ngoeˇ maˬ ngoeˇ nehˬ-a.

1 Gawˇliˬtu 10:21

Sahˬpaˬ Yeˬsuˇ-euˬ kʼmˬ maˬ hawˇ-eu nehꞈ-euˬ kʼmˬ maˬ heu nyiˬ jeˬ luꞈ-ahˇ naw maꞈ maˬ dawˇ nya-a. Sahˬpaˬ Yeˬsuˇ-euˬ hawˬ jeh hawˇ-eu nehꞈ-euˬ hawˬ jeh heu nyiˬ jeˬ luꞈ-ahˇ naw maꞈ maˬ dzaˬ nya-a.

1 Gawˇliˬtu 10:7

Aˬ yawꞈ maꞈ tiˬ paˆ na deuˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ loꞈ-ehˇ aˬ dui maˬ ya tahˬ ni dzaw geuꞈ duˬ pyeuꞈ-eu meh. “Tsawˇ haˬ kʼoeˇ deuˬ nuiˇ-awˇ dzaˬ boˆ dawˇ boˆ boˆ-awˇ, tuˇ-awˇ gaˇ nyeh nyeh nyeh-ehˇ byawˬ gʼa mo gʼa-euˬ meh” lehˇ Jaˇliꞈ laꞈ kʼoeˇ boꞈ taˬ-euˬ meh.

1 Gawˇliˬtu 8:10

“Zaˬ siˬ tsawˇ gahˇ” ahˇ-eu deuˬ lehˇ kuˇ-eu naw maꞈ tahˬ pahˬ aˬ ma mawˇ kawˇ jaˆ-eu uˬ duˬ tahˬ nymˇ laꞈ kʼoeˇ dzaˬ luꞈ dawˇ luꞈ gaˇ, siˬ nya-eu nui ma gʼaˬ baˬ-eu tsawˇ haˬ tiˬ gʼaˬ ya mawˇ naˇ, tahˬ pahˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ ni gʼaˬ biꞈ nehˬ gaˇ maˬ duˇ-aˇ loˇ.

Yaˇ kʼaˬ daˇ 9:27

Aˬ yawꞈ maꞈ dawˬ tawˆ luꞈ aˬ gaꞈ yaˇ kmˇ-ahˇ aˬ gaꞈ aˇ siˬ pyaˆ laˬ-iˇ-awˇ, aˬ gaꞈ dzaˇ uiˇ jahˇ-awˇ bawˬ-iˬ gʼeh-euˬ meh. Aˬ yawꞈ maꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ maꞈ uˇ leˇ-awˇ, dzaˬ taꞈ dawˇ taꞈ-eu laꞈ kʼoeˇ, Aˬbiˇmaˬlehˆ-ahˇ ja bu ja doeˇ-awˇ yaˬ kʼehˇ yaˬ-euˬ meh.