Aˬmoˆ 2:14 - Akha

¹⁴ Cehˆ kawˇ nya dui dui-eu deuˬ kʼawꞈ, maˬ cehˆ dzeuˇ nya-aˇ. Gʼaˬ kʼaˆ-eu tsawˇ haˬ deuˬ kʼawꞈ gʼaˬ jiˇ-awˇ, yehˇ deuˬ kʼawꞈ yawˬ ha maˬ ya shiˇ ni maˬ teuˆ buˬ nya-aˇ.

Aˬmoˆ 2:14 ပူးပေါင်းရင်းမြစ်များ

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Jaceuq 33:16

Sahˬpaˬtiˬgʼaˬ guiˇmaꞈkʼaˆ-awˇ, guiˇdeuˆgʼaˬnya-eu maˬngeuˇ-a. Guiˇdzaˬaˬda gʼaˬkʼaˆshaˇ-awˇ, uˬkʼawˇdzeuˇni maˬmˇnya-a.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Yeˬlaˬmiˇ 25:35

Naw maꞈ ngaˬ-euˬ tsawˇ haˬ-ahˇ sheuˬ gʼeh luꞈ-eu deuˬ, buˬ-iˇ law-iˇ-eu gaˇ ma maˬ dahˇ-a.

Yeˬlaˬmiˇ 39:4

Kʼoeˇ loꞈ-ehˇ pyeuꞈ laˇ-euˬ gaˇ, sahˬ paˬ Zeˬdaˬkiˇ hawˇ-eu aˬ yawꞈ-euˬ yehˇ dawˬ tawˆ luꞈ ya mawˇ ngeh, uˬ ciꞈ paw meuˬ laꞈ nyiˇ cehˆ doˆ-eu lehˇ lehˬ hmˬ-euˬ meh. Sahˬ paˬ-euˬ yaˇ kmˇ paw neh aˬ yawꞈ maꞈ doˆ-iˇ-awˇ, meuˬ meuˬ lahˇ nyiˬ tiˆ yaw kaˬ-ahˇ dahˇ-eu lahˇ kʼehˬ-ahˇ neh iˇ doˆ-awˇ, Yawˇdaˬ lawˇ baˬ deh kʼawꞈ paw cehˆ dzeuˇ-euˬ meh.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Aˬmoˆ 5:9

Gʼaˬ kʼaˆ tsawˇ jeuˬ yawꞈ dehˬ coˬ-awˇ, yawꞈ maꞈ-euˬ taˆ laˆ cawˆ-euˬ meh.