Aˬmoˆ 1:9 - Akha

⁹ Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.

Aˬmoˆ 1:9 ပူးပေါင်းရင်းမြစ်များ

2 Saˬmeuˬlaˆ 5:11

Duˇlu sahˬ paˬ Hiˇlamˬ-aˬ, jeˬ gaꞈ gaꞈ taꞈ-eu gʼaˇ duˬ Daˬbiˇ jawˇ gaˇ tsawˇ haˬ pyehˬ gʼeh-awˇ, sahˬ paˬ-euˬ nymˇ tsoˆ-eu gʼaˇ duˬ shuˬ liˇ daˇ kawˬ maˬ ehˇ, laꞈ myawˬ laꞈ sawˆ nya-eu tsawˇ haˬ deuˬ maˬ ehˇ, kʼaˬ lo tsaˬ byaˆ gawˬ-eu paw tsawˇ gahˇ ahˇ-eu deuˬ maˬ ehˇ, kʼehˇ gʼeh-euˬ meh.

Jaceuq 83:7

Geˬbaˬlaˆ tsawˇ jeuˬ, Aˬmoˬ tsawˇ jeuˬ, Aˬmaˬlehˇ tsawˇ jeuˬ, Piˇtiˇtiˆ tsawˇ jeuˬ hawˇ-eu Duˇlu tsawˇ jeuˬ maˬ ehˇ,

Yeˬlaˬmiˇ 25:22

Duˇlu miˇ kʼahˬ hawˇ-eu Siˇdoˬ miˇ kʼahˬ-euˬ sahˬ paˬ dawˬ tawˆ luꞈ hawˇ-eu, gʼahˇ ceh-euˬ iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ-euˬ sahˬ paˬ deuˬ,

Yeˬlaˬmiˇ 47:4

Piˇliˇtiˆ-ahˇ laˆ cawˆ nehˬ-eu aˇ yamˬ keuˆ le-euˬ meh. Duˇlu hawˇ-eu Siˇdoˬ meuˬ-ahˇ ngehˬ gʼeh le-eu gaˇ ma, dawˬ tawˆ luꞈ bi deuˆ tsehˆ tehꞈ-a. Gaˬlaˬdeˬ laˆ shaˆ lawˇ deh paw neh jawˇ le-euˬ, Piˇliˇtiˆ tsawˇ haˬ kʼaˇ jawˇ kʼaˇ deuˬ-ahˇ Sahˬpaˬ Miˬyehˇ pyeuꞈ-eu ngaˇ laˆ cawˆ ma.

Yeˬsaˬgeˬlaˇ 27:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 27:27

Nawˬ-euˬ jeˬ gaꞈ myawˬ gahˬ dawˬ tawˆ, nawˬ-ahˇ yeuꞈ-eu tsawˇ haˬ dawˬ tawˆ, nawˬ-euˬ laꞈ saˇ maˇ deuˬ dawˬ tawˆ, nawˬ-euˬ baw gaꞈ dawˬ tawˆ hawˇ-eu, nawˬ-ahˇ dziˬ-eu yehˇ deuˬ dawˬ tawˆ, nawˇ laˆ shaˆ gʼahˇ ceh cawˆ-iˇ ngeh, dawˬ tawˆ luꞈ shiˇ byoˆ jiˇ-euˬ meh.

Yeˬsaˬgeˬlaˇ 28:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 28:18

Jeˬ gaꞈ jeˬ ka gʼeh-eu laꞈ kʼoeˇ, nawˇ yaw haiˬ mˇ myaˬ-euˬ miˇ neh, Nawˬ-euˬ uˬ duˬ tahˬ-eu jawˇ duˬ, jawꞈ dui doeˇ dui dui-iˇ-euˬ meh. Kʼoeˇ miˇ neh meuˬ-ahˇ keuˬ puiˆ-awˇ, miˇ tsa tuˆ ni bi puiˆ-euˬ ma. Nawˬ-ahˇ kʼaˇ haw-eu tsawˇ haˬ deuˬ, lehˇ tsaˇ tehꞈ-ehˇ ya mawˇ-eu meh.

Aˬmoˆ 1:11

Sahˬpaˬ Miˬyehˇ ehˇ-eu, “Eˬdoˬ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˇ jeuˬ aˇ ca pyeuꞈ-eu Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ shaˬ teh teh-eu loꞈ-ehˇ teh -awˇ, gʼawˬ shaˬ gaˬ-eu nui ma tiˬ pawꞈ-iˬ maˬ ahˇ-a. Aˬ yawꞈ maꞈ nui ma pehˇ-eu yaw li maˬ baw-ehˇ, tiˬ jawˇ-iˬ pehˇ taˬ-euˬ maˬ baw-a.

Aˬmoˆ 1:6

Sahˬpaˬ Miˬyehˇ ehˇ-eu, “Gaˬzaˬ meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni aˬ yawꞈ maꞈ nyehꞈ gʼeh-awˇ, aˬ cawˬ zaˬ kʼaˆ bi geuꞈ-eu gʼaˇ duˬ Eˬdoˬ miˇ kʼahˬ-ahˇ ahˬ dzaˬ-iˇ-euˬ meh.

Aaˇbaˬdiˇ 1:11

Muiˇ-eu deuˬ Yeˬluˇsaˬlehˬ-euˬ, meuˬ lahˇ laˇ gʼoˆ deh pyaˆ ngeh nah, nawˇ yahˇ pawˇ-awˇ yawꞈ luꞈ-eu meh. Yeˬluˇsaˬlehˬ meuˬ-euˬ myawˬ gahˬ, baꞈ doˆ gʼeh-awˇ biˇ geuꞈ jiˇ-euˬ, boeˇ miˬ siˬ kʼaˬ kʼoeˇ deuˬ loꞈ-ehˇ, nawˇ kʼawꞈ doeˇ dui dui-eu gʼaˬ meh.

Zaˬkaˬliˇ 9:1

Haˬdaˬlaˆ miˇ kʼahˬ-ahˇ maˬ ehˇ, Daˬmaˬsehˇ meuˬ kʼoeˇ meuˬ maˬ ehˇ, Sahˬpaˬ Miˬyehˇ kʼehˬ-eu jaˆ meh. Iˇsaˬleˬlaˆ tsawˇ jeuˬ uˬ taꞈ, Suˇliˆ meuˬ meuˬ ma kʼoeˇ meuˬ kʼawꞈ, Sahˬpaˬ Miˬyehˇ-ahˇ taꞈ-eu meh.

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 11:22

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, Duˇlu meuˬ hawˇ-eu Siˇdoˬ meuˬ naˆ maˬ tseˇ, naw nyaꞈ-ahˇ Miˬyehˇ kʼehˬ nehˬ laꞈ tehꞈ-a.

Luˇkaꞈ 10:13

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kawˆ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ nuiˇ luꞈ-eu maˬ siˬ.

Luˇkaꞈ 10:14

Ehˇ kʼawꞈ, Yaˇ kʼaˬ daˇ-eu Aˇ nah keuˆ le ngeh, Duˇlu meuˬ hawˇ-eu Siˇdoˬ meuˬ naˆ maˬ tseˇ, naw nyaꞈ nyiꞈ meuˬ-ahˇ Miˬyehˇ kʼehˬ nehˬ laꞈ tehꞈ-a.