Aˬmoˆ 1:8 - Akha

⁸ Aˬshaˬdoˇ meuˬ hawˇ-eu Aˬshaˇgaˬloˇ meuˬ-ahˇ uˆ lahˇ-eu tsawˇ haˬ deuˬ-ahˇ ngaˇ coeˇ tsehˆ ma. Eˇkaˬloˬ meuˬ-ahˇ ngaˇ kʼehˬ nehˬ kʼaˆ nehˬ-awˇ, kʼaˇ dzeˇ yaꞈ-euˬ Piˇliˇtiˆ tsawˇ haˬ dawˬ tawˆ luꞈ ya shiˇ tehꞈ-a.”

Aˬmoˆ 1:8 ပူးပေါင်းရင်းမြစ်များ

2 Laˬsaˬbaˬ 26:6

Piˇliˇtiˆ tsawˇ haˬ deuˬ-ahˇ aˬ yawꞈ guiˇ deuˆ-awˇ, Gaˬdaˇ meuˬ, Jmˬnyaˬ meuˬ hawˇ-eu Aˬshaˬdoˇ meuˬ heu deuˬ-euˬ meuˬ meuˬ lahˇ deuˬ-ahˇ aˬ yawꞈ laˆ byaˆ jiˇ-awˇ, Aˬshaˬdoˇ meuˬ dawˬ peh hawˇ-eu Piˇliˇtiˆ miˇ kʼahˬ doe ni ziꞈ dah ni gʼeh-eu meuˬ deuˬ aˬ yawꞈ tsoˆ-euˬ meh.

Jaceuq 81:14

Aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ ngaˇ kʼehˬ-awˇ, aˬ yawꞈ maꞈ-ahˇ bye-eu tsawˇ jeuˬ-ahˇ ngaˇ deuˆ gʼaˬ ma.

Iˇsaˬyaˇ 1:25

Nawˬ-ahˇ ngaˇ do yuˇ ma. Pyuˇ baw guiˇ-awˇ laˆ shawˇ geuꞈ-eu loꞈ-ehˇ, nawˬ-euˬ iˬ baˇ ngaˇ laˆ shawˇ ma.

Iˇsaˬyaˇ 20:1

Aˬshuˇliˆ sahˬ paˬ Saˬgoˬ neh, Aˬshuˇliˆ guiˇ maꞈ dawꞈ tawˆ luꞈ kʼoeˇ taˆ uˆ lahˇ-eu gʼaˬ-ahˇ dawˬ biꞈ-awˇ, Piˇliˇtiˆ miˇ kʼahˬ Aˬshaˬdoˇ meuˬ-ahˇ guiˇ bi deuˆ-iˇ-euˬ meh.

Yeˬlaˬmiˇ 47:1

Iˇjiˇtuˆ sahˬ paˬ Gaˬzaˬ meuˬ-ahˇ guiˇ maˬ deuˆ mi naˆ-ehˇ Piˇliˇtiˆ miˇ kʼahˬ-ahˇ taꞈ leˇ-eu Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬsaˬgeˬlaˇ 25:16

Kʼoeˇ miˇ neh, Piˇliˇtiˆ tsawˇ haˬ deuˬ-ahˇ deuˆ byoˆ leꞈ ma lehˇ ngaˇ ehˇ-eu ma. Piˇliˇtiˆ deh ga-ahˇ kʼaˇ dzeˇ yaꞈ-euˬ tsawˇ haˬ yawˬ gʼaˬ na luꞈ-ahˇ, ngaˇ laˆ cawˆ nehˬ ma.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

Aˬmoˆ 1:7

Kʼoeˇ miˇ neh Gaˬzaˬ meuˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ kʼoeˇ meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ bi puiˆ dzeh jiˇ ma.

Aˬmoˆ 3:9

Iˇjiˇtuˆ miˇ kʼahˬ hawˇ-eu Aˬshaˬdoˇ meuˬ-ahˇ sahˬ paˬ-euˬ hawˇ nymˇ deuˬ laꞈ kʼoeˇ jawˇ-eu deuˬ-ahˇ heu loꞈ-ehˇ ehˇ gaˬ nehˬ-awˬ. “Saˬmaˬliˆ meuˬ jawˬ jawˬ-ehˇ jaˆ-eu gawˬ duˇ-ahˇ uiˬ leˇ-awˇ, Saˬmaˬliˆ meuˬ laꞈ kʼoeˇ maˬ tsaˬ maˬ tsahˇ leˇ-ehˇ bahˬ gʼa luꞈ gaˇ hawˇ-eu tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ gaˇ haw-awˬ.”

Aaˇbaˬdiˇ 1:18

Yaˬkoˆ, Yoˇsehˆ-euˬ tsawˇ haˬ deuˬ, miˬ dzaˬ loꞈ-ehˇ duˇ leˇ tehꞈ-a. Jaˆ guˬ jaˆ gaˆ puiˆ-eu loꞈ-ehˇ, Iˇsawˇ-euˬ zaˬ deuˬ uˆ deuˬ-ahˇ, aˬ yawꞈ maꞈ laˆ cawˆ nehˬ tehꞈ-a. Iˇsawˇ-euˬ zaˬ deuˬ uˆ deuˬ-aˬ, tiˬ gʼaˬ-iˬ maˬ dzeuˇ-iˇ nya ni, ya shiˇ jiˇ gaˇ keuˆ tehꞈ-a lehˇ, ngaˇ Sahˬpaˬ Miˬyehˇ ehˇ-eu ma.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Zaˬkaˬliˇ 9:5

Kʼoeˇ loˇ pyeuꞈ laˇ-euˬ gaˇ mawˇ ngeh, Aˬshaˇgaˬloˇ meuˬ guˆ-iˇ-awˇ, Gaˬzaˬ meuˬ shaˬ zahˬ naꞈ leˇ-awˇ, Eˇkaˬloˬ meuˬ laˇ baˇ-iˇ-awˇ, noeˬ tmˬ-euˬ jeˬ byoˆ jiˇ tehꞈ-a. Gaˬzaˬ meuˬ sahˬ paˬ maˬ baw-ehˇ, Aˬshaˇgaˬloˇ byoˆ-iˇ tehꞈ-a.

Zaˬkaˬliˇ 9:6

Aˬshaˬdoˇ meuˬ tsawˇ keuˬ keuˬ-awˇ, Piˇliˇtiˆ nui ma huiˬ-eu jeˬ, aˇ saˬ saˬ ni ngaˇ zuiˆ nehˬ ma.

1 Saˬmeuˬlaˆ 6:17

Piˇliˇtiˆ tsawˇ haˬ deuˬ-aˬ, Aˬshaˬdoˇ meuˬ, Gaˬzaˬ meuˬ, Aˬshaˇgaˬloˇ meuˬ, Gaˬdaˇ meuˬ hawˇ-eu, Eˇkaˬloˬ meuˬ heu ngaˬ meuˬ, tiˬ meuˬ-euˬ mawˇ kawˇ tiˬ kawˇ doˇ-ehˇ, aˬ yawꞈ maꞈ-euˬ iˬ baˇ aˇ poeˬ shuiˇ maˇ cuˬ maˇ lu mawˇ kawˇ ngaˬ hmˬ Sahˬpaˬ Miˬyehˇ-ahˇ biꞈ gʼeh-euˬ meh.