Aˬmoˆ 1:4 - Akha

⁴ Kʼoeˇ miˇ neh, sahˬ paˬ Haˬzaˬlehˇ neh tsoˆ-euˬ sahˬ paˬ jawˇ-eu hawˇ nymˇ-ahˇ ngaˇ miˬ dzaˬ pyehˬ doꞈ-awˇ, ziꞈ dah ni tsoˆ taˬ-euˬ sahˬ paˬ Beˬhaˬdaˇ-euˬ taˆ nymˇ deuˬ-ahˇ ngaˇ miˬ dzaˬ keuˬ puiˆ dzeh ma.

Aˬmoˆ 1:4 ပူးပေါင်းရင်းမြစ်များ

1 Sahˬpaˬ 19:15

Sahˬpaˬ Miˬyehˇ ehˇ-eu, “Daˬmaˬsehˇ meuˬ dawˬ peh jaˆ-eu bawˇ tsahˬ bawˇ dahˇ-ahˇ gʼoꞈ leˇ-awˇ, meuˬ-ahˇ gʼoꞈ uˇ leˇ-awˇ, Haˬzaˬlehˇ-ahˇ tsiˇ lehꞈ nehˬ-awˇ, Suˇliˆ miˇ kʼahˬ-euˬ sahˬ paˬ ka nehˬ-awˬ.

2 Sahˬpaˬ 13:25

Kʼoeˇ naˇ, Iˇsaˬleˬlaˆ sahˬ paˬ Yeˬhawˇshaˆ neh Beˬhaˬdaˇ-ahˇ guiˇ smˬ poˆ deuˆ gʼaˬ-awˇ, Yeˬhawˇshaˆ-euˬ aˬ da Yeˬhawˇhaˆ gʼaˬ sahˬ paˬ geuꞈ-awˇ uˆ lahˇ ngeh Beˬhaˬdaˇ neh deuˆ geuꞈ taˬ-euˬ meuˬ deuˬ paˇ deuˆ kʼoꞈ geuꞈ-euˬ meh.

2 Sahˬpaˬ 13:3

Kʼoeˇ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, Suˇliˆ sahˬ paˬ Haˬzeˬlaˇ hawˇ-eu aˬ yawꞈ-euˬ aˬ li Beˬhaˬdaˇ aˬ nyaꞈ da zaˬ neh, Iˇsaˬleˬlaˆ miˇ kʼahˬ-ahˇ tiˬ poˆ saˇ-iˬ tiˬ poˆ bi deuˆ gʼaˬ-euˬ meh.

2 Sahˬpaˬ 6:24

Aˇ yamˬ ui cuiˆ myahˇ laˇ ngeh jawˇ, Suˇliˆ sahˬ paˬ Beˬhaˬdaˇ-aˬ, aˬ yawꞈ-euˬ guiˇ maꞈ dawˬ tawˆ luꞈ sheuˬ-awˇ, Iˇsaˬleˬlaˆ miˇ kʼahˬ-ahˇ guiˇ deuˆ-eu lehˇ oe-awˇ, Saˬmaˬliˆ meuˬ-ahˇ loꞈ jawˬ taˬ-euˬ meh.

2 Laˬsaˬbaˬ 16:2

Kʼoeˇ ngeh jawˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ nymˇ-ahˇ kʼaˇ jaˆ-eu pyuˇ hawˇ-eu shuiˇ deuˬ-ahˇ Aˬsaˬ yuˇ jiˇ-awˇ, Daˬmaˬsehˇ meuˬ-ahˇ jawˇ-eu Suˇliˆ miˇ kʼahˬ-euˬ sahˬ paˬ Beˬhaˬdaˇ jawˇ gaˇ bi biꞈ leˇ-awˇ, heu loꞈ-ehˇ bi tsaꞈ gaˬ leˇ-euˬ meh.

Yeˬlaˬmiˇ 17:27

Ehˇ kʼawꞈ, aˬ yawꞈ maꞈ ngaˬ-euˬ ehˇ dawˬ ya naˇ haˬ-awˇ, jawˇ nah-ahˇ nah muiˬ nah shawˇ aˇ nah loꞈ-ehˇ ya lah ya daw tehꞈ-a. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ laꞈ kʼoeˇ myawˬ sha doˆ sha ahˇ-eu jeˬ maˬ ya mˇ-a. Aˬ yawꞈ maꞈ kʼoeˇ loꞈ-ehˇ jahˇ naˇ, Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ ngaˇ miˬ dzaˬ keuˬ dzeh-awˇ, miˬ dzaˬ kʼoeˇ Yeˬluˇsaˬlehˬ meuˬ laꞈ kʼoeˇ jaˆ-eu sahˬ paˬ-euˬ nymˇ deuˬ-ahˇ puiˆ-awˇ, tiˬ gʼaˬ-iˬ maˬ laˆ miˇ nya ni puiˆ dzaˬ jiˇ tehꞈ-a.”

Yeˬlaˬmiˇ 49:27

Daˬmaˬsehˇ meuˬ-euˬ meuˬ lahˇ-ahˇ ngaˇ miˬ dzaˬ keuˬ dzeh-awˇ, sahˬ paˬ Beˬhaˬdaˇ-euˬ hawˇ nymˇ deuˬ bi puiˆ dzaˬ jiˇ tehꞈ-a lehˇ, ngaˇ Baoˬ huiˬ-eu Sahˬpaˬ Miˬyehˇ ehˇ-eu ma.”

Yeˬsaˬgeˬlaˇ 30:8

Iˇjiˇtuˆ-ahˇ ngaˇ dzah puiˆ-awˇ, caw ba le-eu deuˬ coˬ jiˇ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.

Yeˬsaˬgeˬlaˇ 39:6

Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Hawˇseˬ 8:14

“Iˇsaˬleˬlaˆ tsawˇ haˬ deuˬ-aˬ, beh-euˬ yaw sahˇ gʼaˬ-ahˇ ngehˇ-awˇ, sahˬpaˬ hawˇ nymˇ tsoˆ luꞈ-eu meh. Yuˇdaˆ tsawˇ haˬ meuˬ teˬ lahˬ-awˇ, ziꞈ dah ni gawˬ ziꞈ taˬ-euˬ meh. Ehˇ kʼawꞈ ngaˇ miˬ dzaˬ pyehˬ gʼeh-awˇ, aˬ yawꞈ maꞈ-euˬ hawˇ nymˇ hawˇ-eu meuˬ deuˬ-ahˇ bi puiˆ dzaˬ jiˇ ma.”

Aˬmoˆ 1:10

Kʼoeˇ miˇ neh, Duˇlu meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni jaˆ-eu nymˇ nymˇ ma deuˬ-ahˇ bi puiˆ dzeh ma.”

Aˬmoˆ 1:12

Kʼoeˇ miˇ neh, Teˬmaˬ meuˬ-ahˇ ngaˇ miˬ dzaˬ pyehˬ gʼeh-awˇ, Bawˇzaˬlahˬ meuˬ-ahˇ jaˆ-eu ziꞈ dah ni tsoˆ taˬ-euˬ nymˇ nymˇ ma deuˬ-ahˇ keuˬ puiˆ dzeh ma.”

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Aˬmoˆ 1:7

Kʼoeˇ miˇ neh Gaˬzaˬ meuˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ kʼoeˇ meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ bi puiˆ dzeh jiˇ ma.

Aˬmoˆ 2:2

Mawˇbaˆ miˇ kʼahˬ-ahˇ ngaˇ miˬ dzaˬ pyehˬ gʼeh leꞈ-awˇ, Kiˇliˇyoˆ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma. Yehˇ deuˬ guˇ guˇ-ehˇ daˇ heh baw-awˇ guiˇ deuˆ lawꞈ taˬ-euˬ yaw kaˬ-ahˇ, Mawˇbaˆ miˇ kʼahˬ-ahˇ jawˇ-eu tsawˇ haˬ deuˬ ya shiˇ tehꞈ-a.

Aˬmoˆ 2:5

Kʼoeˇ miˇ neh, Yuˇdaˆ miˇ kʼahˬ kʼoeˇ taˆ ngaˇ miˬ dzaˬ pyehˬ gʼeh leꞈ-awˇ, Yeˬluˇsaˬlehˬ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma.”

Yaˇ kʼaˬ daˇ 9:57

Giˇdoˬ-euˬ a li Yoˇdamˬ neh Sheˬkmˬ meuˬ-ahˇ jawˇ-eu tsawˇ haˬ deuˬ-ahˇ yaˬ kʼehˇ yaˬ-awˇ ehˇ nehˬ-euˬ loꞈ-ehˇ, Sheˬkmˬ tsawˇ haˬ deuˬ kʼawꞈ, aˬ yawꞈ maꞈ neh yaw haiˬ jeˬ mˇ-euˬ loꞈ-ehˇ paˇ ya daˬ ni, Miˬyehˇ kʼoeˇ loꞈ-ehˇ jahˇ kʼoꞈ nehˬ-euˬ meh.