Aaˇbaˬdiˇ 1:5 - Akha

⁵ Smˇ kʼoeˬ deuˬ nawˇ jawˇ gaˇ oe-awˇ, tahˇ joe deuˬ uˬ ciꞈ paw oe ngeh, aˬ yawꞈ maꞈ maˬ geuꞈ mawꞈ-eu jeˬ, maˬ yuˇ jiˇ ni byehˇ yaꞈ tehꞈ-a. Aˬ gaꞈ aˇ siˬ pyaˆ-eu deuˬ kʼawꞈ, maˬ pyaˆ jiˇ ni bi dzeˇ tehꞈ-a. Ehˇ kʼawꞈ, nawˬ-ahˇ muiˇ-eu kʼoeˇ deuˬ, nawˬ-ahˇ laˆ cawˆ-eu lehˇ oe ngeh, tiˬ jeˬ-iˬ maˬ bi dzeˇ yaꞈ-aˇ.

Aaˇbaˬdiˇ 1:5 ပူးပေါင်းရင်းမြစ်များ

2 Saˬmeuˬlaˆ 1:19

“Iˇsaˬleˬlaˆ nawˬ-euˬ kʼahˬ sehˇ, gawˬ jawˬ kʼoeˇ taˆ bi sehꞈ-euˬ meh. Baoˬ huiˬ dui dui-eu yehˇ kʼoeˇ deuˬ, aˬ joˆ-ehˇ bi sehꞈ byoˆ jiˇ taˬ.

Iˇsaˬyaˇ 14:12

Shawˬ ga shawˬ muiˇ-ahˇ duˇ-eu Baˬbuˇloˬ sahˬ paˬ-oˇ, mˬ kʼoeˇ taˆ neh aˬ joˆ-ehˇ ga ka le teˬ. Dzeuˇ laˇ ngeh tsawˇ jeuˬ dawˬ tawˆ luꞈ kʼoeˇ taˆ nawˬ tehˬ-euˬ tsawˇ haˬ, aˬ joˆ-ehˇ miˇ tsaˬ kʼoeˇ taˆ bi biˬ ka teˬ.

Iˇsaˬyaˇ 17:6

Iˇsaˬleˬlaˆ miˇ kʼahˬ-euˬ gaˇ kawˆ-aˬ, saˬ loˬ aˇ siˬ bi pyaˆ geuꞈ jiˇ-awˇ, uˬ laꞈ yaw awˆ-ahˇ oeˬ siˬ ngaˬ siˬ ngeuˬ-eu, saˬ loˬ aˇ bawˇ loꞈ-ehˇ guiˬ lahˬ doeˇ tehꞈ-a lehˇ, Iˇsaˬleˬlaˆ miˇ kʼahˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 24:13

Miˇ tsaˬ kʼoeˇ taˆ jaˆ-eu miˇ kʼahˬ dawˬ tawˆ kʼoeˇ taˆ, kʼoeˇ loꞈ-ehˇ keuˆ le tehꞈ-a. Uˬ pyaˬ uˬ laꞈ bi diˬ juˆ-euˬ saˬ loˬ aˇ bawˇ hawˇ-eu, aˇ siˬ bi pyaˆ cuˆ jiˇ-euˬ aˬ gaꞈ baw duˆ loꞈ-ehˇ jaˆ tehꞈ-a.

Yeˬlaˬmiˇ 49:9

Aˬ gaꞈ aˇ siˬ pyaˆ ngeh maˬ pyaˆ jiˇ ni ui cuiˆ bi dzeˇ yaꞈ-awˇ, uˬ ciꞈ paw tahˇ joe deh ngeh kʼawꞈ, kʼaˇ mawꞈ-eu jeˬ tehꞈ-ehˇ yuˇ geuꞈ gʼeh-eu meh.

Yeˬlaˬmiˇ 50:23

Baˬbuˇloˬ miˇ kʼahˬ-aˬ, miˇ tsaˬ dawˬ tawˆ luꞈ-ahˇ diˬ puˬ neh kʼoˆ meuˇ jiˇ-euˬ meh. Nymˬ-mˇ poˆ jawˇ diˬ puˬ kʼoeˇ kʼehꞈ-iˇ kʼoeˆ-iˇ-awˇ, miˇ kʼahˬ kʼoeˇ kʼahˬ kʼoeˇ taˆ kʼoeˇ loꞈ-ehˇ keuˆ le-euˬ gaˇ, tsawˇ jeuˬ dawˬ tawˆ luꞈ tsawˬ guˆ-iˇ-eu meh.

Yeˬlaˬmiˇ 6:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ siˬ juˆ dzeh jiˇ-euˬ aˬ gaꞈ yaˇ kmˇ loꞈ-ehˇ, Iˇsaˬleˬlaˆ tsawˇ jeuˬ byoˆ-iˇ laˆ-iˇ tehꞈ-a. Kʼoeˇ baˬ da neh aˇ yamˬ jaˆ ngeh, ka kʼoꞈ nya-eu deuˬ-ahˇ nawˇ ya ka kʼoꞈ nehˬ meh.”

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Aaˇbaˬdiˇ 1:9

Teˬmaˬ meuˬ-euˬ guiˇ deuˆ zaˬ deuˬ, guˆ dui dui-eu laˇ baˇ-iˇ-awˇ, Eˬdoˬ meuˬ-euˬ yehˇ dawˬ tawˆ luꞈ, bi sehꞈ byoˆ jiˇ gaˇ keuˆ tehꞈ-a.

Miˇkaˬ 7:1

Ngaˇ nui ma cawˆ dui dui miˇ-a. Aˇ siˬ tiˬ siˬ-iˬ maˬ ngeuˬ-eu aˇ siˬ aˇ bawˇ hawˇ-eu aˬ gaꞈ baw duˆ-ahˇ tahˬ puˬ le-euˬ mehꞈ-eu shuꞈ-eu tsawˇ haˬ tiˬ gʼaˬ-ahˇ duˇ miˇ-a. Aˬ gaꞈ aˇ siˬ hawˇ-eu kuiˇ dui dui-eu siˬ guˬ maˇ sheuˇ aˇ siˬ dawˬ tawˆ luꞈ pyaˆ cuˬ jiˇ taˬ-euˬ meh.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Dawˬmehˬ 24:21

Nawˇ aˬ gaꞈ aˇ siˬ pyaˆ uiˬ ngeh, nyiˬ poˆ maˬ ya pyaˆ poˆ-a. Dzeˇ yaꞈ-euˬ deuˬ-ahˇ, boeˇ miˬ shiˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ gʼaˇ duˬ ya taˬ yaꞈ meh.

Panmaeq 18:10

Aˬ yawꞈ maꞈ-aˬ, aˬ yawꞈ-euˬ shaˬ zahˬ ya caw pi gaˇ guˆ-eu miˇ neh gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ ehˇ-eu, “Aˇ naˆ ni guˆ laˇ paˬ-ehˇ gʼeh-eu nga. Aˇ naˆ ni zahˬ leˇ paˬ-ehˇ gʼeh-eu nga. Baoˬ huiˬ dui dui-eu Baˬbuˇloˬ-oˇ, nawˇ-aˬ, naˬ liˬ tiˬ laꞈ laꞈ kʼoeˇ tehꞈ-ehˇ bi kʼehˬ byoˆ leꞈ-euˬ ngaˇ.”