Aaˇbaˬdiˇ 1:14 - Akha

¹⁴ Cehˆ dzeuˇ-eu lehˇ leh jeh luꞈ-eu, aˬ yawꞈ maꞈ-ahˇ nyehꞈ-eu gʼaˇ duˬ, gaˇ tsmˇ doe ni naw maꞈ taˬ yawꞈ. Aˬ yawꞈ maꞈ noeˬ dui noeˬ duiˇ ngeh, 2 aˬ yawꞈ maꞈ-ahˇ naw maꞈ nyehꞈ-awˇ muiˇ-eu deuˬ-euˬ aˬ laꞈ laꞈ kʼoeˇ, a nehˬ-eu jeˬ naw maꞈ taˬ mˇ.

Aaˇbaˬdiˇ 1:14 ပူးပေါင်းရင်းမြစ်များ

Aˇ dahˬ 35:3

Aˬ dui maꞈ heu gaˇ neh doˆ-iˇ-awˇ, Beˬdeˬlaˇ-ahˇ jawˇ-iˇ ma. Shaˬ-eu zahˬ-eu jeˬ-ahˇ ngaˇ ya tahˬ puˬ ngeh, ngaˬ-ahˇ caw ba-awˇ, ngaˇ kʼaˇ iˇ kʼaˇ laˇ gaˇ ngaˬ nehˬ-ehˇ jawˇ-eu laꞈ kʼoeˇ, ngaˬ-ahˇ haw piˇ nehˬ laꞈ-eu Miˬyehˇ-euˬ gʼaˇ duˬ, lawˇ duˬ tiˬ tsahˇ kʼoeˇ gaˇ tsoˆ ma.”

Jaceuq 31:8

muiˇ-eu deuˬ-euˬ aˬlaꞈlaꞈkʼoeˇ, maˬbi ahˇleˇni tsahˇdzeuˇ-awˇ, kʼahˬbya lawˬbya jeˇlo gʼeh gaˇ, kuiˇka ciˬpaˇnehˬlaꞈ-euˬmeh.

Iˇsaˬyaˇ 16:3

Aˬ yawꞈ maꞈ Yuˇdaˆ tsawˇ haˬ-ahˇ ehˇ-eu, “Aˬ joˆ-ehˇ jahˇ paˬ nga lehˇ mehˬ nehˬ laꞈ sheˇ. Nahˇ tsaˇ kʼaˆ ngeh aˇ bawˇ naˇ shmˇ awˆ-eu loꞈ-ehˇ, naw maꞈ-euˬ naˇ shmˇ uˬ moˆ gʼaˬ naˬ bi naˬ laꞈ-awˇ, ngehˬ gʼeh dah teˬ laꞈ-awˬ. Uˬ duˬ tahˬ shaˇ duˬ poˆ-eu nga maꞈ-ahˇ, tiˬ poˆ sheuˬ zaꞈ nehˬ laꞈ.

Iˇsaˬyaˇ 16:4

Naw maꞈ miˇ kʼahˬ laꞈ kʼoeˇ nga maꞈ-ahˇ bi jawˇ laꞈ-awˇ, nga maꞈ-ahˇ laˆ cawˆ mawꞈ-eu deuˬ maˬ bi laˇ ni, haw teˬ haw piˇ laꞈ-awˬ.” (Kʼehˬ-eu kʼaˆ-eu jeˬ hawˇ-eu laˆ luˬ laˆ seˇ-eu jeˬ aˇ saˬ saˬ le tehꞈ-a. Miˇ kʼahˬ-ahˇ laˆ cawˆ le-eu deuˬ iˇ byoˆ jiˇ tehꞈ-a.

Iˇsaˬyaˇ 37:3

Aˬ yawꞈ maꞈ-ahˇ Iˇsaˬyaˇ jawˇ gaˇ heu loꞈ-ehˇ bi ehˇ iˇ-euˬ meh. “Iˬ nah-aˬ, noeˬ shaˬ noeˬ zahˬ-eu aˇ nah meh. Zaˬ ciˬ deˇ le-awˇ maˬ ciˬ doˆ nya ni shaˬ gaˇ duˇ miˇ-a.

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Aˬmoˆ 1:6

Sahˬpaˬ Miˬyehˇ ehˇ-eu, “Gaˬzaˬ meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni aˬ yawꞈ maꞈ nyehꞈ gʼeh-awˇ, aˬ cawˬ zaˬ kʼaˆ bi geuꞈ-eu gʼaˇ duˬ Eˬdoˬ miˇ kʼahˬ-ahˇ ahˬ dzaˬ-iˇ-euˬ meh.

Aˬmoˆ 1:9

Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.

Aaˇbaˬdiˇ 1:12

Nawˬ-euˬ aˬ yuiꞈ aˬ nyiˇ pyeuꞈ-eu, Yuˇdaˆ miˇ kʼahˬ shaˬ zahˬ mˇ gaˇ, nawˇ nui kʼahˇ shiˇ-eu maˬ tsaˬ-a. Aˬ yawꞈ maꞈ luˬ-iˇ seˇ-iˇ ngeh, nawˇ laˬ kʼaˬ cehˇ-eu maˬ tsaˬ-a. Aˬ yawꞈ maꞈ noeˬ dui noeˬ duiˇ ngeh, nawˇ uiˇ haw nehˬ-eu maˬ tsaˬ-a.

Maꞈtehˬ 22:9

Kʼoeˇ miˇ neh, gaˇ jawˬ doe ni iˇ-awˇ, kʼaˇ mawˇ le-eu tsawˇ haˬ deuˬ-ahˇ, oeˇ mˇ baˇ-eu bawˬ-iˬ gʼeh gaˇ laˇ-awˬ lehˇ kuˇ laˬ-iˇ-awˬ.’