Aaˇbaˬdiˇ 1:13 - Akha

¹³ Aˬ yawꞈ maꞈ shaˬ zahˬ naꞈ luꞈ ngeh, naw maꞈ nui kʼahˇ tiˬ shiˇ haw-awˇ, pyuˇ shuiˇ myawˬ gahˬ ceh geuꞈ-eu lehˇ, ngaˬ-euˬ tsawˇ jeuˬ-euˬ meuˬ kʼoeˇ-ahˇ, nawˇ coeˬ uˇ leꞈ-eu maˬ tsaˬ-a.

Aaˇbaˬdiˇ 1:13 ပူးပေါင်းရင်းမြစ်များ

2 Saˬmeuˬlaˆ 16:12

Ngaˇ ya daˬ luꞈ-eu jeˬ-ahˇ Sahˬpaˬ Miˬyehˇ haw mawˇ-awˇ, iˬ nah ngaˬ-euˬ kʼoeˇ taˆ heu loꞈ-ehˇ yaˬ kʼehˇ yaˬ nehˬ laꞈ-euˬ aˇ poeˬ, guiˬ lahˬ biꞈ laꞈ-eu aˇ nah baw tehꞈ-a.”

Yawˇbaˆ 31:29

Ngaˬ-ahˇ muiˇ-eu deuˬ shaˬ zahˬ naꞈ gaˇ ngaˇ laˬ kʼaˬ maˬ cehˇ-ehˇ, luˬ-iˇ seˇ-iˇ-eu jeˬ-ahˇ aˬ yawꞈ maꞈ tahˬ puˬ ngeh ngaˇ nui kʼahˇ maˬ shiˇ-aˬ.

Jaceuq 22:17

Ngaˬ-euˬshaˬyoeˬ gui jiˇnya-awˇ, muiˇ-eu deuˬ-ahˇ tmˬleˇ-euˬmeh.

Yeˬlaˬmiˇ 46:21

Aˬ yawꞈ neh aˇ poeˬ biꞈ-awˇ kuˇ-euˬ yehˇ deuˬ kʼawꞈ, mawˇ neˇ mawˇ zaˬ loˆ ni tehꞈ meh. Aˬ yawꞈ maꞈ yawꞈ daˬ-awˇ guiˇ maˬ deuˆ ni, dawˬ tawˆ luꞈ cehˆ byoˆ jiˇ tehꞈ-a. Yaw cawˆ jeˬ oꞈ-eu aˇ nah keuˆ le-awˇ, ya luˬ ya seˇ-iˇ-eu aˇ yamˬ keuˆ le-euˬ meh.

Yeˬsaˬgeˬlaˇ 35:10

“Sahˬpaˬ Miˬyehˇ pyeuꞈ-eu ngaˇ, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-euˬ Miˬyehˇ pyeuꞈ luꞈ-eu kʼawꞈ, miˇ kʼahˬ kʼoeˇ nyiˬ kʼahˬ hawˇ-eu kʼoeˇ gaˇ kʼaˇ taꞈ-eu miˇ tsaˬ deuˬ, nawˇ yuˇ ma lehˇ ehˇ-eu meh.

Yeˬsaˬgeˬlaˇ 35:5

“Nawˇ-aˬ, Iˇsaˬleˬlaˆ miˇ kʼahˬ-ahˇ maˬ tsehˆ leˇ ni muiˇ-awˇ, aˬ yawꞈ-euˬ iˬ baˇ baˬ da neh, aˬ yawꞈ gʼaˇ duˬ aˇ saˬ saˬ-eu kʼehˬ-euˬ kʼaˆ-eu jeˬ keuˆ le-awˇ, aˬ yawꞈ shaˬ zahˬ naꞈ dui dui luꞈ ngeh jawˇ, aˬ yawꞈ-euˬ tsawˇ haˬ deuˬ-ahˇ aˬ cawˬ neh bi sehꞈ ni jahˇ-euˬ meh.

Yeˬsaˬgeˬlaˇ 36:2

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Aˇ hu ba neh jaˆ-euˬ gawˬ jawˬ kʼoeˇ deuˬ, nymˬ-mˇ poˆ jawˇ-aˬ nga maꞈ-euˬ ma’ lehˇ Iˇsaˬleˬlaˆ-ahˇ muiˇ-eu deuˬ ehˇ luꞈ-eu meh.

Yeˬsaˬgeˬlaˇ 36:3

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ gʼaˇ duˬ nawˇ ngehˬ dah-eu laꞈ kʼoeˇ, heu loꞈ-ehˇ ehˇ nehˬ-awˬ. Dawˬ peh jawˇ-eu aˬ cawˬ tsawˇ jeuˬ kʼoeˇ deuˬ Iˇsaˬleˬlaˆ gawˬ jawˬ deuˬ-ahˇ deuˆ gʼaˬ-awˇ, pyuˇ shuiˇ myawˬ gahˬ deuˬ ceh geuꞈ ngeh, aˬ yawꞈ maꞈ dawˬ tawˆ luꞈ Iˇsaˬleˬlaˆ miˇ kʼahˬ-ahˇ kʼaˇ ehˇ doeˇ mawꞈ-eu ehˇ doeˇ-euˬ meh.

Zaˬkaˬliˇ 1:15

Nui saˇ oꞈ-awˇ ciˬ cuˇ ni jawˇ luꞈ-eu miˇ kʼahˬ deuˬ-ahˇ ngaˇ nui ma pehˇ dui dui nya. Ngaˬ-euˬ tsawˇ haˬ deuˬ-ahˇ ngaˇ nui ma pehˇ-eu jeˬ ui cuiˆ tehꞈ kʼawꞈ, aˬ yawꞈ maꞈ ngaˬ-euˬ tsawˇ haˬ deuˬ-ahˇ aˇ dzehˬ dzeuˇ ni kʼehˬ-euˬ kʼaˆ-euˬ meh.