Aaˇbaˬdiˇ 1:1 - Akha

¹ Heu-aˬ, Miˬyehˇ gʼaˇ duˬ Awˇbaˬdiˇ neh ngehˬ dah-euˬ dawˬ deuˬ meh. Eˬdoˬ miˇ kʼahˬ-euˬ gaˇ kawˆ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. Sahˬpaˬ Miˬyehˇ gʼaˬ kʼehˇ pyehˬ-awˇ, miˇ kʼahˬ doe ni bi tsaꞈ gaˬ-euˬ, dawˬ kʼoeˇ nga maꞈ ya gaˬ-euˬ ma. “Lehˬ hmˬ-awˬ. Eˬdoˬ miˇ kʼahˬ-ahˇ, aˬ dui guiˇ deuˆ-iˇ-eu lehˇ ma.

Aaˇbaˬdiˇ 1:1 ပူးပေါင်းရင်းမြစ်များ

Aˇ dahˬ 25:30

“Nawˬ-euˬ dzaˇ yaw neˇ teu ngaˬ-ahˇ ui cuiˆ bi dzaˬ laꞈ sheˇ” lehˇ, Yaˬkoˆ-ahˇ ehˇ nehˬ-euˬ meh. (Kʼoeˇ miˇ neh, Iˇsawˇ-ahˇ aˬ cawˬ Eˬdoˬ lehˇ kuˇ-euˬ meh.)

Aˇ dahˬ 36:8

Kʼoeˇ miˇ neh, gawˬ jawˬ gawˬ duˇ gʼawˬ mya ni jaˆ-eu Eˬdoˬ miˇ kʼahˬ paw Iˇsawˇ jawˇ daˆ leˇ-euˬ meh.

Aˇ dahˬ 36:9

Heu-aˬ, Eˬdoˬ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Iˇsawˇ-euˬ zaˬ deuˬ uˆ deuˬ meh.

Jaceuq 137:7

Yeˬluˇsaˬlehˬ meuˬ-ahˇ deuˆ gʼaˬ ngeh nah, Eˬdoˬ tsawˇ haˬ deuˬ neh jahˇ nehˬ laꞈ-euˬ jeˬ-ahˇ taˬ ngehˇ. “Meuˬ teu meuˬ miˇ tsa tuˆ ni laˆ meuˇ nehˬ-awˬ” lehˇ, aˬ yawꞈ maꞈ ehˇ nawˆ nawˆ-euˬ gaˇ taˬ ngehˇ.

Iˇsaˬyaˇ 21:11

Heu-aˬ, Eˬdoˬ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Eˬdoˬ miˇ kʼahˬ-ahˇ neh tsawˇ haˬ tiˬ gʼaˬ ngaˬ-ahˇ guˇ-awˇ ehˇ-eu, “Meuˬ-ahˇ loꞈ-eu gʼaˬ-oˇ, uˬ bya aˬ myah bya laˇ ta. Uˬ bya aˬ myah bya laˇ-eu gʼeh ta leˇ.”

Iˇsaˬyaˇ 21:12

Ngaˇ heu loꞈ-ehˇ ehˇ kʼoꞈ nehˬ-euˬ ma. “Uˬ bya bya laˇ-eu dawˬ peh peh laˇ luꞈ meh. Ehˇ kʼawꞈ, uˬ ciꞈ tiˬ poˆ paˇ ciꞈ le tehꞈ-a. Nawˇ tiˬ poˆ paˇ naˇ haˬ mawꞈ naˇ, Laˇ-awˇ naˇ haˬ laˇ-awˬ.”

Iˇsaˬyaˇ 30:4

Iˇjiˇtuˆ meuˬ nyiˬ meuˬ pyeuꞈ-eu, Zoˇnaˆ hawˇ-eu Haˬneˬ meuˬ-ahˇ, aˬ yawꞈ maꞈ-euˬ tsawˇ kaˬ deuˬ oe keuˆ taˬ-euˬ kʼawꞈ,

Yeˬlaˬmiˇ 25:17

Kʼoeˇ naˇ, Sahˬpaˬ Miˬyehˇ ciˬ luꞈ-eu kʼmˬ maˬ kʼoeˇ kʼmˬ ngaˇ ciˬ-awˇ, Sahˬpaˬ Miˬyehˇ neh ngaˬ-ahˇ kʼehˇ gʼeh-euˬ tsawˇ jeuˬ dawˬ tawˆ luꞈ jawˇ gaˇ iˇ-awˇ, ciˬ nehˬ-awˇ bi dawˇ-euˬ ma.

Yeˬlaˬmiˇ 25:21

Eˬdoˬ miˇ kʼahˬ, Mawˇbaˆ miˇ kʼahˬ hawˇ-eu, Aˬmoˬ-euˬ zaˬ deuˬ uˆ deuˬ,

Yeˬlaˬmiˇ 51:46

Aˬ cawˬ ja gaˇ naˇ haˬ-awˇ, guˆ-awˇ gʼaˬ taˬ baˬ. Aˬ yawꞈ kʼoꞈ yawꞈ, tiˬ kʼoꞈ tiˬ jeˬ ja byah luꞈ-eu ya gaˬ meh. Miˇ kʼahˬ cawˆ-iˇ-eu gaˇ kawˆ hawˇ-eu sahˬ paˬ tiˬ gʼaˬ tiˇ gʼaˬ guiˇ deuˆ-eu gaˇ kawˆ ya gaˬ luꞈ meh.

Yeˬsaˬgeˬlaˇ 35:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yawˇlaˆ 3:19

“Iˇjiˇtuˆ hawˇ-eu Eˬdoˬ-aˬ, Yuˇdaˆ miˇ kʼahˬ-ahˇ guiˇ deuˆ-awˇ, maˬ lehˬ maˬ ca-eu tsawˇ haˬ-ahˇ, shiˬ sehꞈ yoeˇ-euˬ jaˆ-eu miˇ neh, Iˇjiˇtuˆ miˇ kʼahˬ byoˆ le-awˇ, kʼaˇ shuiꞈ deh ga pyeuꞈ-iˇ tehꞈ-a. Eˬdoˬ miˇ kʼahˬ gʼeh byoˆ le-awˇ, bawˇtsahˬ bawˇdahˇ pyeuꞈ-iˇ tehꞈ-a.

Miˇkaˬ 2:13

Aˬ yawꞈ maꞈ-ahˇ Miˬyehˇ gaˇ ma pah nehˬ-awˇ, aˬ cawˬ neh nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ sheuˬ doˆ nehˬ tehꞈ-a. Meuˬ meuˬ lahˇ-ahˇ aˬ yawꞈ maꞈ tahˬ paˆ doˆ-awˇ, ya buˬ ya law-iˇ tehꞈ-a. Aˬ yawꞈ maꞈ-euˬ sahˬ paˬ pyeuꞈ-eu Sahˬpaˬ Miˬyehˇ-euˬ mawˇ do aˬ yawꞈ maꞈ-ahˇ sheuˬ doˆ gʼeh tehꞈ-a.

Maꞈtehˬ 24:6

Dawˬ peh guiˇ deuˆ luꞈ-eu teˇ saˇ hawˇ-eu, gaˇ mahˇ kaˬ gaˇ guiˇ deuˆ-eu gaˇ kawˆ naw maꞈ-ahˇ gaˬ laˇ tehꞈ-a. Ehˇ kʼawꞈ, naw maꞈ taˬ tsawˬ guˆ-iˇ. Kʼoeˇ loꞈ-ehˇ gʼeh-eu jeˬ yaw beh keuˆ le tehꞈ-a. Ehˇ kʼawꞈ, aˇ saˬ saˬ-eu aˇ yamˬ keuˆ le-euˬ maˬ ngeuˇ-a siˬ.

Maˬkuˆ 13:7

Dawˬ peh guiˇ deuˆ luꞈ-eu teˇ saˇ hawˇ-eu, gaˇ mahˇ kaˬ gaˇ guiˇ deuˆ luꞈ-eu gaˇ kawˆ naw maꞈ ya gaˬ ngeh, taˬ tsawˬ guˆ-iˇ. Kʼoeˇ loꞈ-ehˇ gʼeh-eu jeˬ yaw beh keu le tehꞈ-a. Ehˇ kʼawꞈ, aˇ saˬ saˬ-eu aˇ yamˬ keuˆ le-euˬ maˬ ngeuˇ-a siˬ.