3 Yoˇhaˬ 1:14 - Akha

¹⁴ Gʼawˬ myahˇ maˬ gʼeh-ehˇ nawˬ-ahˇ ngaˇ ya tahˬ dzoeˇ-awˇ, nawˬ nehˬ-ehˇ ya ja cawˬ tehꞈ-a lehˇ ngaˇ noeˬ tmˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Ghawqmyanr maqghae-aer nawq-anr myavpyawq tanqdzoer-awr dawqja ya jacawq-eu gar, ngar noeqtmq luf-eu ma. Nawr nuisar of luf-ur. Aqdui-euq cawqdeuq, nawq-anr dawqcawq puqanr lef-euq mae. Cawqdeuq tiqghaq sair tiqghaq-anr dawqcawq puqdan naeqlaf law de-eq.

3 Yoˇhaˬ 1:14 ပူးပေါင်းရင်းမြစ်များ

Aˇ dahˬ 43:23

Zaˬ kʼaˆ kʼoeˇ gʼaˬ ehˇ-eu, “Taˬ noeˬ shaˬ. Taˬ guˆ. Nawˬ ha mehˇ nmˇ aˬ da-euˬ Miˬyehˇ pyeuꞈ-eu naw maꞈ-euˬ Miˬyehˇ neh naw maꞈ gʼaˇ duˬ shaˇ noeˬ-awˇ, naw maꞈ-euˬ cehˇ pehˇ zeuˇ laꞈ kʼoeˇ pyuˇ kʼoeˇ deuˬ paˇ dawˆ ahˇ kʼoꞈ nehˬ laꞈ-euˬ tehꞈ-a. Naw maꞈ neh cehˇ aˇ poeˬ biꞈ laꞈ-euˬ pyuˇ kʼoeˇ-aˬ, kʼoeˇ ngeh neh ngaˇ yuˇ-euˬ ma lehˇ ehˇ-eu meh. Kʼoeˇ naˇ, zaˬ kʼaˆ kʼoeˇ gʼaˬ neh, Suˇmoˬ-ahˇ aˬ yawꞈ maꞈ jawˇ gaˇ sheuˬ laꞈ-euˬ meh.

Daˬyeˬlaˇ 4:1

Miˇ tsaˬ kʼoeˇ taˆ kʼaˇ jawˇ-eu miˇ kʼahˬ dawˬ tawˆ luꞈ hawˇ-eu tsawˇ jeuˬ dawˬ tawˆ luꞈ-ahˇ, sahˬ paˬ Neˬbuˬkaˬneˬzaˬ heu loꞈ-ehˇ dawˬ tsaꞈ tsaꞈ ahˇ gʼeh-euˬ meh. “Naw maꞈ dawˬ tawˆ luꞈ nui saˇ oꞈ luꞈ-uˇ.

Yoˇhaˬ 10:3

Gʼoˆ kʼehˬ-ahˇ loꞈ-eu gʼaˬ aˬ yawꞈ-ahˇ laˇ gʼoˆ pah nehˬ-awˇ, yawˇ deuˬ aˬ yawꞈ-euˬ teˇ saˇ ya gaˬ-awˇ, aˬ yawꞈ-euˬ yawˇ deuˬ-ahˇ aˬ yawꞈ tsawˇ myahˇ kuˇ kuˇ-ehˇ laꞈ nyiˇ sheuˬ doˆ gʼeh-eu meh.

Yoˇhaˬ 20:19

Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Gaˬlaˬtiˆ 5:16

Ngaˇ ehˇ mawꞈ-eu-aˬ, heu loꞈ-ehˇ ma. Yaw sahˇ Miˬyehˇ sheuˬ gʼeh-eu mehˬ nah caw teh-awˬ. Shiˬ shaˬ jiˇ nui kʼahˇ mehˬ nah taˬ iˇ.

Eˇpeˇsu 6:23

Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ nui saˇ oꞈ-eu jeˬ maˬ ehˇ, gʼoeˇ-eu gaˬ-eu jeˬ maˬ ehˇ, jah-eu jeˬ maˬ ehˇ, aˬ yuiꞈ aˬ nyiˇ Ka li zaˬ dawˬ tawˆ luꞈ kʼoeˇ taˆ jaˆ luꞈ-uˇ.

1 Beˬtuˆluˆ 5:14

Ka li zaˬ cawˬ cawˬ gʼoeˇ-eu gaˬ-eu jeˬ-ahˇ taꞈ-eu shawˇ jehˆ ni gʼeh-eu mehˬ cuˇ cuˇ-eu jeˬ laꞈ kʼoeˇ, tiˬ gʼaˬ tiˇ gʼaˬ dawˬ cawˬ puˬ-awˇ ha-awˬ. Ka li-ahˇ taꞈ-eu tsawˇ haˬ pyeuꞈ-eu naw maꞈ dawˬ tawˆ luꞈ kʼoeˇ taˆ nui saˇ oꞈ-eu jeˬ jaˆ luꞈ-uˇ.

2 Yoˇhaˬ 1:12

Ngaˇ naw maꞈ-ahˇ ehˇ nehˬ mawꞈ-eu gʼawˬ mya ni jaˆ-eu ma. Ehˇ kʼawꞈ, sahˬ gʼaˬ hawˇ-eu sahˬ uiˇ neh boꞈ-awˇ maˬ paˇ ehˇ ma. Ngaˬ-euˬ mawˇ do naw maꞈ jawˇ gaˇ laˇ-awˇ, myaˆ pyawˬ tahˬ dzoeˇ-awˇ ehˇ nehˬ ma lehˇ noeˬ tmˬ taˬ-euˬ ma. Kʼoeˇ Loꞈ-ehˇ ngeuˇ naˇ, aˬ dui laˬ kʼaˬ cehˇ-eu jeˬ byah dzehˬ tehꞈ-a.