2 Yoˇhaˬ 1:6 - Akha

⁶ Gʼoeˇ-eu gaˬ-eu jeˬ lehˇ ngaˇ ehˇ luꞈ-eu heu-aˬ, Miˬyehˇ-euˬ dawˬ-ahˇ naˇ haˬ geuꞈ gaˇ ehˇ mawꞈ-eu ma. Naw maꞈ dawˬ tawˆ luꞈ aˇ dahˬ beh ngeh neh ya gaˬ taˬ-euˬ dawˬ heu dawˬ-aˬ, naw maꞈ dawˬ tawˆ luꞈ gʼoeˇ-eu gaˬ-eu jeˬ laꞈ kʼoeˇ ya dehꞈ meh lehˇ ehˇ-eu kʼoeˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Gaq-eu laer aer-eu-aq, Miqyaer nae dawq biftaq-euq lof-aer daef-eu gar aer-eu mae. Tiqghaq tirghaq gaq-awq laer biftaq-euq dawq khoerdawq-anr yawbae ngae nae, nawmaf yagaq-euq mae. Nawmaf khoerlof-aer daef-eu tsaq mae.

2 Yoˇhaˬ 1:6 ပူးပေါင်းရင်းမြစ်များ

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

Yoˇhaˬ 14:21

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Dawˬmehˬ 13:4

Sahˬpaˬ Miˬyehˇ-euˬ mehˬ nah caw teh-awˇ, aˬ yawꞈ-ahˇ guˆ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ laꞈ kʼoeˇ ziꞈ-awˬ.

1 Yoˇhaˬ 2:24

Kʼoeˇ miˇ neh, aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-ahˇ nui ma laꞈ kʼoeˇ ziꞈ dah ni tuˆ tehˬ taˬ-awˬ. Guiˬ lahˬ dawˬ kʼoeˇ-ahˇ naw maꞈ tuˆ tehˬ taˬ naˇ, Zaˬmaˇ hawˇ-eu Aˬda Miˬyehˇ laꞈ kʼoeˇ naw maꞈ aˬ myah luꞈ jawˇ tehꞈ-a.

1 Yoˇhaˬ 2:5

Ehˇ kʼawꞈ, Miˬyehˇ-euˬ ehˇ dawˬ kʼaˇ naˇ haˬ geuꞈ-eu tsawˇ haˬ-aˬ, aˬ yawꞈ-euˬ laꞈ kʼoeˇ Miˬyehˇ-ahˇ gaˬ-eu jeˬ byah laˇ gʼaˬ-euˬ meh. Kʼoeˇ loꞈ-ehˇ naˇ haˬ geuꞈ-eu laꞈ kʼoeˇ, aˬ dui aˬ yawꞈ laꞈ kʼoeˇ jawˇ-eu tsawˇ haˬ pyeuꞈ-eu gaˇ kawˆ yaw duˬ yaw ciˇ baw-eu meh.

1 Yoˇhaˬ 2:7

Ngaˇ gaˬ dui dui-eu cawˬ deuˬ-oˇ, ngaˇ naw maꞈ-ahˇ boꞈ ahˇ laꞈ-euˬ dawˬ heu deuˬ-aˬ, yaw shuiꞈ maˬ ngeuˇ. Aˇ dahˬ beh ngeh neh naw maꞈ-ahˇ biꞈ-euˬ dawˬ yaw oeˇ kʼoeˇ ma. Dawˬ yaw oeˇ kʼoeˇ-aˬ, naw maꞈ-ahˇ mehˬ nehˬ-euˬ guiˬ lahˬ dawˬ kʼoeˇ meh.

1 Yoˇhaˬ 5:15

Aˬ dui kʼaˇ shaˇ ngeh aˬ yawꞈ naˇ haˬ nehˬ laꞈ meh lehˇ aˬ dui siˬ duˬ taˬ-euˬ miˇ neh, aˬ dui neh aˬ yawꞈ-ahˇ kʼaˇ shaˇ-euˬ jeˬ biꞈ laꞈ meh lehˇ aˬ dui siˬ nya-eu ma.

1 Yoˇhaˬ 5:3

Aˬ dui Miˬyehˇ-ahˇ gaˬ-eu lehˇ ehˇ-eu kʼoeˇ-aˬ, aˬ yawꞈ-euˬ dawˬ-ahˇ naˇ haˬ geuꞈ gaˇ ehˇ-eu meh. Aˬ yawꞈ-euˬ dawˬ-aˬ, aˬ dui maˬ caw teh nya paˬ-ehˇ shaˬ-eu jeˬ maˬ ngeuˇ-a.

2 Yoˇhaˬ 1:5

Ngaˇ gaˬ dui dui-eu zaˬ miˬ zaˬ-oˇ, nawˬ-ahˇ ngaˇ heu loꞈ-ehˇ shaˇ-eu ma. Aˬ dui tiˬ gʼaˬ tiˇ gʼaˬ gaˬ kaˇ-euˇ. Ngaˇ nawˬ-ahˇ dawˬ yaw shuiꞈ boꞈ ahˇ laꞈ-euˬ maˬ ngeuˇ. Aˇ dahˬ beh ngeh neh aˬ dui-ahˇ biꞈ laꞈ-euˬ dawˬ kʼoeˇ dawˬ boꞈ ahˇ laꞈ-eu ma.