2 Tiˆmoˇseˬ 4:3 - Akha

³ Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqjeq mirnae aernar-aq, tsaq-awr tsanr-eu dawqmaeq dawqtsov-anr maq narhaq nanr-eu aryamq keuvle taef-a. Aqyawfmaf narhaq mawf-eu jeq taef-aer narhaq-awr, yawqha-euq nuima-anr tsaqni maeq-awr tsov-eu saqlaq ghawqmya ghaq povuiq taef-a.

2 Tiˆmoˇseˬ 4:3 ပူးပေါင်းရင်းမြစ်များ

1 Sahˬpaˬ 18:22

Kʼoeˇ naˇ, Eˇliˇyaˆ ehˇ-eu, “Sahˬpaˬ Miˬyehˇ gʼaˇ duˬ ngehˬ dah-eu deuˬ laꞈ kʼoeˇ, ngaˇ tiˬ gʼaˬ dzeˇ-eu tehꞈ ma. Ehˇ kʼawꞈ, Baˬlaˇ miˬ yehˇ gʼaˇ duˬ ngehˬ dah-eu oeˬ yaˇ ngaˬ tseˇ gʼaˬ jawˇ luꞈ meh.

1 Sahˬpaˬ 22:18

Yeˬhawˇshaˬpaˇ-ahˇ Aˬhaˆ ehˇ nehˬ-eu, “Tsawˇ haˬ heu gʼaˬ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-a lehˇ, ngaˇ nawˬ-ahˇ ehˇ-euˬ maˬ tsaˬ nga loˇ. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah-eu meh.”

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

Doˆ-iˇ 32:33

Sahˬpaˬ Miˬyehˇ ehˇ-eu, “Ngaˬ-ahˇ mˇ lehˬ-euˬ tsawˇ haˬ deuˬ-euˬ tsawˇ myahˇ deuˬ tehꞈ-ehˇ, ngaˬ-euˬ sahˬ boꞈ laꞈ kʼoeˇ ngaˇ shiˆ byoˆ ma.

Iˇsaˬyaˇ 28:12

Gʼaˬ doeˇ dah-eu jeˬ hawˇ-eu nui saˇ oꞈ-eu jeˬ, naw maꞈ-ahˇ aˬ yawꞈ mehˬ kʼawꞈ, aˬ yawꞈ ehˇ gaˇ naw maꞈ maˬ naˇ haˬ-a.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬlaˬmiˇ 27:9

Kʼoeˇ miˇ neh, Baˬbuˇloˬ sahˬ paˬ uˆ lahˇ-eu uˬ moˆ taˬ jawˇ lehˇ, naw maꞈ-ahˇ kʼaˇ ehˇ laˇ-eu, Miˬyehˇ gʼaˇ duˬ ngehˬ dah-eu deuˬ, nyiˇ paˬ shaˆ ma deuˬ, mah loˬ ja maw nya-eu deuˬ hawˇ-eu, yuꞈ maˆ maˆ mawˇ nya-eu deuˬ-euˬ dawˬ-ahˇ, naw maꞈ taˬ naˇ haˬ.

Yeˬlaˬmiˇ 29:8

Naw maꞈ nehˬ-ehˇ jawˇ luꞈ-eu Miˬyehˇ gʼaˇ duˬ ngehˬ dah-eu deuˬ hawˇ-eu, mehˬ hu paw pyeuꞈ laˇ-eu gaˇ kawˆ ehˇ duˬ nya ma lehˇ kʼaˇ ehˇ-eu tsawˇ haˬ deuˬ neh, naw maꞈ-ahˇ mehˇ shuiˇ maˬ ya bi shuiˇ tawˆ ni yahˇ-awˬ lehˇ, Iˇsaˬleˬlaˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ dawˬ biꞈ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja gaˇ, naw maꞈ tiˬ pawꞈ-iˬ taˬ naˇ haˬ.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Luˇkaꞈ 20:19

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu piˇ ma aˬ yuiꞈ deuˬ, Yeˬsuˇ-ahˇ tiˬ poˆ tehꞈ-ehˇ nyehꞈ-eu lehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ ja-eu kʼoeˇ aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ gʼoˆ siˬ-euˬ meh. Ehˇ kʼawꞈ, tsawˇ haˬ aˇ maꞈ-ahˇ aˬ yawꞈ maꞈ guˆ-eu miˇ neh maˬ nyehꞈ peuˬ-a.

Luˇkaꞈ 6:26

“Tsawˇ haˬ dawˬ tawˆ luꞈ naw maꞈ-ahˇ ja ceuˬ laˇ ngeh, naw maꞈ ya noeˬ shaˬ dui dui meh. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu jaˬ myawꞈ deuˬ-ahˇ kʼawꞈ, aˬ yawꞈ maꞈ-euˬ aˬ poeˬ aˬ bawˇ deuˬ neh kʼoeˇ loꞈ-ehˇ ja ceuˬ nehˬ-euˬ meh.

Yoˇhaˬ 8:45

Ehˇ kʼawꞈ, ngaˇ-aˬ, yaw tsaˬ yaw dawˇ jeˬ ngehˬ-eu ma. Kʼoeˇ miˇ neh, naw maꞈ ngaˬ-ahˇ maˬ jah-eu meh.

Gʼaˬkʼehˇ 17:21

Aˬteˬ meuˬ-ahˇ jawˇ-eu tsawˇ haˬ dawˬ tawˆ luꞈ maˬ ehˇ, aˬ cawˬ miˇ kʼahˬ-ahˇ neh laˇ-awˇ kʼoeˇ gaˇ jawˇ luꞈ-eu deuˬ maˬ ehˇ, shuiꞈ teˇ poˬ ni pyeuꞈ le keuˆ le-euˬ gaˇ kawˆ deuˬ ja-eu, naˇ haˬ-eu, heu-euˬ gʼaˇ duˬ tehꞈ-ehˇ aˇ yamˬ bi jiˇ luꞈ-eu meh.

1 Gawˇliˬtu 2:1

Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ jawˇ gaˇ oe-awˇ Miˬyehˇ-euˬ zaꞈ taꞈ-euˬ yaw tsaˬ yaw dawˇ jeˬ gaˇ kawˆ mehˬ le ngeh, za siˬ tsawˇ gahˇ naꞈ dui dui-eu dawˬ yaw huiˬ ngehˬ le-euˬ maˬ ngeuˇ.

1 Gawˇliˬtu 2:4

Ngaˬ neh ngehˬ-euˬ tmˇ-euˬ dawˬ deuˬ hawˇ-eu dawˬ mehˬ mehˬ-euˬ gaˇ kawˆ-aˬ, tsawˇ haˬ zaˬ-euˬ zaˬ siˬ tsawˇ gahˇ-ahˇ gʼoe-awˇ mehˇ shuiˇ shuiˇ le-euˬ maˬ ngeuˇ. Yaw sahˇ Miˬyehˇ-euˬ baoˬ gaˇ kawˆ saˇ kiˇ kamˬ le-euˬ tehꞈ ma.

Gaˬlaˬtiˆ 4:16

Nymˬ-mˇ ngaˇ naw maꞈ-ahˇ yaw tsaˬ yaw dawˇ jeˬ ehˇ nehˬ-euˬ miˇ neh, ngaˇ naw maꞈ-ahˇ muiˇ-eu tsawˇ haˬ pyeuꞈ shaw taˬ loˇ.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

2 Tiˆmoˇseˬ 1:13

Ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ nawˇ dzaw geuꞈ-awˇ caw teh-eu laꞈ kʼoeˇ, ziꞈ dah ni tuˆ tehˬ taˬ-awˇ, Yeˬsuˇ Ka li laꞈ kʼoeˇ aˬ dui za taˬ-euˬ jah-eu jeˬ hawˇ-eu gʼoeˇ-eu gaˬ-eu jeˬ laꞈ kʼoeˇ jawˇ-awˬ.

Yuˇdaˆ 1:18

“Aˇ saˬ saˬ-eu aˇ nah aˇ yamˬ keuˆ le ngeh, naw maꞈ-ahˇ kʼaˇ ehˇ mawꞈ-eu ehˇ niˇ gʼa-awˇ Miˬyehˇ-ahˇ yaw zeu maˬ baw-eu jeˬ pyeuꞈ-eu yawˬ ha-euˬ nui kʼahˇ mehˬ nah caw teh-eu tsawˇ haˬ deuˬ doˆ le tehꞈ-a” lehˇ, naw maꞈ-ahˇ ehˇ taˬ-euˬ meh.