2 Tiˆmoˇseˬ 4:16 - Akha

¹⁶ Yaˇ kʼaˬ daˇ duˬ-ahˇ ngaˬ-euˬ gaˇ kawˆ yaw beh poˆ ngaˇ ciˬ daˬ leˇ ngeh, yawˬ gʼaˬ na luꞈ ngaˬ-ahˇ byehˇ dzeh nehˬ laꞈ-euˬ meh. Aˬ yawꞈ maꞈ-ahˇ Miˬyehˇ iˬ baˇ pyehˬ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Yarkhaq darduq-anr, ngaq-euq garkawv ngar yawbae pov jashawler ngae, yawqghaq navluf, ngaq-anr byaerdzae naeqlaf-awr ngaq-anr cawba naeqlaf-eu tiqghaq-iq maqjawr-a. Aerkhawf, iqbax heu aqyawf maf-euq khoertav taqtaq.

2 Tiˆmoˇseˬ 4:16 ပူးပေါင်းရင်းမြစ်များ

Maˬkuˆ 14:50

Kʼoeˇ ngeh, zaˬ lahˇ dawˬ tawˆ luꞈ aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Luˇkaꞈ 12:11

“Naw maꞈ-ahˇ yaˇ kʼaˬ bi daˇ-eu lehˇ, uˬ duˬ tahˬ nymˇ-ahˇ maˬ ehˇ, miˇ kʼahˬ sahˬ paˬ sahˬ ma jawˇ gaˇ maˬ ehˇ, a cawˬ naw maꞈ-ahˇ sheuˬ gʼeh ngeh, aˬ joˆ-ehˇ ya ehˇ kʼoꞈ nehˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ kʼahˬ taˬ lahˇ.

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Gʼaˬkʼehˇ 22:1

“Aˬ yuiꞈ aˬ nyiˇ deuˬ-oˇ, ngaˬ-euˬ gaˇ kawˆ naw maꞈ-ahˇ ngaˇ ngehˬ kʼoꞈ gaˇ tiˬ poˆ naˇ haˬ sheˇ” lehˇ ehˇ nehˬ-euˬ meh.

Gʼaˬkʼehˇ 25:16

Ehˇ kʼawꞈ, aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. ‘Nga maꞈ Loˇmaˆ tsawˇ haˬ-aˬ, mˇ bahˬ-euˬ tsawˇ haˬ hawˇ-eu aˬ yawꞈ-ahˇ yaˇ kʼaˬ ja mawꞈ-eu tsawˇ haˬ yaw kaˬ bi tahˬ dzoeˇ-awˇ, nyiˬ paw luꞈ yawˬ ha gaˇ kawˆ bi dzawˇ gʼaˬ miˇ tsa maˬ ngeuˇ naˇ, mˇ bahˬ-euˬ tsawˇ haˬ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-eu zahˇ sahˇ kʼoꞈ maˬ jaˆ-a’ lehˇ ehˇ nehˬ-euˬ ma.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

1 Gawˇliˬtu 13:5

Gʼoeˇ-eu gaˬ-eu jeˬ-aˬ, aˬ cawˬ-ahˇ yehˬ bawˬ sehˇ lu-ehˇ maˬ gʼeh-a. Yawˬ ha-euˬ nui kʼahˇ maˬ poˆ-a. Nui ma pehˇ laˇ-eu maˬ kawˇ-a.

1 Gawˇliˬtu 9:3

Aˬ cawˬ ngaˬ-ahˇ pyehˆ tseˇ laˇ naˇ, ngaˇ heu loꞈ-ehˇ ehˇ kʼoꞈ nehˬ ma.

2 Gawˇliˬtu 7:11

Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

Piˇliˇpiˆ 1:17

Yawˬ deuˬ yawˬ-aˬ, nui ma dawˇ coe ni taˬ-awˇ Ka li gaˇ kawˆ mehˬ-eu maˬ ngeuˇ-a. Yawˬ ha gʼaˇ duˬ shaˇ noeˬ-awˇ mˇ-eu tehꞈ meh. Ngaˇ heu gaˇ tawˬ-ahˇ uˇ luꞈ ngeh aˬ yawꞈ maꞈ ngaˬ-ahˇ heu naˆ maˬ tseˇ laˆ shaˬ nehˬ laꞈ mawꞈ-eu meh.

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

2 Tiˆmoˇseˬ 1:15

Piˬgeˬluˇ hawˇ-eu Heˬlaˇmoˇjeˬ aˬ nyaꞈ ahˇ leˇ-ehˇ, Aˬshaˆ miˇ kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ ngaˬ-ahˇ byehˇ dzeh yaꞈ jiˇ-euˬ nawˇ siˬ nya luꞈ meh.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

2 Tiˆmoˇseˬ 4:15

Aˬ yawꞈ-ahˇ yaw kʼaˆ-ehˇ yahˇ-awˬ. Aˬ jeˬ miˇ neh ehˇ naˇ, aˬ dui Miˬyehˇ dawˬ kawˬ mehˬ gaˇ aˬ yawꞈ muiˇ-eu meh.

1 Beˬtuˆluˆ 3:15

Ehˇ kʼawꞈ, naw maꞈ-euˬ nui ma laꞈ kʼoeˇ Ka li-ahˇ yaw zeu baw-awˇ, aˬ yawꞈ-ahˇ Sahˬpaˬ loꞈ-ehˇ taˬ huiˬ taˬ mahˇ-awˬ. Naw maꞈ-euˬ laꞈ kʼoeˇ ahˇ-eu noeˬ tmˬ taˬ-euˬ gaˇ kawˆ kʼaˇ naˇ haˬ laˇ-eu tsawˇ haˬ-ahˇ yaw muiˬ paˬ-ehˇ ja mehˬ nehˬ nya ni, aˬ myah luꞈ lehˬ hmˬ taˬ-awˬ.