2 Tiˆmoˇseˬ 4:11 - Akha

¹¹ Luˇkaꞈ tiˬ gʼaˬ tehꞈ-ehˇ ngaˬ nehˬ-ehˇ jawˇ yaꞈ-euˬ meh. Nawˇ laˇ ngeh Maˬkuˆ-ahˇ sheuˬ laꞈ-awˬ. Aˬ jeˬ miˇ neh ehˇ naˇ, ngaˇ gaˇ mˇ gaˇ aˬ yawꞈ caw ba nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ngaq naeq-aer-aq, Lurkaf jawr-eu taef mae. Maqkuv-anr cawq-awr, nawq naeq-aer sheuqcaw laf-awq. Aqjeq mirnae aernar-aq, aqyawf-aq, ngar guiqlanq-euq gar mr-eu gar gardanr tsoeq-eu mae.

2 Tiˆmoˇseˬ 4:11 ပူးပေါင်းရင်းမြစ်များ

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Maꞈtehˬ 19:30

Ehˇ kʼawꞈ, heu ziˇ-ahˇ aˬ cawˬ mehˬ hu jawˇ luꞈ-eu tsawˇ haˬ gʼawˬ mya ni, aˬ kaˇ kaˇ ziˇ-ahˇ aˬ cawˬ mehˬ nah ya jawˇ-awˇ, heu ziˇ-ahˇ aˬ cawˬ mehˬ nah jawˇ luꞈ-eu tsawˇ haˬ gʼawˬ mya ni, aˬ kaˇ kaˇ ziˇ-ahˇ aˬ cawˬ mehˬ hu ya jawˇ tehꞈ-a.

Maꞈtehˬ 20:16

“Kʼoeˇ gaˇ duˇ ni, heu ziˇ-ahˇ aˬ cawˬ mehˬ hu jawˇ-eu tsawˇ haˬ-aˬ, aˬ kaˇ kaˇ ziˇ-ahˇ aˬ cawˬ mehˬ nah ya jawˇ-awˇ, heu ziˇ-ahˇ aˬ cawˬ mehˬ nah jawˇ-eu tsawˇ haˬ-aˬ, aˬ kaˇ kaˇ ziˇ-ahˇ aˬ cawˬ mehˬ hu ya jawˇ tehꞈ-a.”

Luˇkaꞈ 13:30

Kʼoeˇ ngeh jawˇ, nymˬ-mˇ aˬ cawˬ mehˬ nah jawˇ luꞈ-eu tsawˇ haˬ tiˬ paˆ na deuˬ aˬ cawˬ mehˬ hu ya jawˇ-awˇ, nymˬ-mˇ aˬ cawˬ mehˬ hu jawˇ luꞈ-eu tsawˇ haˬ tiˬ paˆ na deuˬ aˬ cawˬ mehˬ nah ya jawˇ tehꞈ-a.”

Gʼaˬkʼehˇ 12:12

Gaˇ kawˆ kʼoeˇ deuˬ-ahˇ aˬ yawꞈ siˬ duˬ gʼaˬ ngeh, Maˬkuˆ lehˇ kʼawꞈ kuˇ-eu Yoˇhaˬ-euˬ aˬ ma pyeuꞈ-eu Maˬliˇ-euˬ nymˇ-ahˇ iˇ-euˬ meh. Tsawˇ haˬ gʼawˬ mya ni kʼoeˇ gaˇ uiˬ leˇ-awˇ guiˬ lahˬ shaˇ luꞈ-eu meh.

Gʼaˬkʼehˇ 12:25

Baˬnaˬbaˇ hawˇ-eu Sawˇluˆ aˬ nyaꞈ-aˬ, aˬ yawꞈ nyaꞈ ya mˇ-eu saˬ saˬ naˬ gaˇ mˇ luiˆ yaꞈ-awˇ, Maˬkuˆ lehˇ kʼawꞈ kuˇ-eu Yoˇhaˬ-ahˇ sheuˬ-awˇ, Yeˬluˇsaˬlehˬ meuˬ-ahˇ neh gʼoꞈ daˆ leˇ-euˬ meh.

Gʼaˬkʼehˇ 15:37

Baˬnaˬbaˇ-aˬ, Maˬkuˆ lehˇ kuˇ-eu Yoˇhaˬ-ahˇ kʼawꞈ sheuˬ gʼeh mawꞈ-eu meh.

Gʼaˬkʼehˇ 15:39

Aˬ yawꞈ nyaꞈ yaw kaˬ gaˇ kawˆ kʼoeˇ yaw kʼaˆ-ehˇ ja dzaˬ-awˇ gʼawˬ-iˇ-euˬ meh. Baˬnaˬbaˇ gʼaˬ Maˬkuˆ-ahˇ sheuˬ-awˇ, Guˇbaˬluˇ iˇ jaw lahˇ-ahˇ lawˬ dziˬ-awˇ iˇ-euˬ meh.

Gʼaˬkʼehˇ 16:10

Yaw sahˇ laꞈ kʼoeˇ Pawˇluˆ kʼoeˇ loꞈ-ehˇ ya siˬ ya mawˇ gʼaˬ-euˬ nehˬ-ehˇ, Maˬgeˬdawˇniˆ miˇ kʼahˬ-ahˇ le-eu gʼaˇ duˬ nga maꞈ tiˬ poˆ tehꞈ-ehˇ lehˬ hmˬ-euˬ ma. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ bi mehˬ leˇ-eu gʼaˇ duˬ, Miˬyehˇ nga maꞈ-ahˇ kuˇ le-euˬ ngaˇ lehˇ nga maꞈ noeˬ tsehˆ-euˬ ma.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)

Gawˇlawˇsehˇ 4:14

Naˇ gawˇ laˆ saˆ-eu tsawˇ haˬ tiˬ gʼaˬ pyeuꞈ-eu aˬ dui zawˇ gaˬ-eu saˬ laˬ gʼoˬ Luˇkaꞈ hawˇ-eu Deˬmaˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh.

2 Tiˆmoˇseˬ 1:15

Piˬgeˬluˇ hawˇ-eu Heˬlaˇmoˇjeˬ aˬ nyaꞈ ahˇ leˇ-ehˇ, Aˬshaˆ miˇ kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ ngaˬ-ahˇ byehˇ dzeh yaꞈ jiˇ-euˬ nawˇ siˬ nya luꞈ meh.

2 Tiˆmoˇseˬ 2:21

Tsawˇ haˬ tiˬ gʼaˬ na, yaw haiˬ jeˬ kʼoeˇ deuˬ dawˬ tawˆ luꞈ-ahˇ yawˬ haˇ yawˬ ha shawˇ dzeh jiˇ naˇ, huiˬ-eu gaˇ gʼaˇ duˬ aˬ yawꞈ-ahˇ zmˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, yaw sahˇ gʼaˬ-ahˇ gʼawˇ mawˇ aˬ nehˬ taˬ-euˬ gaˇ dahˇ tsoeˬ-eu jeˬ pyeuꞈ-awˇ, yaw muiˬ jeˬ mˇ-eu gʼaˇ duˬ bi zmˬ-eu lehˇ lehˬ hmˬ dah taˬ-euˬ jeˬ pyeuꞈ-eu meh.

Piˇleˇmoˬ 1:24

Kʼoeˇ loꞈ-ehˇ duˇ ni, ngaˬ-euˬ gaˇ mˇ cawˬ deuˬ pyeuꞈ-eu Maˬkuˆ, Aˬliˬdaˬguˇ, Deˬmaˆ, Luˇkaꞈ aˬ ha oeˬ gʼaˬ kʼawꞈ, naw maꞈ-ahˇ dawˬ cawˬ puˬ-ahˇ laꞈ-euˬ meh.

1 Beˬtuˆluˆ 5:13

Naw maꞈ loꞈ-ehˇ Miˬyehˇ neh tseˇ doˆ taˬ-euˬ Ka li zaˬ aˇ muˇ pyeuꞈ-eu Baˬbuˇloˬ meuˬ-ahˇ jawˇ-eu Ka li zaˬ aˇ muˇ kʼoeˇ muˇ, naw maꞈ-ahˇ dawˬ cawˬ puˬ ahˇ laꞈ-euˬ meh. Ngaˬ li lehˇ ehˇ nya-eu Maˬkuˆ gʼeh naw maꞈ-ahˇ dawˬ cawˬ puˬ ahˇ laꞈ-euˬ meh.