2 Tiˆmoˇseˬ 3:9 - Akha

⁹ Ehˇ kʼawꞈ, aˬ yawꞈ maꞈ gʼawˬ mahˇ ni iˇ gʼeh kʼaˇ maˬ za-a. Aˬ jeˬ miˇ neh ehˇ naˇ, aˬ yawꞈ maꞈ aˇ naˆ ni dzawˬ-eu gaˇ kawˆ tsawˇ haˬ yawˬ gʼaˬ na luꞈ siˬ duˬ mawˇ duˬ tehꞈ-a. Kʼoeˇ-aˬ, Yaˬneˬ hawˇ-eu Yaˬbeˬ aˬ nyaꞈ pyeuꞈ dzeuˇ yaꞈ-euˬ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aerkhawf, aqyawfmaf maeqhu paw maq irganr nya-a. Aqjeq mirnae aernar-aq, tsawrhaq khoer nyiq ghaq zaqsiq tsawrganr maqanr nga laer tsawrhaq dawqtawv luf-euq maeqshi byacaevni dovlar-euq lof-aer, tsawrhaq heudeuq khawf, zaqsiq tsawrganr maqanr nga laer byacaevni dovlar taef-a.

2 Tiˆmoˇseˬ 3:9 ပူးပေါင်းရင်းမြစ်များ

1 Sahˬpaˬ 22:25

Miˇkaˬyaˇ ehˇ-eu, “Nymˇ naˇ kʼah paw nawˇ ya cehˆ zaꞈ-iˇ-eu aˇ yamˬ keuˆ le ngeh, gaˇ kawˆ heu nawˇ ya siˬ duˬ tehꞈ-a.”

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Doˆ-iˇ 7:11

Kʼoeˇ ngeh, sahˬ paˬ kʼoeˇ gʼaˬ, mah loˬ nya-eu deuˬ hawˇ-eu, zaˬ siˬ nui gahˇ ahˇ dui dui-eu aˬ yawꞈ-euˬ tsawˇ haˬ deuˬ kuˇ uiˬ-awˇ, tsawˇ haˬ kʼoeˇ deuˬ kʼawꞈ, aˬ yawꞈ maꞈ-euˬ mah loˬ loˬ-eu tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ-euˬ meh.

Doˆ-iˇ 7:12

Aˬ yawꞈ maꞈ yawˬ gʼaˬ na luꞈ, yawˬ ha-euˬ gawˬ yoeˬ pyehˬ dzeh ngeh, gawˬ yoeˬ kʼoeˇ deuˬ aˇ lawˇ pyeuꞈ jiˇ-euˬ meh. Ehˇ kʼawꞈ, aˬ yawꞈ maꞈ-euˬ gawˬ yoeˬ kʼoeˇ deuˬ-ahˇ, Aˬloˬ-euˬ gawˬ yoeˬ neh myoꞈ ahˇ jiˇ nehˬ-euˬ meh.

Doˆ-iˇ 9:11

Mah loˬ nya-eu tsawˇ haˬ kʼoeˇ deuˬ Moˇseˬ-euˬ mehˬ shi maˬ doˆ le nya-a. Aˬ jeˬ miˇ neh ehˇ naˇ, aˬ yawꞈ maꞈ kʼawꞈ, Iˇjiˇtuˆ tsawˇ haˬ kʼoeˇ deuˬ loꞈ-ehˇ shaˬ ciˬ ciˬ-eu miˇ neh meh.

Yeˬlaˬmiˇ 37:19

Nawˬ-ahˇ maˬ ehˇ, nawˬ-euˬ miˇ kʼahˬ-ahˇ maˬ ehˇ, Baˬbuˇloˬ sahˬ paˬ guiˇ maˬ deuˆ le-aˇ lehˇ ehˇ-eu, Miˬyehˇ gʼaˇ duˬ ngehˬ dah-eu nawˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ ta.

Luˇkaꞈ 6:11

Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Gʼaˬkʼehˇ 13:11

SahˬpaˬMiˬyehˇ-euˬ aˬ laꞈ nawˬ-euˬ kʼoeˇ taˆ nymˬ-mˇ keuˆ le-awˇ, nawˇ yaw shehꞈ-ahˇ maˬ mawˇ nya ni myaˆ behꞈ behꞈ-iˇ-awˇ, tiˬ coeˬ tiˬ law ya shaˬ tehꞈ-a.” Tiˬ poˆ tehꞈ-ehˇ, zahˇ tsui ni gʼeh-eu juˬ kʼoeˬ aˬ yawꞈ-euˬ myaˆ nuiˆ-ahˇ tmˬ tsoeˬ-awˇ, aˬ yawꞈ jawˬ jawˬ-ehˇ cah cah-ehˇ, aˬ yawꞈ-euˬ aˬ laꞈ-ahˇ tsahˇ-awˇ bi sheuˬ gʼeh-eu tsawˇ haˬ-ahˇ poˆ-eu meh.

2 Tiˆmoˇseˬ 3:8

Yaˬneˬ hawˇ-eu Yaˬbeˬ aˬ nyaꞈ Moˇseˬ mehˬ gaˇ maˬ naˇ haˬ geuꞈ-euˬ loꞈ-ehˇ, tsawˇ haˬ kʼoeˇ deuˬ yaw tsaˬ yaw dawˇ jeˬ-ahˇ maˬ ha geuꞈ-a. Aˬ yawꞈ maꞈ-euˬ shaˇ noeˬ nya-eu nui ma gaˇ maˬ mˇ ni naˬ leˇ jiˇ-awˇ, jah-eu jeˬ-ahˇ smˬ-iˇ-euˬ tsawˇ haˬ pyeuꞈ-eu meh.